قوعام ساناسىنىڭ وسۋىنە مەملەكەت مەيلىنشە ىنتا-جىگەر تانىتپاسا بولمايدى. ەگەر مەملەكەت بۇعان كوڭىل بولمەسە، قوعام وزدىگىنەن دامىمايدى.

قازىر مەملەكەت قوعام ساناسىن دامىتۋدىڭ ءتيىمدى تەتىكتەرىن ءالى دە تابا الماي جاتىر. سوندىقتان بار سالماقتى ءارى جاۋاپكەرشىلىكتى ۇلتتىق ساناعا جۇكتەپ، ول شاشىراڭقى كۇيگە ءتۇستى.

قازىرگى كەزدە قوعامدىق سانانىڭ دامۋ باعىتتارىن شارتتى تۇردە بىلاي بولۋگە بولادى:

1. عىلىم مەن ءبىلىم (ۇلتسىزدانعان)

2. ونەر مەن مادەنيەت (ۇلتتىق سانامەن ۇشتاسقان)

3. ءدىني سانا (ۇلتسىزدانعان)

4. فيلوسوفيا (ۇلتتىق پلاتفورمادا)

مۇندا:

1. عىلىم-ءبىلىمنىڭ توقىراۋى - دىنگە جول اشادى.

2. ونەر مەن مادەنيەتتىڭ توقىراۋى ۇلتتىق فيلوسوفيانىڭ دامۋىن شەكتەيدى - دىنگە جول اشادى.

مىنە، وزدەرىڭىز بايقاپ وتىرعانداي، عىلىم، ءبىلىم، ونەر، مادەنيەت، فيلوسوفيا داعدارىسقا تۇسسە - قارىشتاپ داميتىن تەك ءدىن عانا ەكەن!

وسىدان ساق بولۋ كەرەك.

ول ءۇشىن ۇلتتىق تاربيە ستاندارتتارىن تەز جاساپ، ونى قوعامعا ءنورماتيۆتى تۇردە ەندىرۋدى قولعا الۋ كەرەك.

ويتكەنى قازاقستان جاعدايىندا «ادام ساپاسى» دەگەنىمىز الدىمەن «ساپالى قازاق» دەگەن ۇعىممەن ۇشتاسادى.

سوندا عانا بىزدە «مەملەكەتتىك دامۋ» العا باسادى.

ءابدىراشيت باكىرۇلى

Abai.kz