استانا. 19 مامىر. قازتاگ - جانبولات مامىشەۆ. كونديتەر ونىمدەرىن ءوندىرۋشى ۋكراينالىق كومپانيالار قازاقستان نارىعىنداعى ءوز ۇلەسىن ارتتىرۋ ماقساتىندا ونىمدەرىن دەمپينگ باعا بويىنشا ساتىپ جاتىر، دەپ حابارلادى «قازتاگ» اگەنتتىگىنە «قاراعاندى كونفەتتەرى» اق جارناما ءبولىمىنىڭ باستىعى ەلەنا پاك.
«قاراعاندىدا وسىدان ءتورت اي بۇرىن ۋكراينالىق كارامەلدىڭ كوتەرمە باعاسى نەبارى 138 تەڭگە بولدى. ال ول جاقتا (ۋكراينادا) بولشەك ساۋدادا - 180 تەڭگە. كولىك جانە ساقتاندىرۋ شىعىندارىن،  ەڭ ءبىرىنشى كەزەكتە تابىستى ەسكەرسەك، مۇنداي ساڭلاۋ قايدان شىقتى؟ ايتسەدە ولار مۇندا ونىمدەرىن وزىندىك قۇنىنان دا ارزان باعاعا ساتىپ جاتىر»، - دەدى ول استانادا وتاندىق وندىرۋشىلەر ونىمدەرىنىڭ ۇلتتىق كورمەسىندە.
ە.پاكتىڭ پىكىرىنشە، ۋكراينالىق وندىرۋشىلەر تومەن باعا ەسەبىنەن قازاقستان نارىعىنداعى ءوز ۇلەسىن ارتتىرا وتىرىپ، قازىرگى ۋاقىتتا ءوز ونىمدەرىنىڭ باعاسىن بىرتە-بىرتە قىمباتتاتىپ كەلەدى. «قازىر ولار باعالارىن بىزبەن بىردەي دەڭگەيدە ۇستاپ تۇرعان شىعار، بىراق نارىقتاعى ءوز ۇلەسىنە يە بولىپ الدى»، - دەپ ءتۇسىندىردى ول.
كونديتەرلىك فابريكا وكىلىنىڭ پىكىرىنشە، بۇل - باسەكەلەستەردى ىعىستىرىپ، نارىقتاعى ۇلەسىن ارتتىرۋ ماقساتىمەن جۇرگىزىلىپ وتىرعان ۋكراينالىق وندىرۋشىلەردىڭ قازاقستاندىق نارىقتاعى ماقساتتى ساياساتى. وسىعان وراي ە.پاك قازاقستان وتاندىق وندىرۋشىلەردىڭ مۇددەلەرىن قورعاۋ باعىتىندا شارالار قابىلداۋعا ءتيىس دەپ ەسەپتەيدى.

استانا. 19 مامىر. قازتاگ - جانبولات مامىشەۆ. كونديتەر ونىمدەرىن ءوندىرۋشى ۋكراينالىق كومپانيالار قازاقستان نارىعىنداعى ءوز ۇلەسىن ارتتىرۋ ماقساتىندا ونىمدەرىن دەمپينگ باعا بويىنشا ساتىپ جاتىر، دەپ حابارلادى «قازتاگ» اگەنتتىگىنە «قاراعاندى كونفەتتەرى» اق جارناما ءبولىمىنىڭ باستىعى ەلەنا پاك.
«قاراعاندىدا وسىدان ءتورت اي بۇرىن ۋكراينالىق كارامەلدىڭ كوتەرمە باعاسى نەبارى 138 تەڭگە بولدى. ال ول جاقتا (ۋكراينادا) بولشەك ساۋدادا - 180 تەڭگە. كولىك جانە ساقتاندىرۋ شىعىندارىن،  ەڭ ءبىرىنشى كەزەكتە تابىستى ەسكەرسەك، مۇنداي ساڭلاۋ قايدان شىقتى؟ ايتسەدە ولار مۇندا ونىمدەرىن وزىندىك قۇنىنان دا ارزان باعاعا ساتىپ جاتىر»، - دەدى ول استانادا وتاندىق وندىرۋشىلەر ونىمدەرىنىڭ ۇلتتىق كورمەسىندە.
ە.پاكتىڭ پىكىرىنشە، ۋكراينالىق وندىرۋشىلەر تومەن باعا ەسەبىنەن قازاقستان نارىعىنداعى ءوز ۇلەسىن ارتتىرا وتىرىپ، قازىرگى ۋاقىتتا ءوز ونىمدەرىنىڭ باعاسىن بىرتە-بىرتە قىمباتتاتىپ كەلەدى. «قازىر ولار باعالارىن بىزبەن بىردەي دەڭگەيدە ۇستاپ تۇرعان شىعار، بىراق نارىقتاعى ءوز ۇلەسىنە يە بولىپ الدى»، - دەپ ءتۇسىندىردى ول.
كونديتەرلىك فابريكا وكىلىنىڭ پىكىرىنشە، بۇل - باسەكەلەستەردى ىعىستىرىپ، نارىقتاعى ۇلەسىن ارتتىرۋ ماقساتىمەن جۇرگىزىلىپ وتىرعان ۋكراينالىق وندىرۋشىلەردىڭ قازاقستاندىق نارىقتاعى ماقساتتى ساياساتى. وسىعان وراي ە.پاك قازاقستان وتاندىق وندىرۋشىلەردىڭ مۇددەلەرىن قورعاۋ باعىتىندا شارالار قابىلداۋعا ءتيىس دەپ ەسەپتەيدى.