جەكسەنبى, 17 قازان 2021
ساڭلاق 6610 9 پىكىر 15 قازان, 2020 ساعات 12:55

پرايمەريزگە قاتىسۋشىنىڭ ادام سەنبەس وتىرىگى...

جاقىندا «نۇر وتان» پارتياسىنىڭ پرايمەريزى ءوتتى. پارتياىشىلىك سايلاۋدىڭ ەرەجەسىنە سايكەس، ءار ماسليحاتتاعى سايلاۋالدى پارتيالىق تىزىمدەرگە كەمىندە 30% ايەلدەر جانە 20% 35 جاسقا دەيىنگى جاستار ەنۋى كەرەك بولدى.

كەيىن پرايمەريزگە قاتىسۋشىلاردىڭ قانشا داۋىس جيناعانى بەلگىلى بولدى. رrimaries.kz سايتى ەلوردا اۋداندارىندا جوعارى داۋىس جيناعان جاستاردىڭ رەيتينگىسىن جاريالاعان ەكەن.

اتالعان تىزىمدە ەسىل اۋدانى بويىنشا ءومىرباي ءجانتىل ەسىمدى قاتىسۋشى 1313 داۋىسپەن كوش باستاپتى. بۇل ازامات رەسمي «Kazakh British company Gost» ديرەكتورلار كەڭەسىنىڭ توراعاسى دەپ كورسەتىلگەن.

ءبىر قىزىعى وسى ازامات پرايمەريزدىڭ پىكىر سايىس الاڭىندا ءوزىن كاسىپقوي بوكستان الەم چەمپيونى دەپ تانىستىرعان. بۇل تۋرالى Prosports.kz سايتى حابارلادى.

ءجانتىل ءومىربايدىڭ ءوزىن تانىستىرۋ ساتىنەن ۆيدەوۇزىندىنى Instagram-پاراقشاسىندا جاريالاعان وليمپيادا قاتىسۋشىسى مەرەي اقشالوۆ تاڭدانىسىن جاسىرمادى.

دوستار، ءسىز بۇل ادامدى تانيسىز با؟ ءسىز ونى الەم چەمپيونى دەپ بىلەسىز بە؟ مەن بىلمەيمىن. مەن بىرەۋدىڭ بىلەتىنىنە كۇماندانامىن. بارلىعى بىلەدى، تەك 4 ادام - ​​كاسىپقوي بوكستاعى قازاقستاندىق الەم چەمپيونى: گەننادي گولوۆكين، بەيبىت شۇمەنوۆ، ۆاسيلي جيروۆ جانە جانات جاقيانوۆ.

قاجىرلى ەڭبەكپەن، ماڭداي تەرىمەن جەتكەن وسى اتاققا لايىق ادامدارمەن، ءومىرباي ءجانتىل ءوزىن بىردەي اتاي الا ماقازاق كاسىپقوي بوكسىنىڭ دەڭگەيىن وسىندايلار تۇسىرەدى ەمەس پە دوستار؟, - دەپ جازدى اقشالوۆ.

ءجانتىل ءومىرباي ءوز ايتقانداي الەم چەمپيونى بولماسا دا، كاسىپقوي بوكستا باق سىناعانى راس. 2018 جىلى رەسەيدە ەكى جەكپە-جەك وتكىزىپ، جەڭىسكە جەتكەن. بىراق ول جەكپە-جەكتەرىندە ەشقانداي دا چەمپيوندىق بەلبەۋ ساراپقا سالىنباعان. سوعان قاراماستان پرايمەريزگە قاتىسۋشى ەش قىسىلماستان ءوزىن «الەم چەمپيونى» دەپ تانىستىرعان.

قۋانىش قاپپاس

Abai.kz

9 پىكىر