15 قاراشادا تۇركيا پرەزيدەنتى رەجەپ تايىپ ەردوعان تاۋەلسىزدىگىن انكارا عانا تانىعان سولتۇستىك كيپرگە بارىپ، حالىقارالىق قاۋىمداستىق كيپردىڭ ەكى ماملەكەتكە بولىنگەنىن رەسمي تانىعانىن قالايتىنىن مالىمدەدى.

"كيپردە ەكى ەل جانە ەكى مەملەكەت بار. كەلىسسوزدەر وتكىزىپ، ونىڭ ناتيجەسىندە ەكى جاق وزىنشە ەكى مەملەكەت بولۋى ءتيىس", - دەدى ەردوعان.

سولتۇستىك كيپر 1983 جىلى ءوزىن ەگەمەن ەل دەپ جاريالاعان. وعان دەيىن ارالدىڭ كيپرلىك تۇرىكتەر باسىم سولتۇستىك بولىگىن تۇركيا اسكەرى وككۋپاتسيالاپ العان. ونىڭ ەگەمەندىگىن انكارا عانا تانىعان.

وسىعان دەيىن كيپردىڭ ەكى تاراپى ارالدى بىرىكتىرۋگە بايلانىستى كەلىسسوزدەر جۇرگىزىپ كەلدى. بىراق ناتيجە بەرمەدى.

بىرقاتار باسىلىمدار اتاپ وتكەندەي، كيپردىڭ سولتۇستىگىندە ەردوعان قولداعان ساياساتكەر ەرسين تارتار بيلىككە كەلگەننەن كەيىن ەكى تاراپتى قوسۋ تۋرالى كەلىسسوزدەر بۇرىنعىدان دا قيىنداي ءتۇستى. تارتار حالىقارالىق قاۋىمداستىق سولتۇستىك كيپردىڭ تاۋەلسىزدىگىن تانۋى كەرەكتىگىن ايتىپ كەلەدى.

Abai.kz