جۇما, 29 ناۋرىز 2024
2696 1 پىكىر 29 قىركۇيەك, 2020 ساعات 11:46

پاندەميا: كينوتەاترلار 150 ملرد تەڭگە جوعالتقان

ەلىمىزدەگى كينوتەاترلار پاندەميا سالدارىنان 150 ملرد تەڭگە جوعالتقان. بۇل تۋرالى حابار 24 مالىمدەدى. 

سالانىڭ بولاشاعى بۇلىڭعىر. بۇل تۋرالى كينوتەاتر يەلەرى قاۋىمداستىعىنىڭ پرەزيدەنتى مۋنيرا ياگۋدينا سالانىڭ بولاشاعى بۇلىڭعىر ەكەنىن ايتتى.

ءتىپتى كينوتەاترلار اشىلعان كۇننىڭ وزىندە كينو كورۋگە كەلەتىن ادامدار ازايىپ كەتە مە دەپ قورقادى. ەلىمىزدەگى ءاربىر بەسىنشى كينوتەاتر جابىلۋى مۇمكىن. كارانتيندىك شەكتەۋلەردىڭ جەڭىلدەۋى بۇل سالاعا قاتىستى بولماي تۇر. كاسىپكەرلەر تىعىرىققا تىرەلگەن. قازىردىڭ وزىندە ورتاشا شىعىن 150 ملرد تەڭگەگە جۋىقتادى.

كينوتەاتر يەلەرى قاۋىمداستىعىنىڭ پرەزيدەنتى مۋنيرا ياگۋدينانىڭ ايتۋىنشا، شىعىن بۇدان دا كوپ بولۋى مۇمكىن. تاۋەكەلگە تولى بيزنەسكە كەلۋگە نيەتتى كاسىپكەرلەردىڭ بەتى قايتقالى قاشان. كارانتينگە دەيىن ەلدە 92 كينوتەاتر، 350 كينوزال جۇمىس ىستەدى. ونىڭ ونعا جۋىعى جابىلىپ ۇلگەردى.

قاۋىمداستىق پرەزيدەنتى جاعداي وڭالماسا، جابىلعان مادەني وشاقتاردىڭ سانى ەسەلەپ ارتاتىنىن ايتادى. كاسىپكەرلەر ەڭ بولماعاندا اشىلۋعا بولاتىن بولجالدى ۋاقىتتى كورسەتسە دەيدى. بىراق ازىرگە جاۋاپ جوق. ونىڭ ۇستىنە كينوتەاتر كىرىسىنىڭ باسىم بولىگىن پوپكورن ساتىلىمى قۇرايتىن.

كارانتيندىك تالاپتاردىڭ ءبىرى – زالعا ازىق الىپ كىرۋگە تىيىم سالۋ. بۇل دا سالانىڭ قادامىن بوگەيتىن ءتۇرى بار.

جالپى، ىندەتكە دەيىن ەلدەگى كينوتەاترلاردا 6000 ادام جۇمىس ىستەدى. ولاردىڭ كوبى جاڭا جۇمىس ىزدەپ كەتكەن.

مۋنيرا ياگۋدينا، قازاقستان كينوتەاتر يەلەرى قاۋىمداستىعىنىڭ پرەزيدەنتى:

– ءبىز بارلىق قۇزىرلى ورگانعا حات جولداپ، ماسەلەنى كوتەردىك. بىراق ەش ناتيجە جوق. ونسىز دا شىعىنى كوپ سالا ەدى. قازىرگى جاعدايىمىز تىم مۇشكىل. ءبىزدى ەستىر جان بار ما؟ تەاترلار اشىلىپ جاتىر عوي. ىندەت جۇقتىرۋ قاۋپى بار دەيدى. بىراق ۇشاقپەن ەمىن-ەركىن ۇشىپ جاتقانداردى قايتەمىز؟! الگوريتمگە ساي كينوزالدى 30 پروتسەنتكە عانا تولتىرۋ كەرەك ەكەن. مىسالى، 600 ورىندىق كينوزالعا 50 ادام جيناپ الۋ قيسىنسىز. ودان كەيىن كينو – تەز بۇزىلاتىن تاۋار. جاڭا تۋىندىلاردى ەكرانعا شىعارىپ، پروكاتقا ۇسىنۋىمىز قاجەت. ۋاقىت اعىنىنان قالىپ جاتقانىمىز قىنجىلتادى. قازاندا جاڭا فيلمدەر از تۇسەدى. سوعان قاراماستان، كەز كەلگەن شارتتى قابىلداپ، جۇمىستى جانداندىرعىمىز كەلەدءى.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1575
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2272
عيبىرات

قايسار رۋحتى عازيز جان

مۇحتار قۇل-مۇحاممەد 3587