كارانتيندىك شەكتەۋلەرگە قاراماستان، 2020 جىلى الماتى بازارلارىنداعى اقشا اينالىمى وسكەن. بۇل كومپانيالار مەملەكەتكە قانشا سالىق تولەيدى جانە الماتىنىڭ ەڭ ءىرى بازارلارىن كىم باسقارادى؟ بۇل تۋرالى Kursiv.kz جازدى.

الماتى قالاسى كاسىپكەرلىك جانە ينۆەستيتسيالار دەپارتامەنتىنىڭ (UPII) مالىمەتتەرى بويىنشا، كولەمى مەن اينالىمى جاعىنان قالاداعى ەڭ ءىرى امبەباپ بازارلارعا «كەنجەحان»، «اق-بۇلاق»، «الاتاۋ-1»، «الاتاۋ-2» «جۇلدىز» (كوتەرمە ساۋدا),«بارىس-4» جانە «كوك بازار» جاتادى.

مەملەكەتتىك كىرىستەر كوميتەتى اتالعان بازارلاردىڭ بيۋدجەتكە 135 ميلليون تەڭگە سالىق تولەگەنىن ايتادى.

«كەنجەحان» 

الماتىداعى ەڭ ءىرى ساۋدا بازارى. كوتەرمە ساۋدا نارىعىنىڭ سايتىندا، ونىڭ يەسى «ساندەل-ساۋدا» جشس دەپ كورسەتىلگەن. ەلەكتروندىق ۇكىمەت پورتالىنىڭ حابارلاۋىنشا، كومپانيا قۇرىلعاننان بەرى (2013 جىلدىڭ جەلتوقسانى) «ساندەل-ساۋدانىڭ» بەس تۇراقتى قۇرىلتايشىسى بار. ولار: انيپا نازارباەۆا، امانتاي مامىربەكوۆ، يسلامبەك دجاكيباەۆ، ايدار پريمحانوۆ، پارادجان توحتاحۋنوۆ.

كومپانيانىڭ قىزمەت سالاسى - مەنشىكتى جىلجىمايتىن مۇلىكتى جالعا بەرۋ جانە باسقارۋ، ساۋدا نارىعى مەن بولشەك ساۋدا قىزمەتىن جالعا بەرۋ جانە پايدالانۋ.

مەملەكەتتىك كىرىستەر كوميتەتى ۇسىنعان سالىقتىق جەڭىلدىكتەر نەگىزىندە، كومپانيا 2019 جىلى ەڭ جوعارى اينالىمعا يە بولدى. سەرىكتەستىك بيۋدجەتكە 18,5 ملن.تەڭگە سالىق تولەگەن. ال، 2020 جىلدىڭ ءۇش توقسانىندا «ساندەل-ساۋدا» 13 ميلليون تەڭگە سالىق تولەپتى.

سونىمەن قاتار اتالعان سەرىكتەستىك جانىندا تىركەلگەن تاعى ءبىر كومپانيا - «كەنجەحان» جشس. ونىڭ جالعىز يەسى - انيپا نازارباەۆا.

ۇلتتىق ستاتيستيكا بيۋروسىنىڭ مالىمەتتەرى بويىنشا، بۇل كومپانيا ءوزىنىڭ جىلجىمايتىن مۇلىگىن جالعا بەرۋ جانە باسقارۋمەن، سونداي-اق ساۋدا نارىعىن جالعا بەرۋ جانە باسقارۋمەن اينالىسادى. سونداي-اق، eGov.kz سايتىندا سەرىكتەستىكتىڭ «كاسىبي، عىلىمي جانە تەحنيكالىق» باعىتتا قىزمەت كورسەتەتىنى جازىلعان.

ال، 2020 جىلى كومپانيا بيۋدجەتكە شامامەن 8 ميلليون تەڭگە سالىق تولەپتى.

«اق-بۇلاق» 

«اق-بۇلاق» بازارى ءۇش ساۋدا پاۆيلونىنان تۇرادى. نارىق وكىلدەرى زاڭدى تۇلعالار رەتىندە ەكى كومپانيانى كورسەتەدى. ولار: «اق-بۇلاق 67» جشس (1 جانە 2 پاۆيلون) جانە «اق-بۇلاق 66» جشس (3 پاۆيلون).

ءبىرىنشىسى - جىلجىمايتىن مۇلىكتى جالعا بەرۋ جانە باسقارۋمەن اينالىسادى. ەكىنشىسى مۇلىكتى جالعا بەرەدى.

«اق-بۇلاقتىڭ» يەسى نۇرجان قۇلسەيىتوۆ. ول سونىمەن قاتار «جۇلدىز» بازارىنىڭ دا قوجايىنى.

«اق-بۇلاق 67» جشس قۇرىلتايشىسى پاۆەل بۋگاەۆ.

ال، «اق-بۇلاق 66» جشس قاناتباي نۇرىشوۆ پەن ليۋبوۆ يانوۆسكاياعا تيەسىلى. كومپانيا 2020 جىلدىڭ ءۇش توقسانىندا 33 ميلليون تەڭگەدەن استام سالىق تولەگەن. ال، 2019 جىلى تولەگەن سالىق كولەمى 32,2 ميلليون تەڭگە بولىپتى.

«اق-بۇلاق 66» جشس-ءنىڭ رەسمي كىرىسى بىلتىرعىعا قاراعاندا ايتارلىقتاي تومەن. 2020 جىلى سەرىكتەستىك 25,4 ميلليون تەڭگە سالىق تولەدى. ال وتكەن جىلعى سالىق كولەمى 51,3 ميلليون تەڭگەنى قۇراعان. بۇل الماتىداعى بارلىق ءىرى نارىقتار اراسىنداعى ەڭ جوعارى كورسەتكىش.

«الاتاۋ»

بازار «دوستار ساۋدا» جشس-ءنىڭ قاراۋىندا. ال، eGov-تا سەرىكتەستىكتىڭ جالعىز قۇرىلتايشىسى ادىلەت قوجابەرگەن دەپ كورسەتىلگەن.

بيىل بازار يەسى بيۋدجەتكە 30,3 ميلليون تەڭگە، ال ءبىر جىل بۇرىن 34,2 ميلليون تەڭگە تولەدى.

«جۇلدىز» 

اتالعان بازار قازىر «جاڭا اق-بۇلاق» جشس-نا تىركەلگەن. ونىڭ قىزمەتى - جالداۋ جانە ساۋدا نارىعىن پايدالانۋ. يەسى - امانجول بۋراباەۆ.

ال، «جۇلدىز» بازارىن باسقاراتىن سەرىكتەستىكتى نۇرجان قۇلسەيىتوۆ باسقارادى ...

بيىلعى جىلى «جاڭا اق-بۇلاق» جشس بيۋدجەتكە 10,6 ملن.تەڭگە سالىق تولەنگەن.  2019 جىلى بۇل كورسەتكىش 10,3 ملن.تەڭگە بولدى.

«بارىس-4»

بازار «بارىس-IV» جشس-ىنا تيەسىلى. 2005 جىلدىڭ مامىر ايىنان باستاپ قوجايىنى بولات نازارباەۆ. ول سونداي-اق «تاستاك» جشس-نە تيەسىلى تاستاق بازارىنىڭ دا سوڭعى يەسى. كومپانيا ساۋدا نارىعىن جالعا بەرۋ جانە پايدالانۋمەن اينالىسادى.

2020 جىلى «بارىس-IV» جشس بيۋدجەتكە 5,9 ملن.تەڭگە سالىق تولەدى. سوڭعى 10 جىل ىشىندە كومپانيانىڭ سالىق تولەمدەرى 4-6 ميلليون تەڭگە بولعان. ال، 2010 جانە 2012 جىلدارى كومپانيانىڭ جىلدىق سالىعى 3 ميلليون تەڭگەدەن اسپاعان.

كوك بازار

كوك بازار ءۇش جىل بۇرىن 2,5 ميلليارد تەڭگەگە جاڭارتىلعان. ول «Dostar Fresh Market» جشس-ىنا تيەسىلى. سەرىكتەستىك يەلەرى - ياكوۆ تسحاي، دينارا جانە تيمۋر قۇلىباەۆتار مەن الەكساندر لي.

كومپانيا مەنشىكتى جىلجىمايتىن مۇلىكتى جالعا بەرۋمەن جانە باسقارۋمەن اينالىسادى.

بيىل ناۋرىزدا تىركەلگەن كومپانيا بەس ايدا 4,7 ملن.تەڭگە سالىق تولەگەن. 2020 جىلى ونىڭ باس كومپانياسى - «دوستار-كوممەرتس» جشس-ءنىڭ سالىقتىق شەگەرىمدەرى 134 ملن تەڭگەنى قۇرادى. بىراق بۇل ەكى قىزمەت تۇرىنە - ساۋدا نارىعىن جالعا بەرۋ جانە پايدالانۋ، سونداي-اق كەستەگە سايكەس كەلمەيتىن اۋە جولاۋشىلار كولىگى قىزمەتى بويىنشا سالىقتار كىرگىزىلگەن.

Abai.kz