الماتىدا ەكس-بانكير جومارت ەرتاەۆقا قاتىستى سوت ۇكىمى شىقتى.

ونلاين فورماتتا وتكەن سوت وتىرىسىندا المالى اۋداندىق سوتىنىڭ سۋدياسى رومان سەليتسكي بانكيردى 11 جىلعا باس بوستاندىعىنان ايىرۋ جانە دۇنيە-مۇلكىن تاركىلەۋ تۋرالى ۇكىمدى وقىدى.

– قىلمىستىق كودەكستىڭ 218 جانە 28-باپتارى بويىنشا جومارت ەرتاەۆ 11 جىلعا باس بوستاندىعىنان ايىرىلسىن. سونداي-اق وعان جازاسىن وتەپ بولعان سوڭ 10 جىل بويى بانك پەن قارجى سالاسىندا جۇمىس ىستەۋگە تىيىم سالىنادى،-دەدى ول.

ەلىمىزدەگى ەكىنشى دەڭگەيلى بانكتەردىڭ بىرىنەن 144 ميلليارد تەڭگەنى جىمقىردى دەپ ايىپتالعان قارجىگەرمەن بىرگە سوتتا 36 ادامنىڭ ءىسى قارالدى. ولاردىڭ اراسىندا بانكتىڭ بۇرىنعى توپ-مەنەدجەرلەرى مەن قاتارداعى قىزمەتكەرلەرى دە بار.

ايتا كەتەيىك، بۇعان دەيىن جومارت ەرتاەۆ كىناسىن تولىق مويىنداپ، ءوزىنىڭ ءىس-ارەكەتىنە وكىنەتىنىن مالىمدەگەن ەدى.

Abai.kz