امەريكا قۇراما شتاتتارى قازاقستانداعى ءوزىنىڭ حالىقارالىق دامۋ اگەنتتىگى (USAID) ارقىلى قازاقستان ۇكىمەتى COVID-19 پاندەمياسىنا قارسى كۇرەسۋ بويىنشا ىسكە اسىرىپ جاتقان شارالاردى قولداۋ ءۇشىن قاجەتتى جابدىق پەن ماتەريالداردى ساتىپ العانى جونىندە جاريالادى.

بۇل جابدىقتار USAID اگەنتتىگىنىڭ جەرگىلىكتى دەنساۋلىقتى ساقتاۋ جۇيەسىنىڭ تۇراقتىلىعىن قامتاماسىز ەتۋ جوباسى شەڭبەرىندە بەرىلدى. ماتەريال جەتكىزىلىمىنىڭ بۇل ەكىنشى كەزەڭى 1 ميلليون 113 مىڭ 907 دوللارعا باعالانىپ، قازاقستاندا COVID-19 ىندەتىنە توتەنشە جاۋاپ قايتارۋ شارالارىن دا، پاندەمياعا ۇزاق مەرزىمدى دايىندالۋدى ىسكە اسىرۋ مۇمكىندىكتەرىن دە قولدايدى.

بۇل مامانداندىرىلعان زەرتحانالىق جابدىقتاردىڭ ارقاسىندا دەنساۋلىقتى ساقتاۋ مينيسترلىگى COVID-19-ءتى تەز انىقتاۋ، سونداي-اق كەلەشەكتەگى، ءالى بەلگىسىز ىندەتتەرگە دايىندىقتى قامتاماسىز ەتۋ ماقساتىندا نەعۇرلىم قۋاتتى الەۋەتكە يە بولادى. ىندەت جاعدايىندا COVID-19 سياقتى جۇقپالى اۋرۋلاردىڭ حالىق اراسىندا تارالۋىنىڭ باياۋلاۋى جانە توقتاۋى قىسقا ۋاقىت ارالىعىندا انىق دياگنوستيكالىق تەستتەردى وتكىزۋ مۇمكىندىگىنە بايلانىستى. بۇل تەستتەر مەن ماتەريالدار قازاقستان ۇكىمەتىنىڭ انىق تەستىلەۋدى وتكىزۋ، سونداي-اق COVID-19 سەكىلدى ۆيرۋستى قاتەرلەردى انىقتاۋ، زەرتتەۋ جانە ءتۇسىنۋ قابىلەتتىلىگىن كەڭەيتەدى. بۇل قولداۋ شەڭبەرىندە 50 000-دەن استام ۆيرۋستىق تاسىمالداۋ قۇرالدارى مەن Cepheid SARS-COV-2 انىقتاۋ كارتريدجدەرى كىردى جانە جاعدايدى جەدەل انىقتاۋ بويىنشا اعىمداعى كۇش-جىگەردى قولداۋعا باعىتتالدى.

قازاقستان ۇكىمەتى USAID-پەن سەرىكتەستىكتە جوبانى قولداۋ ءۇشىن باسىم باعىتتاردى بەلگىلەدى جانە USAID-ءتىڭ دەرگىلىكتى دەنساۋلىقتى ساقتاۋ جۇيەسىن تۇراقتاندىرۋدى قامتاماسىز ەتۋ جوباسى شەڭبەرىندە قاجەتتى زەرتحانالىق ماتەريالداردى ساتىپ الۋدى جالعاستىرادى. 700 000 اقش دوللارىنان استام سوماعا الىنعان قوسىمشا زەرتحانالىق ماتەريالدار 2020 جىلدىڭ قاراشا ايىندا جەتكىزىلۋى كۇتىلۋدە. USAID قازاقستاننىڭ دايىندىق جانە ارەكەت ەتۋ بويىنشا ۇلتتىق ستراتەگيالىق جوسپارىن قولداپ، وسى ۋاقىتقا دەيىن قوسىمشا ساتىپ الۋلار دا ىسكە اسىرىلدى.

اقش ۇكىمەتى قازاقستاندا COVID-19 ىندەتىمەن كۇرەستە جاردەم كورسەتۋدى ىسكە اسىرۋ ءۇشىن 5,7 ميلليوننان دوللاردان استام اقشا ءبولدى. بۇل كومەك دەنساۋلىق ساقتاۋ جۇيەسىنىڭ قولدانىستاعى ستراتەگيالارىنا سۇيەنە وتىرىپ، قازاقستانداعى ەپيدەمياعا قارسى الدىن-الۋ، انىقتاۋ جانە ارەكەت ەتۋ قاجەتتىلىكتەرىن قولدايدى.

Abai.kz