سەنبى, 23 قاڭتار 2021
1121 4 پىكىر 20 قاراشا, 2020 ساعات 17:07

قىتايدىڭ سيىر ەتىنەن كوروناۆيرۋس انىقتالدى

قىتايدىڭ ۋحان قالاسىندا يمپورتتالعان مۇزداتىلعان سيىر ەتىنەن كوروناۆيرۋس انىقتالدى. بۇل تۋرالى جەرگىلىكتى دەنساۋلىق ساقتاۋ ورگاندارىنىڭ وكىلدەرى ايتتى. بۇل تۋرالى «tengrinews.kz» سايتى حابارلادى.

دەرەككوز مالىمەتىنشە، ەت ۋحانعا برازيليادان تيانتسزين كەدەنى ارقىلى 25 قىركۇيەكتە اكەلىنىپ، توڭازىتقىشقا سالىنعان. جالپى سالماعى 27 توننا بولاتىن مۇزداتىلعان سيىر ەتىنىڭ 1313 بلوگىنان كوروناۆيرۋس تابىلىپ وتىر.

قازىرگى ۋاقىتتا وسى جاعداي بويىنشا تەرگەۋ جۇمىستارى ءجۇرىپ جاتىر. ال جەرگىلىكتى بيلىك وكىلدەرى قاجەت تاۋارلاردى مورلەپ، قويمالاردى دەزينفەكتسيالاپ جاتىر.

بۇعان دەيىن ۋحان بيلىگى قالا بويىنشا بارلىق يمپورتتالعان مۇزداتىلعان ازىق-تۇلىك ءونىمىن مۇقيات تەكسەرۋدى تاپسىرعان بولاتىن.

ەسكە سالايىق، مۇنىڭ الدىندا 20 ەلدىڭ ازىق-تۇلىك پاكەتتەرىنەن كوروناۆيرۋس انىقتالعانى حابارلانعان ەدى.

Abai.kz

4 پىكىر