Yomiuri جاپون گازەتىنىڭ مالىمەتىنە قاراعاندا، جۇمىسشىلاردىڭ اقىسىن تولەۋگە جانە بيلەتتى قايتارۋ جۇيەسىن جاساۋعا كوپ قاراجات كەتكەن.
ويىنداردى ۇيىمداستىرۋ كوميتەتى كەلەسى ايدا قوسىمشا شىعىندار تۋرالى مالىمەت جاريالاۋدى كوزدەپ وتىر.
ويىندار وتەتىن ۋاقىت اۋىسقانعا دەيىن ۇيىمداستىرۋشىلار توكيوداعى وليمپيادانى 13 ملرد دوللارعا باعالاعان.
وليمپيادا ويىندارىن جاپونيادا وتكىزۋ تۋرالى شەشىم 2013 جىلى قابىلداندى. سول كەزدە ۇيىمداستىرۋشىلار ونى وتكىزۋگە 7,3 ملرد دوللار كەتەدى دەپ حابارلاعان.
بيىل ناۋرىز ايىندا حالىقارالىق وليمپيادا كوميتەتى مەن جاپونيا ۇكىمەتى ويىنداردى ءبىر جىلعا شەگەرە تۇرۋ تۋرالى شەشىم قابىلدادى.
وليمپيادا ويىندارى 2021 جىلى 23 شىلدەدە باستالادى دەپ جوسپارلانعان.
Abai.kz
