پرەزيدەنتتىڭ ساياسي رەفورماسى قايدا؟
باياعى جارتاس - سول جارتاس: پارلامەنتتەگى سول ءۇش پارتيا، سول ۇكىمەت، سول مينيسترلەر. ءبارى قاز-قالپىندا. مۇرتتارىن بالتا شاپپادى.
سوندا پرەزيدەنت ايتىپ جاتقان ساياسي رەفورما قايدا؟
شىنايى جاڭارۋدىڭ ناقتى نىشاندارى وسىنداي كەزدە ءتيىستى كادرلىق وزگەرىستەر تۇرىندە ءبىلىنۋى كەرەك ەمەس پە؟
ەل ەكونوميكاسىن، الەۋمەتتىك سالانى وسىنداي مۇشكىل جاعدايعا جەتكىزگەن ءدال وسى ۇكىمەت، وسى مينيسترلەر ەمەس پە؟ كەشە عانا پرەزيدەنتتىڭ ءوزى ء"بىز الدىڭعى قاتارلى ەلدەردەن ارتتا قالىپ جاتىرمىز" دەگەن سىڭايدا پىكىر ايتىپ، وسىنى مويىنداعان جوق پا ەدى؟ سول تەرىس ناتيجەگە جەتكىزگەن ناق وسى مينيسترلەر ەمەس پە؟!
ەندى "ەسكى-جاڭا" مينيسترلەر ءوز-وزىنەن رەفورمالانىپ، جۇمىسىن جاقسارتادى دەپ كىم ايتتى؟
كەز كەلگەن رەفورمانىڭ ەڭ باستى شارتى - وسى كۇنگە دەيىن اتقارىلعان ىسكە سىن كوزىمەن قاراپ، جىبەرىلگەن كەمشىلىكتەردەن ءتيىستى قورىتىندى شىعارۋ ەمەس پە؟ ول پاقىرلار ءوز جۇمىسىنا سونداي وبەكتيۆتى باعا بەرە الا ما؟
سوندا پارلامەنت سايلاۋى نە ءۇشىن وتكىزىلدى؟
نە ءۇشىن سونشاما قارجى ءبولىندى؟
بالكىم، سايلاۋ وتكىزبەي-اق، ءبارىن قايتادان تاعايىنداي سالۋ كەرەك پە ەدى؟
ال ۇنەمدەلگەن قارجىنى COVID-پەن كۇرەسىپ جاتقان دارىگەرلەرگە بەرۋ كەرەك ەدى!
P.S.وسىنىڭ بارىنەن شىعاتىن ءبىر عانا ساياسي قورىتىندى بار: تۇڭعىش پرەزيدەنت وزگەرمەي، پارلامەنت تە، ۇكىمەت تە، جالپى مەملەكەتتىك ساياسات تا وزگەرمەيدى! ال ەكىنشى پرەزيدەنت، كەشىرىڭىزدەر، "كرايني" بوپ قالادى!
ءامىرجان قوسانوۆتىڭ جازباسى
Abai.kz
