جۇما, 29 ناۋرىز 2024
3920 0 پىكىر 30 قىركۇيەك, 2020 ساعات 15:07

«پەداگوگ مارتەبەسى تۋرالى» زاڭ جاس ماماندارعا قالاي ىقپال ەتتى؟

2020 جىلدىڭ مامىر ايىندا وتكەن ۇلتتىق قوعامدىق سەنىم كەڭەسىنىڭ ءۇشىنشى وتىرىسى ءبىلىم جانە عىلىمدى دامىتۋ ماسەلەلەرىنە ارنالعان بولاتىن. وتىرىس ناتيجەسىندە پرەزيدەنت قاسىم-جومارت توقاەۆ بىرقاتار تاپسىرمالار بەردى. سول تاپسىرمالار قانشالىقتى ورىندالىپ جاتىر؟ بۇل تۋرالى ءبىلىم جانە عىلىم ءمينيسترى اسحات ايماعامبەتوۆ مالىمدەدى. 

ايماعامبەتوۆتىڭ ايتۋىنشا، سول وتىرىستا مۇعالىم ماماندىعىن تاڭداعان ستۋدەنتتەردىڭ شاكىرتاقى مولشەرىن ەكى ەسەگە، ياعني، 42 مىڭ تەڭگەگە دەيىن كوتەرۋ مەن سول ماماندىققا تۇسەتىن شاكىرتتەرگە قويىلاتىن تالاپتاردى ارتتىرۋ ماسەلەسى قارالعان.

ايتا كەتەيىك، پەداگوگيكالىق ماماندىقتا وقيتىن ابيتۋرەنتتەرگە تولەنگەن شاكىرتاقى مولشەرى وتكەن جىلى 21 مىڭ تەڭگە بولعان. الايدا، پرەزيدەنتتىڭ تاپسىرماسىنان كەيىن جىل سوڭىندا 26 مىڭ تەڭگەگە كوتەرىلگەن. ال، بيىلعى جاڭا وقۋ جىلىنان باستاپ مۇعالىم ماماندىعىن تاڭداعان بيتۋرەنتتەردىڭ شاكىرتاقىسى 42 مىڭ تەڭگە كولەمىندە بولدى. ايتا كەتەرلىگى، بۇل بارلىق ماماندىقتاردىڭ ىشىندەگى ەڭ جوعارى كولەمدەگى شاكىرتاقى بولىپ ەسەپتەلەدى.

ال، بولاشاق ۇستازدار 28-قىركۇيەكتەن باستاپ وسى تاعايىندالعان ستيپەنديانى الا باستاعان.

سونىمەن قاتار، 2020 جىلدىڭ ماۋسىم ايىنان باستاپ پەداگوگيكالىق ماماندىقتارعا تۇسەتىن تالاپكەرلەرگە شەكتى بالل 70-كە دەيىن كوتەرىلدى. بۇل ءوز كەزەگىندە اتالعان ماماندىققا قويىلاتىن تالاپتى كۇشەيتپەك.

ال، بيىل مەكتەپ بىتىرگەندەر، ونىڭ ىشىندە «التىن بەلگى» توسبەلگىسىن العان تۇلەكتەردىڭ اراسىندا مۇعالىم ماماندىعىن تاڭداعاندار سانى 1,7 ەسەگە ءوستى. ال، باسقا باعىتتار بويىنشا ورتاشا بالل 100-دەن جوعارى بولعان. بۇل ءوز كەزەگىندە «پەداگوگ مارتەبەسى تۋرالى» زاڭدى قابىلداۋمەن اتقارىلعان جۇمىستاردىڭ ناتيجەسى دەپ ايتۋعا بولادى.

ايتا كەتەيىك، پەداگوگيكالىق ماماندىققا تۇسەتىن تالاپكەرلەردىڭ ورتاشا بالى بىرنەشە جىل بۇرىن 65 بولسا، قازىر تەك قانا جوعارى بالل جيناعان باسەكەگە قابىلەتتى تۇلەكتەر عانا اتالعان ماماندىقتىڭ تىزگىنىن ۇستاي الادى. سونىمەن قاتار، بۇگىندە ۇستازدىق ماماندىعىنا دەگەن سۇرانىس تا قوعام تاراپىنان ارتقانى بايقالادى.

ودان كەيىن ۇلتتىق قوعامدىق سەنىم كەڭەسىنىڭ وتىرىسىندا ايتىلعان تاعى ءبىر ماسەلە – عىلىم سالاسىنداعى جاستاردى قولداۋ مەن ولارعا قويىلاتىن تالاپتاردى قاتاڭداتۋ.

ماسەلەن، سوڭعى وتىرىستان كەيىن دوكتورانتتاردىڭ ستيپەندياسى 102 مىڭنان 150 مىڭ تەڭگەگە دەيىن كوتەرىلگەن. بۇل جاس عالىمداردى قولداۋ ءۇشىن اتقارىلعان ۇلكەن شارۋا. سەبەبى، ولاردىڭ دا ءوز وتباسىلارى بار جانە جاس عالىمداردىڭ ءوز زەرتتەۋلەرىمەن اينالىسۋىنا جول اشۋ قاجەت.

سونىمەن قاتار، ءبىلىم جانە عىلىم مينيسترلىگىندەگى تاعى ءبىر ايتارلىقتاي جاڭالىق 2020 جىلدىڭ قىركۇيەك ايىنان باستاپ مەملەكەتتىك گرانتتىڭ قۇنى ءوستى. بۇل شارا ۋنيۆەرسيتەتتەگى وقىتۋشىلاردىڭ جالاقىسىن كوبەيتىپ، جوعارى وقۋ ورىندارىنىڭ ماتەريالدىق-تەحنيكالىق بازاسىن نىعايتۋعا سەپتىگىن تيگىزبەك.

ءبىلىم جانە عىلىم ءمينيسترى ۇلتتىق قوعامدىق سەنىي كەڭەسىنىڭ قورىتىندىسى نەگىزىندە بەرىلگەن پرەزيدەنت تاپسىرمالارى الداعى ۋاقىتتا بەلگىلەنگەن مەرزىمدە ورىندالاتىنىن جانە اتالعان ماسەلەنىڭ ەرەكشە باقىلاۋدا ەكەنىن ايتتى.

ايتا كەتەيىك، ۇلتتىق قوعامدىق سەنىم كەڭەسىنىڭ وتىرىسىندا مەملەكەت باسشىسى قاسىم-جومارت توقاەۆ مەكتەپتەردىڭ سانىنىڭ ارتاتىنىن دا ايتقان بولاتىن.

-ەلىمىزدىڭ مەكتەپتەرىندە سىنىپتاعى وقۋشىلاردىڭ سانى كوپ بولماعانى جانە مەكتەپتەردىڭ جاقسى جابدىقتالعانى ماڭىزدى. 2025 جىلعا قاراي 650 ورىندىق جانە ودان كوپ وقۋشىعا ارنالعان 800 جاڭا مەكتەپ سالىنادى. سونىمەن قاتار، اۋىلدارداعى تىرەك مەكتەپتەر ءۇشىن 114 ينتەرنات پەن 700 دەن اسا سپورت زالدارىن سالۋ جوسپارلانعان. مۇنىڭ بارلىعى دا مەملەكەتتىك ءبىلىم بەرۋ باعدارلاماسىنىڭ نەگىزىندە جاسالادى،- دەگەن بولاتىن پرەزيدەنت.

سونداي-اق، اتالعان كەڭەستە اۋىل مەن قالا مەكتەپتەرىنىڭ اراسىنداعى الشاقتىقتى قىسقارتۋ، بالالار اراسىنداعى سۋيتسيد پەن وقۋشىلار اراسىنداعى زورلىق-زومبىلىق، بالالاردىڭ قاۋىپسىزدىگىن قامتاماسىز ەتۋ ماسەلەلەرى قاراستىرىلعان.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3600