جاپاروۆتىڭ پىكىرىنشە، «تەكەباەۆ كونستيتۋتسياسى» ەلدى 30 جىلعا كەرى لاقتىرعان، سونىڭ سالدارىنان «پارلامەنتتىك باسقارۋ جۇيەسى كاسىپكە اينالىپ كەتتى».

«جوگوركۋ كەنەشتەگى ءاربىر ورىن 200 مىڭنان باستالىپ، 1 ميلليون دوللارعا دەيىن ساتىلدى. حالىق تا ءوز داۋىسىن ساتا باستادى. حالىقتىڭ داۋىسىن ساتىپ العان دەپۋتات حالىق ءۇشىن جۇمىس ىستەي ما؟ كەرىسىنشە، ول بەس جىلدا وسى قىزمەتكە سالعان اقشاسىن بىرنەشە ەسە ءوندىرىپ الۋعا تىرىسادى. ون جىلدا ءبىز سونى كورىپ وتىرمىز»، - دەپ جازدى جاپاروۆ.

بۇنىڭ الدىندا «اتا مەكەن» پارتياسىنىڭ جەتەكشىسى ومىربەك تەكەباەۆ «ازاتتىكقا» بەرگەن سۇحباتىندا كونستيتۋتسيا جوباسىن سىناپ، بۇل قۇجات ەلدى 30 جىلعا كەرى لاقتىرادى دەپ مالىمدەگەن.

جاڭا كونستيتۋتسيا جوباسى قوعام تالقىلاۋىنا بيىل 17 قاراشادا ۇسىنىلدى. قۇجاتتى جوگوركۋ كەنەشتىڭ 80 دەپۋتاتى جازعان دەپ حابارلاندى.

Abai.kz