پرەزيدەنت توقاەۆ ۇلتتىق سەنىم كەڭەسىنىڭ جيىنىندا بيىل اۋىل اكىمدەرى، 2024 جىلى اۋدان اكىمدەرى سايلاناتىنىن ايتتى.

«وسى باستاما ەلىمىزدى دەموكراتيالاندىرۋعا جانە جەرگىلىكتى باسقارۋ ينستيتۋتىن نىعايتۋعا ەلەۋلى ۇلەس قوسادى دەپ سەنەمىن» دەدى.

سىزدەردى قايدام، مەندە ءبىر دەجاۆيۋ سەزىمى پايدا بولدى. ءبىر ورىندا اينالسوقتاپ قالعاندايمىز. ەكونوميكا، يننوۆاتسيا، ءبىلىم، دەنساۋلىق، بارلىق سالادا وسىلاي ءبىر نارسەنى قايتا-قايتا ايتىپ، ءبىر شەڭبەردە شىر اينالىپ جۇرگەندەيمىز.

ن.نازارباەۆ وسىدان 23 جىل بۇرىن (!), 1998 جىلى حالىققا جولداۋىندا «مى دولجنى رازرابوتات ماسشتابنۋيۋ پوەتاپنۋيۋ پروگراممۋ ۆىبوروۆ رۋكوۆوديتەلەي ۆسەح ۋروۆنەي... يا پولاگايۋ، چتو ۆ بليجايشەە ۆرەميا نەوبحوديمو پريستۋپيت ك رازرابوتكە تاكوي پروگراممى، چەتكو راسپيساۆ ەتاپى ي ۋروۆني» دەگەن.

1999 جىلى شامالعان اۋىلىندا «ەكسپەريمەنت سايلاۋ» ءوتىپ، بيزنەسمەن اكىم بولىپ سايلاندى.

2001 جىلى 28 اۋىلدا «ەكسپەريمەنت سايلاۋ» ءوتتى.

2004 جىلى نازارباەۆ «وتان» پارتياسى سەزىندە مەملەكەتتىك بيلىكتى ورتالىقسىزداندىرىپ، جەرگىلىكتى باسقارۋ جۇيەسىن نىعايتۋعا، اكىمدەردى سايلاۋ جۇيەسىن ەنگىزۋگە بەت تۇزەيمىز دەدى.

2005 جىلى باتىس قازاقستان، شىعىس قازاقستان، الماتى وبلىستارىندا اۋدان اكىمدەرى ەكسپەريمەنت جاعدايىندا سايلاندى.

بۇل «بيلىك ۆەرتيكالىن دەموكراتيالاندىرۋدىڭ باستاماسى» بولادى دەپ دارىپتەلدى.

جاعىمپازدار اۋزىن اشىپ، كوزىن جۇمىپ ماقتادى.

كەيىن وسى «ەكسپەريمەنتتەردىڭ» ناتيجەسى تۋرالى ەشكىم ەشتەڭە ايتقان جوق. جالعاسپاي قالعانىنا قاراعاندا، قازاقستان حالقى دەموكراتياعا دايىن بولماي شىققانى ما؟ وندا پرەزيدەنتتى، ءماجىلىستى قالاي سايلاپ ءجۇر؟

ناۋقانداردىڭ ءبارى ۇلكەن سايلاۋدىڭ الدىندا يا سايلاۋدان سوڭ جۇرت نارازىلىعىن باسۋ ءۇشىن، دەموكراتيالىق كۇشتەردىڭ، حالىقارالىق ۇيىمداردىڭ تالابىمەن «ىسكە استى».

مۇحتار سەڭگىربايدىڭ جازباسى

Abai.kz