سەنبى, 8 مامىر 2021
الاڭ 6861 37 پىكىر 17 ناۋرىز, 2021 ساعات 17:04

«قازاتومپروم» قىتايعا ۋران كەن ورنىن ساتپاق

قىتاي تۇركىستان وبلىسىنداعى «قازاتمونەركاسىپكە» تيەسىلى ەكى ۋران كەن ورىنىنان قوماقتى ۇلەس ساتىپ الادى. ەكىجاقتى كەلىسىمدەردى 2021 جىلدىڭ ماۋسىمىنا دەيىن اياقتاۋ جوسپارلانىپتى. بۇل تۋرالى اقپارات 2020 جىلدىڭ جەلتوقسانىندا جاريا بولعان. ول كەزدە «كۋرسيۆ» سايتى «قازاتومپروم 49% اكتسياسىن قىتايعا ساتپاق»، دەپ جازعان.

وندا، «قازاتومپروم» ۇك 2021 جىلدىڭ ماۋسىمىنىڭ اياعىنا دەيىن قىتايدىڭ China General Nuclear Power Corporation (CGNPC) كومپانياسىمەن اراداعى كەلىسىمدەردى اياقتايتىنى ايتىلعان. ول – «ورتالىق كو» جشس دەيتىن ەنشىلەس كومپانيانىڭ ۇلەستەرىن ساتۋ تۋرالى كەلىسىمدەر بولعان.

«قازاتومپروم» ۇك تۇركىستان وبلىسىنا قاراستى جالپاق جانە ورتالىق مىڭقۇدىق كەن ورىندارىندا ۋران ءوندىرىپ وتىرعان «ورتالىق كو» جشس-نىڭ 49%-ىن ساتۋدى جوسپارلاعان.

بۇل كەلىسىمنىڭ ءمانى بىلاي دەيدى: قازاقستان «ورتالىق كو» جشس-نىڭ ۇلەسىن ساتادى. اقىسىنا قىتاي  CGNPC ەنشىلەس كومپانياسى مەن «قازاتومپرومنىڭ» «ءۇلبى-تۆس» اتوم ستانساسىنان 20 جىل بويى جىلۋ شىعاراتىن توراپ (تۆس) الىپ وتىرادى.

ءدال قازىرگى ۋاقىتتا «جالپاق» جوباسى بويىنشا تاجىربيەلىك ماقساتتا ءوندىرىس ىسكە قوسىلعان. ەگەر ول ءساتتى شىقسا، 2022 جىلدان باستاپ تولىق ماسششتابتا كەن ءوندىرىسى باستالادى (ۋران ءوندىرىسى). «ورتالىق كو» جشس-داعى ۋران ءوندىرىسىنىڭ كولەمى 2019 جىلى 1694 توننا بولعان. بۇل كاسىپورىننىڭ 100 پايىز اكتسياسى ۇلتتىق كومپانياعا تيەسىلى. ال جالپى 2019 جىلى قازاقستانداعى ۋران ءوندىرىسىنىڭ كولەمى – 22 808 توننا بولعان.

بۇل «قازاتومپروم» مەن CGNPC اراسىنداعى 2014, 2015 جانە 2016 جىلدارداعى ءوزارا يادرولىق ەنەرگەتيكا سالاسى بويىنشا ارىپتەستىكتى ارتتىرۋ تۋرالى كەلىسىمدەرنىڭ ءبىر بولىگى ەكەن.

كەلىسىم شارت بويىنشا، CGNPC URC 20 جىل بويى «ءۇلبى-تۆس» زاۋىتىنان جىل سايىن 200 توننا كولەمىندە ۋران مەتالىن جىلۋ شىعاراتىن توراپ فورماسىندا  (تۆس) ساتىپ الۋدى مىندەتتەيدى.  تاراپتار CGNPC URC جاڭاعى «ءۇلبى-تۆس» زاۋىتىنا العاشقى تاپسىرىستى بەرگەننەن باستاپ، «قازاتومپروم» قىتايلىق سەرىكتەستەرىنە «ورتالىق كو» جشس-نىڭ 49%-ىن نارىقتىق باعامەن ساتۋعا كەلىسكەن. قازىرگى تاڭدا، اكتيۆتەر تاۋەلسىز باعالاۋدان وتۋدە (due-diligence).

«ورتالىق كو» جشس-نىڭ 49% ۇلەسىن CGNPC نەمەسە ونىڭ ەنشىلەس كومپانياسىنىڭ پايداسىنا وتكىزۋ تۋرالى كەلىسىم 2021 جىلدىڭ 30 ماۋسىمىنا دەيىن اياقتالادى دەپ كۇتىلۋدە (قاجەتتى كورپوراتيۆتىك جانە ۇكىمەتتىك پرتسەدۋرالاردان تولىق وتكەن جاعدايدا)»، - دەلىنگەن «قازاتومپرومنىڭ» 29 جەلتوقساندا تاراتقان حابارلاماسىندا.

كەلىسسوزدەر اياقتالىپ، كەلىسىم جاسالعان سوڭ، «ورتالىق كو» جشس-نىڭ 51% يەلىگى «قازاتومپرومنىڭ» ەنشىسىندە قالادى.

كۋرسيۆ ماتەريالى:

Abai.kz

37 پىكىر