"BI grup" كومپانياسى شىمكەنت قالاسى اكىمشىلىگىنە قازىرگى يپپودرومدى قالانىڭ سىرتىنا كوشىرىپ، ورنىنا زاماناۋي تۇرعىنۇي كەشەنىن سالۋ بويىنشا ۇسىنىسىن جاريالاعان كۇننەن باستاپ، وسى ماسەلە بويىنشا حالىقتىڭ پىكىرى ەكىگە ءبولىندى.

ءبىر تاراپى قارسىلىق ءبىلدىرىپ، قۇرىلىستىڭ قالا ەكولوگياسىنا كەرى اسەرى بولاتىنىن العا تارتسا، ەكىنشى تاراپى وسى ينۆەستيتسيالىق جوبانىڭ قالا ەكونوميكاسىنا بەرەر وڭ اسەرىن قولداۋدا.

وسىعان ماسەلەگە بايلانىستى قالانىڭ ءاربىر تۇرعىنى سالىستىرمالى تۇردە شەشىم قابىلداۋى ءۇشىن، بەيتاراپتىقپەن جاساعان تومەندەگى زەرتتەۋىمدى جاريالاۋدى ءجون كوردىم.

ەكولوگياعا اسەرى.

ءاربىر قالانىڭ ەكولوگياسى، ەڭ باستى قۇندىلىقتارىنىڭ ءبىرى ەكەندىگى داۋسىز. سوندىقتان، ءاربىر قۇرىلىس نىساندارى سالىناردا قالانىڭ ەكولوگياسىنا اسەرى جايلى، ارنايى سالا ماماندارىنىڭ زەرتتەۋلەرى ەسكەرىلۋى قاجەت دەپ ەسەپتەيمىن.
سوندىقتان، ەكولوگ مامانداردان سۇراستىرا وتىرىپ جاساعان زەرتتەۋىم بويىنشا:

قازىرگى يپپودروم اۋماعى 33 گا
جاسىل جەلەگىنىڭ اۋماعى 1,5 گا
ءبىر ادامنىڭ وتتەگىنى كۇندىك تۇتىنۋ مولشەرى ورتاشا 600 ل

ياعىني، قازىرگى يپپودرومنىڭ جاسىل جەلەگىنىڭ بولەتىن وتتەگى مولشەرى، ءبىر كۇندە تەك 150 ادامنىڭ قاجەتتىلىگىن عانا وتەي الادى.

جەراستى قويناۋى زەرتتەلگەن. بولاشاقتا كەرەك بولۋى مۇمكىن ەشقانداي قازبا بايلىق جوق. 30 م تەرەڭدىككە دەيىن ەشقانداي جەراستى سۋى جوق.

ينۆەستيتسيالىق جوبا جايلى.

الدىمەن ينۆەستيتسيا دەگەنىمىز نە دەگەن سۇراققا جاۋاپ بەرسەك. (ويتكەنى، كەيبىر ازاماتتار ينۆەستيتسيا مەن بيۋدجەت قارجىسىن ءالى كۇنگە اجىراتا الماي ءجۇر)

ينۆەستيتسيا - ءبىر تۇلعانىڭ، توپتىڭ، نە كومپانيالاردىڭ بەلگىلى ءبىر جوبالارعا ءوز قارجىسىن قۇيۋى. بۇل جەردە حالىقتىڭ قارجىسىنا (بيۋدجەتكە) ەشقانداي قاتىسى جوق.

"BI grup" كومپانياسىنىڭ ۇسىنعان 5 جىلعا ارنالعان ينۆەستيتسيالىق جوباسى:

تۇرعىنۇي كومپلەكسىنە:
6000 پاتەر مەن 150 بيزنەسكە
ارنالعان نىساندارعا 135 ملرد. ت

قالالىق اكىمشىلىكتىڭ قۇزىرىنا بەرىلەتىن نىساندار:

جاڭا يپپودروم 2 ملرد ت
جاڭا مەكتەپ (1500 ورىندىق) 5 ملرد ت
جاڭا ەمحانا (200 ادامدىق) 1,7 ملرد ت
الەۋمەتتىك ينفروقۇرىلىمىنا
ۇلكەن پلەيحاب (ويىن الاڭى،اۋلانى كوگالداندىرۋ، اعاشتار 20 گا) 13 ملرد ت

جالپى قۇنى 156,7 ملرد ت

وسى قارجىدان جوسپارلانىپ وتىر:
جۇمىسشىلاردىڭ اقىسىنا 30% - 40 ملرد ت
قۇرىلىس زاتتارىنا 70% -95 ملرد ت

ال، ەندى تارازىعا سالىپ كورسەك.

ەكولوگيا بويىنشا:
كوگالداندىرىلعان الاڭ
قازىر 1,5-2 گا.
قۇرىلىس بىتكەندە 20 گا

وتتەگىمەن كۇندىك قامتاماسىز ەتۋى:
قازىر 150 ادام
قۇرىلىس بىتكەندە 1500 ادام

ينۆەست جوبا بويىنشا:

70% كومفورت
30% بيزنەس ساناتىنداعى 6000 پاتەرمەن قامتاماسىز ەتەدى.

8000 ادام 5 جىل بويى تىكەلەي سول جەردە تۇراقتى جۇمىسپەن قامتاماسىز ەتىلەدى.

20-25 000 ادام وسى قۇرىلىسقا كەرەكتى ماتەريالداردى وندىرۋگە، تاسىمالداۋعا ت.ت
جۇمىس جاسايدى.

باستاپقىدا 70% قۇرىلىس زاتتارى جەرگىلىكتى وندىرۋشىلەردەن الىنادى.
بۇل دەگەنىمىز 65-75 ملرد ت جەرگىلىكتى وندىرۋشىلەردىڭ قازىناسىنا تۇسەدى دەگەن ءسوز.

تۇراقتى جۇمىسشىلاردىڭ ايلىق تابىسى
120 000 -500 000 ارالىعىندا بولماق.

جوبا تولىق اياقتالىپ قۇرىلىستار بىتكەنسوڭ، سول جەردەگى تۇرعىندارعا قىزمەت ەتۋشى:
تۇراقتى جۇمىسپەن 2500 ادام
وفيستىك كەڭسەلەردە. 1000 ادام جۇمىس جاسايتىن بولادى.

جاڭا يپپودروم، 1500 ورىندىق جاڭا مەكتەپ ، 200 ادامدىق جاڭا ەمحانا ،
ۇلكەن پلەيحاب ويىن الاڭى،اۋلانى كوگالداندىرۋ، اعاشتار 20 گا

قوسىمشا 15 ملرد ت سالىقپەن قالا بيۋدجەتىنە تۇسەدى.
وسى قارجىعا ون پارك سالىپ الۋعا بولادى.

ءوزىمنىڭ قورتىندى تاڭداۋىم.

شاڭى شىعىپ جاتقان، قالا تۇرعىندارىنا ەكولوگيالىقتا، ەكونوميكالىقتا ەشقانداي پايداسى جوق(قازىرگى احۋالىندا پايداسى جوق دەۋگە ابدەن بولادى), جىلىنا ەكى رەت اتجارىس پەن كوكپار، ءبىر رەت ناۋرىز تويلاناتىن بۇل يپپودرومنان، 30 000 حالىقتى 5 جىل جۇمىسپەن قامتىپ، قالامىزعا مەگاپوليسكە لايىق كورىك بەرەتىن قۇرىلىس پەن بيزنەس نىساندارىنىڭ بولعانىن ارتىق كورەمىن.

(ايتپاقشى!
قارسى تاراپتاعى ۇسىنىپ جۇرگەن جوبالاردى دا زەرتتەدىم. ول جەردە دە كافە-رەستوراندار، ساۋدا ورىندارى بار ەكەن. دەمەك، ولاردىڭ ەگەلەرى قۇرىلىس سالۋى ءۇشىن، الدىمەن مەملەكەتتىك اكتى الۋى كەرەك بولادى. ول دەگەنىمىز جەرىن ءبارى-ءبىر بىرەۋلەرگە ساتىلۋى مۇمكىن.
ءبىزدىڭ جەرگىلىكتى "ەليتامىزدىڭ" بار قيالدارىنىڭ جەتكەن جەرلەرى تويحانا مەن كافە-رەستوران، دۇكەن سوعۋعا دەيىن عانا جەتەتىنىن ەسكەرسەك، ەلگە ۇسىنىپ جۇرگەن جوبا ارحيتەكتورلارىنا "جەلدىڭ قايدان" سوعىپ جاتقانىندا تۇسپالداۋعا بولاتىن سياقتى.)

ادەتتە، كەز-كەلگەن قالانىڭ دامۋشى قالا ەكەندىگىنىڭ بەلگىسى بولىپ، قوسىمشا-جاناما ينۆەستيتسيالاردىڭ اعىمىن بۇرۋشى قۇبىلىستاردىڭ ءبىرى --- اسەمدە-كورىكتى، بيىكتە-ەرەكشە عيماراتتار بولىپ كەلەدى (مالايزيا، دۋباي ت.ت سەكىلدى).
سوندىقتان، وسىنداي زاماناۋي كورىكتى عيماراتتارعا ينۆەستيتسيا سالۋ ارقىلى، قالانىڭ ەكونوميكاسىنىڭ دامۋىنا سەرپىن بەرەتىن جوبالاردىڭ كوپ بولعانىن قالايمىن.
مىسالى: قالاداعى بايلاردىڭ ءاربىرىنىڭ نۇرسۇلتان مەن الماتىدا ۇيلەرى بار. كەز-كەلگەن وسى قالانىڭ تۇرعىنى بايىسا، سول جاقتان ءۇي الارى حاق. ويتكەنى، ول جاقتى دامۋشى ءوڭىر رەتىندە كورەدى. جانە، العانى ءۇشىن ەشقاشان ۇتىلمايمىن دەپ ويلايدى. ولارعا سونداي سەنىم بەرەتىن كۇش - سول قالانىڭ دامۋشى قالا ەكەندىگىنىڭ الگىندەي "سيمۆولدارى".
بۇعان قوسىمشا باي كاسىپكەرلەر وسىندا جيعان قارجىلارىن سول قالالاردىڭ ەكونوميكاسىنا سالادى. ياعىني، شىمكەنتتىڭ قارجىسى ۇنەمى باسقا قالالارعا اعۋمەن بولادى.

جادىلارىڭىزدا بولسىن!
قارجىنىڭ باسىم بولىگى قالتالى ازاماتتاردا. سولاردىڭ قارجىسى قاي قالاعا قۇيىلادى، سول قالا دامي باستايدى. نەمەسە، قاي قالا قالتالى ازاماتتاردىڭ قارجىسىن وزدەرىنە بۇرا السا، سول قالانىڭ دامي تۇسەتىنىنە ءشۇباڭىز بولماسىن.
بۇل جوبا وسىنداي ءۇردىستىڭ باستاماسى بولسا دەپ ۇمىتتەنەمىن.

الدىعا ستراتەگيالىق ويلاپ، كەلە جاتقان ۇلكەن كريزيستى ەسكەرسەك، الداعى 5 جىلدا 30 000 وتباسىنى "اشتان ولتىرمەيتىن" مۇمكىندىكتىڭ ءبىرى رەتىندە قاراۋعا بولادى.
وسىنداي قيىن كەزەڭدە ەكونوميكاعا ەكولوگيانى قارسى قويۋشىلارعا،

"ورازا-ناماز توقشىلىقتا" دەگىم كەلەدى.

رۋستەم اشەتاەۆتىڭ جازباسى

Abai.kz