وتاندىق كوروناۆيۋرسقا قارسى QazVac ۆاكتسيناسىن جاساعان عالىمداردىڭ ايلىعى كوتەرىلەدى. بۇل تۋرالى ءبىلىم جانە عىلىم مينيسترلىگى عىلىم كوميتەتىنىڭ توراعاسى جاننا قۇرمانعاليەۆا ايتتى.  

"عالىمداردىڭ ايلىعىن كوتەرۋگە ءتيىستى قاراجات ءبولىندى. جاقىندا رەسپۋبليكالىق بيۋدجەتتى قاراۋ كوميسسياسى بۇل ارەكەتتى دۇرىس دەپ تاپتى. جالپى ينستيتۋت قىزمەتكەرلەرىنىڭ ورتاشا جالاقىسى 325 مىڭنان باستالادى. ينستيتۋتتاعى اكىمشىلىك قىزمەتكەرلەرى مەن قىزمەت كورسەتۋشى پەرسونالدىڭ ايلىعى 250 مىڭ تەڭگە بولماق", - دەدى جاننا قۇرمانعاليەۆا.

2022-2024 جىلدارى مەملەكەتتىڭ بيولوگيالىق قاۋىپسىزدىگىن قامتاماسىز ەتۋ ءۇشىن عىلىمي زەرتتەۋلەرگە  2,8 ملرد تەڭگە بولىنبەك.

Abai.kz