سەنبى, 8 مامىر 2021
دەپ جاتىر 6716 6 پىكىر 15 قاڭتار, 2021 ساعات 12:47

دەپۋتاتتار شتىگاشەۆقا نە دەيدى؟

قازاق پەن قالماق دەسە جانى قاس رف حاكاس پارلامەنتىنىڭ توراعاسى ۆلاديمير شتىگاشەۆ اۋزىنا نە كەلسە سونى ايتىپ جۇرەدى. ونىڭ سوزدەرىنە كىم توسقاۋىل بولادى دەگەن ساۋالدىڭ باسى اشىق قالا بەرەتىن ەدى. ەندى ونىڭ ساياسي تايتىكتىگىن قالماقتار جايىنا قالدىرماق ەمەس.

جاقىندا رف قۇرامىنداعى قالماقستانىڭ ۇلتتىق حۋرالىنىڭ دەپۋتاتتارى حاكاسستان جوعارعى كەڭەسىندەگى ارىپتەستەرىنە حاكاس پارلامەنتىنىڭ توراعاسى ۆلاديمير شتىگاشەۆتى ورنىنان الۋ تۋرالى رەسمي ءوتىنىش جولدادى.

بۇل ۆلاديمير شتىگاشەۆ قازاقتىڭ جەرىنە دە كوز الارتىپ جۇرەتىن ادام. «شىعىس قازاقستان وبلىسى نەمەسە كەندى التاي قاشاندا رەسەي قۇرامىندا بولعان. قازاقستاننىڭ ءوز جەرى از بولعاندىقتان، ەسىل وبلىسىنىڭ بولىگىن (ال، بۇل ومبى ايماعى) بەرىپ تىندىق. بەرىلگەننەن كەيىن ول قاراعاندى دەپ اتالدى. بۇل تىم تاياۋدا 1936 جىلى بولعان ەدى. ءبىز ۇزىن سانى بەس وبلىسىمىزدى بەرگەننەن كەيىن بۇرىنعى قازاق كاسر، اۆتونوميادان كەڭەستىك سوتسياليستىك رەسپۋبليكاعا  اينالىپ شىعا كەلدى. بۇل تەرريتوريالار قولدىڭ كىرىنە اينالدى»، دەپ مالىمدەگەن بولاتىن

ال، قازاق جەرىنە قاتىستى جوسىقسىز وي ايتقان حاكاسستان جوعارعى كەڭەسىنىڭ توراعاسى قالماقتارعا قاتىستى نە دەگەنىنە توقتالىپ وتەر بولساق،  2020 جىلدىڭ قاڭتارىندا «چتو نەت ني ودنوي كالمىتسكوي سەمي، ۆ كوتوروي كتو-نيبۋد «ۋ فاشيستوۆ نە سلۋجيل كاراتەلەم: وتەتس، برات، سىن — ۆ كاجدوي سەمە» دەپ مالىمدەگەن ەدى.

ۆلاديمير شتىگاشەۆ حاكاسستان جوعارعى كەڭەسىنە 1992 جىلدان بەرى ۇزدىكسىز 39 جىل باسقارىپ كەلەدى. ونىڭ وتكەن جىلى قاڭتاردىڭ باسىندا قالماقتاردى ءىى جاھان سوعىسىندا كسرو-عا تۇتاس ۇلت بولىپ ساتقىندىق جاسادى دەگەن ءسوزى ءۇشىن دوعارىسقا كەتۋىنە قالماقستانىڭ ۇلتتىق حۋرالىنىڭ دەپۋتاتى ناتاليا مانجيكوۆا تۇرتكى بولدى

ءبىزدىڭ پاتريوتتاردىڭ اراسىندا ءوز داۋىستارىن بەرگەن ءۇر جاڭا دەپۋتاتتار نامىسقا تىرىسىپ، بۇرىنعى حالىق قالاۋلىلارىنداي بۇعىپ قالماي، «رەسەيلىك تايتىك ۆلاديمير شتىگاشەۆتى» قازاقستانعا اكەلىپ سوتتاۋدى تالاپ ەتەتىن بولار دەگەن ءۇمىتى دە جوق ەمەس. 

ءابىل-سەرىك الياكبار

Abai.kz

6 پىكىر