كوروناۆيرۋستىڭ ەكىنشى تولقىنى بولسا، 162 مىڭ ازامات جۇمىسسىز قالۋى مۇمكىن. بۇل تۋرالى قر ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ مالىمدەدى.

«ەگەر كوروناۆيرۋستىڭ ەكىنشى تولقىنى باستالىپ، قاتاڭ شەكتەۋ شارالارى قابىلدانسا، ءبىزدىڭ باعالاۋىمىز بويىنشا 2 ميلليون 200 مىڭ ادام قولداۋعا مۇقتاج بولۋى مۇمكىن. بولجامعا سۇيەنسەك، وسى جاعدايدا 4 ملن ادام جۇمىسىن ساقتاپ قالادى، 162 مىڭ ازامات جۇمىسسىز قالۋى مۇمكىن»، - دەدى مينيستر.

ءبىرجان نۇرىمبەتوۆتىڭ ايتۋىنشا، بۇل كەزەڭدە اۋىل شارۋاشىلىعى، قۇرىلىس، ءوندىرىس جانە دەنساۋلىق ساقتاۋ سالاسى ماماندارىنىڭ جۇمىسى ساقتالادى. ال 2,5 ميلليون ادام قاشىقتان جۇمىس ىستەۋ فورماتىنا اۋىسۋى مۇمكىن. 2 ملن ادامنىڭ جۇمىس ۋاقىتى قىسقارىپ، ولار اقىلى نەمەسە باسىم بولىگى اقىسىز دەمالىسقا شىعارىلۋى ىقتيمال.

Abai.kz