2020 جىلعى 14 جەلتوقساندا ساعات 10:00-دە كوكشەتاۋ قالاسىندا ساباتاەۆ كوشەسى، 1 ءۇي مەكەنجايى بويىنشا ورنالاسقان «اقمولا وبلىستىق اۋرۋحاناسى» شجق مكك-دە مەديتسينا قىزمەتكەرلەرىمەن كەزدەسۋ ءوتتى. وندا قازاقستان حالىق پارتياسى باعدارلاماسىنىڭ تەزيستەرى ءتۇسىندىرىلدى. مەديتسينا قىزمەتكەرلەرىنىڭ الەۋمەتتىك كەپىلدىكتەرىنە باسىمدىق بەرىلگەن قحپ-نىڭ سايلاۋالدى جوباسى تانىستىرىلدى.

سپيكەر رەتىندە قر پارلامەنتى ءماجىلىسىنىڭ دەپۋتاتى ايقىن ويراتۇلى قوڭىروۆ، قر پارلامەنتى ءماجىلىسىنىڭ دەپۋتاتتىعىنا كانديدات ولجاس تۇرعىنۇلى سىزدىقوۆ قاتىستى.

كەزدەسۋدە اۋرۋحانانى تەحنيكالىق جابدىقتاۋ، مەديتسينا قىزمەتكەرلەرىنىڭ جۇمىس كەستەسى، قىزمەتكەرلەردىڭ جالاقىسى، بىلىكتىلىك تالاپتارى، دارىگەرلەر ءۇشىن الەۋمەتتىك كەپىلدىكتەردى ارتتىرۋ ماسەلەلەرى كوتەرىلدى. سپيكەرلەر شارا بارىسىندا ۇجىم وكىلدەرى تاراپىنان قويىلعان سۇراقتارعا جاۋاپ بەردى. قحپ وتاندىق مەديتسينا دەڭگەيىن، حالىققا قىزمەت كورسەتۋ ساپاسىن ارتتىرۋ جانە وسى سالادا جۇمىس ىستەيتىن قىزمەتكەرلەردىڭ مارتەبەسىن ءوسىرۋ ءۇشىن قاجەتتى شارالاردىڭ ءبارىن قابىلداپ، قولدانۋعا نيەتتى. مەديتسينا قىزمەتكەرلەرى قحپ-نىڭ سايلاۋالدى جوباسىن قىزىعۋشىلىقپەن تىڭداپ، جاريالانعان باستامالارعا قولداۋ ءبىلدىردى.

كەزدەسۋ قازاقستان حالىق پارتياسىنىڭ ۇگىت-ناسيحات ناۋقانى اياسىندا ۇيىمداستىرىلدى. قحپ-نىڭ سايلاۋ الدىنداعى جۇمىسى ەلىمىزدىڭ بارلىق وڭىرىندە جالعاسۋدا جانە ول سايلاۋشىلاردى، ەڭبەك ۇجىمدارى كەڭىنەن قامتىماق. ​

Abai.kz