قازاق ۇلتتىق قىزدار پەداگوگيكالىق ۋنيۆەرسيتەتىنىڭ تىزگىنىن گاۋحار تورەمۇراتقىزى الدامبەرگەنوۆا ۇستاعالى مۇندا جاقسى جاڭالىق كوپ. سونىڭ ءبىرى - پەداگوگيكالىق ءبىلىم بەرۋدى ترانسفورماتسيالاۋ شەڭبەرىندە ەلباسىنىڭ «ەل ءۇمىتى» باستاماسى اياسىندا وزگەرىستەردى باسقارۋ بويىنشا «ءبىلىم» سالالىق مەنەدجەرلەرى جوباسىنىڭ سەرىكتەسى رەتىندە تاڭدالدى.

بۇل تاڭداۋ ۋنيۆەرسيتەتتىڭ نەگىزىنەن اۋىلدىق ايماقتارعا ارنالعان پەداگوگيكالىق كادرلاردى دايارلايتىن كلاسسيكالىق پەداگوگيكالىق ۋنيۆەرسيتەت ەكەندىگىنە بايلانىستى (ستۋدەنتتەر 90 پايىزى قىزىلوردا، تۇركىستان، الماتى، جامبىل، ماڭعىستاۋ وبلىستارىنىڭ اۋىلدىق جەرلەرىنەن). مۇندا ەڭ باستىسى ورتا ءبىلىم سالاسىنداعى بىلىكتى كادرلارعا دەگەن سۇرانىستىڭ تەتىگى قالىپتاستىرىلدى. سونداي-اق، قازاق ۇلتتىق قىزدار پەداگوگيكالىق ۋنيۆەرسيتەتى جاريالاعان پەداگوگيكالىق ءبىلىمنىڭ وزگەرۋى ءارتۇرلى سايتتاردا بىرنەشە رەت تالقىعا سالىندى. ۋنيۆەرسيتەت باسشىلىعى مەن «ەل ءۇمىتى» ەلباسى جوباسى بويىنشا سالا مەنەدجەرلەرى اراسىندا پرەزيدەنت اكىمشىلىگى، ۇكىمەت، ءبىلىم جانە عىلىم مينيسترلىگى وكىلدەرىنىڭ قاتىسۋىمەن ونلاين كەزدەسۋلەر وتكىزىلدى.

بيىل 20 تامىزدا ۇكىمەت وتىرىسىندا سالالىق مەنەدجەرلەر مۇعالىمدەردىڭ ءبىلىمىن ترانسفورماتسيالاۋ جوباسىن ۇسىندى. پرەمەر مينيستر جوعارعى وقۋ ورنى باستاماسىن قولداپ، سالالىق مينيسترلىككە ءتيىستى تاپسىرمالار بەرىلدى.

ال، وسى جىلدىڭ قىركۇيەگىندە قازاقستاننىڭ ءبىلىم جانە عىلىم مينيسترلىگى قازاق ۇلتتىق قىزدار پەداگوگيكالىق ۋنيۆەرسيتەتى باسشىلىعىنىڭ ۇسىنعان ترانسفورماتسيا باستاماسىن ماقۇلدادى. 7 نەگىزگى ترەك ەنگىزىلگەن جاڭا مازمۇنداعى يننوۆاتسيالىق ءبىلىم بەرۋ باعدارلامالارى: امبەباپ قۇزىرەتتەر، ءبىلىم بەرۋدەگى الەمدىك تەندەنتسيالار، جاڭا پەداگوگيكا، تسيفرلىق قۇزىرەتتىلىك، كوممۋنيكاتسيا جانە جاڭا ساۋاتتىلىق، باسقارۋدىڭ يننوۆاتسيالىق قۇزىرەتتىلىگى، فۋندامەنتالدى وقىتۋ ءبىلىم بەرۋ باعدارلاماسى تىزىمىنە ەنگىزىلدى.

بۇل جەردە، پسيحولوگيا عىلىمدارىنىڭ دوكتورى ۆيكتوريا شيمانسكايانىڭ ەڭبەگىن اتاي وتىرىپ، ونىڭ ازىرلەگەن “ەموتسيونالدى ينتەللەكت” باعدارلاماسىنىڭ ورنى بولەك ەكەنىن ايتقىمىز كەلەدى. پيلوتتىق جوبا اياسىندا بەيىمدەلگەن يننوۆاتسيالىق باعدارلامالار پەداگوگيكا جانە پسيحولوگيا جوعارى مەكتەبىنىڭ ترانسفورماتسيالانعان ەكى فاكۋلتەتىندە، سونداي-اق فيزيكا، ماتەماتيكا جانە تسيفرلىق تەحنولوگيالار جوعارى مەكتەبىندە جۇزەگە اسىرىلۋدا.

ارايلىم مەلدەشوۆا

Abai.kz