بەيسەنبى, 22 ءساۋىر 2021
46 - ءسوز 7939 4 پىكىر 25 اقپان, 2021 ساعات 19:01

قوجالى قىرعىنى

بۇگىن تۇندە 29 جىل بولادى...

1992 جىلى كەڭەس اسكەرى مەن قۇراندى ارميان جاساقتارى قاراباقتاعى قوجالى كەنتىنە باسىپ كىرىپ، كوزىنە كورىنگەن ءتىرى جاننىڭ ءبارىن قىرىپ، قاندى قاساپ جاساعان ەدى...

وتكەن جىلدىڭ سوڭىندا باكۋ ساپارى كەزىندە ءبىر ءازىربايجان جىگىت شاماحىداعى قىرعىن كەزىندەگى ءبىر وقيعانى ايتىپ بەرگەن.

ء"بىر جۇكتى ءازىربايجان كەلىنشەكتىڭ ىشىندەگى بالانى "ۇل تۋا ما، قىز تۋا ما" دەپ ەكى ارميان داۋلاسىپ قالىپتى. سوندا ءۇشىنشى ءبىر ارميان "بوسقا تالاسىپ كايتەسىڭدەر، بۇ قاتىن قاشان تۋاد دەپ كۇتىپ وتىرامىز با، قازىر كورەيىك", دەپ قارنىن جارىپ تاستاعان..."

تۋرا وسىنداي جايت قوجالىدا دا قايتالانعان عوي. تۇنگى ۇيقىعا ەندى باس قويعان بەيبىت ەلگە باسىپ كىرگەن ارمياندار تاريح تىتىركەنەردەي سۇمدىق ىستەگەن عوي.

613 جازىقسىز ءازىربايجان:

بۇنىڭ ىشىندە 63 بالا;

106 ايەل;

70 قارت كىسى ەش كىناسىز، تەرگەۋسىز، تەكسەرۋسىز، ءازىربايجان بوپ تۋعانى ءۇشىن عانا ولتىرىلگەن.

سول كەزدەگى ارمەنيانىڭ قورعانىس ءمينيسترى، كەيىن ارمەنيا پرەزيدەنتى بولعان سەرج سارگسيان "قودجالى قىرعىنىنا دەيىن ءازىربايجاندار ارميان اسكەرى بەيبىت حالىققا تيىسپەيدى دەپ سەندى. الايدا، ءبىز بۇل ستەرەوتيپتى بۇزدىق" دەپ ماقتاندى.

راسىندا، سارگسيان ماقتانسا ماقتانارداي-اق بار ەدى. قولىندا قارۋى جوق بەيبىت جۇرتتى ارمياندار ارمانسىز كەسكىلەگەن. تىرىلەي ورتەگەن، باسىن شاپقان، تەرىسىن سىپىرعان، ايتەۋىر تابيعاتىندا نەندەي حايۋاندىق بولسا سونىڭ ءبارىن جاساپ باققان عوي.

8 وتباسى تولىق قىرىلعان، 25 بالا اتا-اناسىنان بىردەي ايىرىلسا، 130 بالا نە اكەسىن، نە اناسىن جوعالتقان...

1992 جىلدىڭ قىرعىنىن ارمياندار 2020 جىلى دا قايتالادى. ەكىنشى قاراباق سوعىسى كەزىندە مايدان شەبىنەن اۋلاق جاتقان گانجا، ءباردا، تەرتەر سەكىلدى قالالاردى اسا قۋاتتى جويعىش زىمىراندارمەن بومبىلاۋى ارميان جاۋىزدىعىندا شەك بولمايتىنىن دالەلدەدى.

گانجا مەن ءباردانى كوزبەن كورگەن ادام رەتىندە سوعىس پەن قىرعىننىڭ زاردابى حالىق ساناسىنا قالاي اسەر ەتەرىن تۇسىنەمىن.

ەگەر، ءالى كۇنگە ءازىربايجاننىڭ ەت جۇرەگى ارميان دەسە كەككە تولىپ كەتەر بولسا قىرعىنداردان قالعان بەلگى.

"حالىقارالىق زاڭناما", "ادام قۇقىقتارى كونۆەنتسيالارى" سياقتى قىرتىلداتقان اڭگىمەلەردىڭ داۋرەنى ادام ءولتىرىلىپ جاتقان كەزدە جۇرمەيدى. قانعا قانمەن عانا جاۋاپ بەرىلەدى...

P.S. بالالار تىماۋراتىپ، اۋىرىپ قالعاننىڭ وزىندە كەڭ دۇنيە قالاي تارىلىپ كەتەد، ءا؟! فوتوداعى بەيباق اكەلەردىڭ جان دۇنيەسى نە بوپ جاتىر ەكەن...

P.S.S. تۇگەل تۇركتىڭ ءبىر بۇتاعى - ءازىربايجان حالقىنا اللا پانا بولسىن! اسپانى اشىق، دۇشپانى قاشىق بولسىن! قوجالىدا جازىقسىز قىرىلعان بەيباقتاردىڭ رۋحى شات بولسىن

الماس التايدىڭ الەۋمەتتىك جەلىدەگى جازباسى

Abai.kz

4 پىكىر