قازاقستان كوروناۆيرۋس قۇرباندارى كوپ ەلدەردىڭ قاتارىنا كىرەدى. بۇل تۋرالى ۆاشينگتون ۋنيۆەرسيتەتى مەديتسينا مەكتەبىنىڭ دەنساۋلىق ساقتاۋدىڭ مەتريكا جانە باعالاۋ ينستيتۋتىنىڭ (IHME) جاڭا زەرتتەۋىندە ايتىلعان.

IHME دەرەكتەرىندە 2020 جىلعى ناۋرىز بەن 2021 جىلعى مامىر ارالىعىندا COVID-19 دان ەڭ كوپ قايتىس بولعان 20 ەل اتالادى. ولار:

- اقش - 574 043;

- برازيليا — 408 680;

- ءۇندىستان — 221 181;

- مەكسيكا — 217 694;

- ۇلىبريتانيا — 150 519;

- يتاليا — 121 257;

- رەسەي — 109 334;

- فرانتسيا — 105 506;

- يسپانيا — 85 365;

- گەرمانيا — 83 256;

- يران — 72 906;

- پولشا — 68 237;

- پەرۋ — 62 739;

- وڭتۇستىك افريكا — 54 390;

- ۋكراينا — 46 737;

- يندونەزيا — 45 938;

- رۋمىنيا — 28 382;

- ەگيپەت — 13 529;

- جاپونيا — 10 390;

- قازاقستان — 5620.

COVID-19 سالدارىنان قازا تاپقانداردىڭ كوبى تىركەلمەگەن. ويتكەنى تەك اۋرۋحانالاردا قايتىس بولعاندار مەن ۆيرۋس جۇقتىرعانى راستالعاندار عانا ەسەپكە الىنعان. كوپ جەرلەردە ەسەپكە الىنۋ جۇيەسى ءالسىز. سوندىقتان بۇل ماسەلە ۋشىعىپ تۇر.

IHME تالداۋى تىركەلمەگەن ءولىم-ءجىتىمنىڭ ەڭ كوپ سانى وسى ۋاقىتقا دەيىن ەپيدەميانىڭ ەڭ كوپ تارالعان ەلدەرىندە بولعانىن انىقتادى. الايدا، ەپيدەمياسى سالىستىرمالى تۇردە از ەلدەردە ءولىم-ءجىتىم تىركەلمەگەن كەزدە ءولىم-ءجىتىمنىڭ ايتارلىقتاي ءوسۋى بايقالادى.

سونداي-اق، اتالعان زەرتتەۋگە سايكەس، COVID-19 بۇكىل الەم بويىنشا 6,9 ميلليونعا جۋىق ادامنىڭ ولىمىنە سەبەپ بولعان. بۇل رەسمي ەسەپتەردەن ەكى ەسە كوپ...

Abai.kz