بۇدان بولەك 2 قاراشادا جالدامالى 20 تۇرىك ساربازىنىڭ وققا ۇشقانى تۋرالى مالىمەت تاراتتى. ارمەنيا پرەمەر-ءمينيسترى نيكول پاشينيان باكۋگە قاتىستى حالىقارالىق تەرگەۋ جۇرگىزۋگە شاقىردى.

وسىعان دەيىن انكارا مەن باكۋ تاۋلى قاراباقتا ازەربايجان جاعىندا تۇرىك ساربازدارى سوعىسىپ جاتىر دەگەن اقپاراتتى تەرىسكە شىعارعان.

2 قاراشادا ازەربايجان قورعانىس مينيسترلىگى ارمەنيانى ءبىزدىڭ ايماققا وق اتتى دەپ ايىپتادى. ازەربايجان پرەزيدەنتى يلحام اليەۆ ەگەر ەرەۆان تاۋلى قاراباقتان اسكەرىن شىعاراتىن بولسا، باكۋ سوعىستى توقتاتادى دەپ مالىمدەدى.

قازان ايىنىڭ سوڭىندا ازەربايجان جانە ارمەنيا سىرتقى ىستەر مينيسترلەرى جەنەۆادا كەزدەسىپ، بەيبىت تۇرعىندار تۇراتىن ايماققا وق اتىلمايدى، تۇتقىندار الماستىرامىز دەپ كەلىسكەن.

قىركۇيەك ايىنىڭ سوڭىندا تاۋلى قاراباقتا جانجال باستالعالى بەرى باكۋ مەن ەرەۆان بىرنەشە رەت بىتىمگە كەلگەن. بىراق ونىڭ ءبىرى دە ورىندالمادى. ەكى تاراپ تا ءبىتىم شارتىن بۇزدى دەپ ءبىرىن ءبىرى ايىپتاپ كەلەدى.

Abai.kz