مەملەكەت باسشىسى قاسىم-جومارت توقاەۆ پارلامەنت پالاتالارىنىڭ بىرلەسكەن وتىرىسىندا قازاقستان حالقىنا جولداۋىن جاريالادى.

توقاەۆ كەزەكتى جولداۋىندا پرەزيدەنتكە تىكەلەي باعىناتىن ستراتەگيالىق جوسپارلاۋ جانە رەفورمالار جونىندەگى اگەنتتىك قۇرۋدى تاپسىردى.

- مەملەكەتتىك باسقارۋدىڭ جاڭا مودەلى. بۇل سالاداعى رەفورمالاردى جۇيەلى تۇردە جۇرگىزگەن ءجون. الدىمەن ءبىز مەملەكەتتىك باسقارۋ، كادر ساياساتى، شەشىم قابىلداۋ جۇيەسى جانە ولاردى ورىنداۋ جاۋاپكەرشىلىگى تاسىلدەرىن وزگەرتەمىز. پاندەميا مەن داعدارىس جاعدايىندا قولدانىستاعى مەملەكەتتىك باسقارۋ جۇيەسى بارىنشا جۇمىس ىستەيدى.

سوندىقتان مەن پرەزيدەنتكە تىكەلەي باعىناتىن ستراتەگيالىق جوسپارلاۋ جانە رەفورمالار اگەنتتىگىن قۇرۋ تۋرالى شەشىم قابىلدادىم. مۇنداي ورگان بۇعان دەيىن جۇمىس ىستەپ، جۇكتەلگەن مىندەتتەردى ءساتتى ورىندادى، ەندى ول بۇكىل مەملەكەتتىك جوسپارلاۋ جۇيەسىنىڭ ورتالىق بۋىنىنا اينالادى، - دەدى پرەزيدەنت.

سونداي-اق، ول ستاتيستيكا كوميتەتى ۇلتتىق ەكونوميكا مينيسترلىگىنىڭ قۇرامىنان شىعىپ، جاڭا اگەنتتىكتىڭ قۇرامىنا كىرەتىنىن ايتىپ ءوتتى.

Abai.kz