جەكسەنبى, 9 مامىر 2021
46 - ءسوز 2942 6 پىكىر 12 ءساۋىر, 2021 ساعات 16:32

اناڭدى اقشاعا ساتاسىڭ با؟

باي بولۋ، شالقىپ ءومىر ءسۇرۋ وتە وڭاي.

جاپوندار كۋريلدىڭ ءتورت ارالىن رەسەيدەن 28 ميلليارد دوللارعا ساتىپ العىسى كەلىپ ەدى، بىراق ولار بەرمەدى. كۋريل ارالدارىنىڭ جالپى اۋماعى 15,6 مىڭ كم² عانا. ال قازاق ەلى جەر كولەمى جاعىنان الەم ەلدەرىنىڭ ىشىندە 9-ورىن الادى (2 724 900 كم²).

ەگەر قازاقستان اۋماعىن سول ستاندارت بويىنشا ساتار بولساق، مەنىڭ جامان ماتەماتيكام بويىنشا ءتورت ءجۇز مىڭ تريلليون دوللارعا ساتىلادى ەكەن. قازاق جەرىن سولاي ساتىپ 10 ميلليون قازاق ارقايسىمىز 40 ميلليون دوللار قالتاعا سالىپ الىپ، شەتەلگە شىعىپ جاقسى ءومىر سۇرەيىك.

سونشاما اقشاسى بار ون ميلليون قازاق ءسىڭىپ-ءسىڭىپ جوق بولاتىن قۋىستار الەمنىڭ كەز-كەلگەن بۇرىشىنان تابىلاتىنى حاق.

بىراق سەن قايبىر جەرگە بارىپ قالاي ءومىر سۇرەسىڭ؟ ءومىر سۇرۋگە كەپىلدىگىڭ جوق قوي.

اللا تاعالا سەنى ادام ەتىپ قازاق جەرىنە تۋعىزدى. قازاق جەرى سەنىڭ جەتى، جەتپىس جەتى اتا-باباڭنان امانات ەتكەن وتانىڭ، وتان-اناڭ.

سەن اناڭدى اقشاعا ساتا الاسىڭ با؟

بۇگىنگى قازاق بيلىگى مەن بيلىك شەتىندە جۇرگەن جاستاردىڭ ەستە ساقتايتىن، وياناتىن، ويلاناتىن نارسەسى كوپ-اق...

امانتاي تويشىبايۇلىنىڭ جازباسى

Abai.kz

6 پىكىر