بەيسەنبى, 28 ناۋرىز 2024
بيلىك 4506 4 پىكىر 28 مامىر, 2021 ساعات 15:53

Cەناتتا اشارشىلىققا قاتىستى كىتاپ تانىستىرىلدى

بۇگىن سەناتتا اشارشىلىققا قاتىستى ارنايى ارحيۆتىك قۇجاتتارعا نەگىزدەلگەن كىتاپتىڭ تۇساۋى كەسىلدى. ول تۋرالى سەنات توراعاسى ماۋلەن اشىمباەۆ ءوزىنىڭ فەيسبۋك پاراقشاسىندا جازدى. 

"بۇگىن سەناتتا مەملەكەت باسشىسىنىڭ تاپسىرماسى بويىنشا جارىق كورگەن «اشارشىلىق. گولود. 1928-1934. دەرەكتى حرونيكا» اتتى جاڭا ەڭبەك كوپشىلىككە تانىستىرىلدى. ءىس-شارا ساياسي قۋعىن-سۇرگىن جانە اشارشىلىق قۇرباندارىن ەسكە الۋ كۇنى قارساڭىندا ارنايى ۇيىمداستىرىلىپ وتىر.

ءۇش تومدىق كىتاپتا زوبالاڭ جىلدارعا قاتىستى تىڭ دەرەكتەر مەن تاريحي قۇجاتتار جيناقتالعان. ولار اشارشىلىقتىڭ العىشارتتارى جانە تراگەديالىق سالدارى تۋرالى مالىمەتتەردى قامتيدى.
بارلىق قۇجاتتار ەلىمىزدىڭ ورتالىق جانە وڭىرلىك ارحيۆتەرىنەن الىندى. باسقا مەملەكەتتەردىڭ ارحيۆتەرىندە ساقتالعان دەرەكتەر دە جيناققا ەنگىزىلدى. سونىڭ ناتيجەسىندە بۇرىن قولعا ءتۇسىرۋ قيىن بولىپ كەلگەن جانە بۇعان دەيىن جاريالانباعان بىرقاتار مالىمەتتەر كوپشىلىك ءۇشىن قولجەتىمدى بولىپ وتىر. جاڭا تۋىندى ۋنيۆەرسيتەتتەرگە، عىلىمي زەرتتەۋ ينستيتۋتتارىنا جانە ورتالىق، وڭىرلىك كىتاپحانالارعا جىبەرىلەدى.

جالپى، اشارشىلىقتىڭ زاردابى ۇلتىمىز ءۇشىن وتە اۋىر بولعانى بەلگىلى. بۇل باعىتتا اشىلماعان اقيقاتتار مەن جازىلماعان جايتتار ءالى دە از ەمەس. سوندىقتان پرەزيدەنتىمىز وسى تاقىرىپتى زەرتتەۋ تۋرالى ناقتى تاپسىرما بەرگەن ەدى. سونىڭ اياسىندا سەنات اقپان ايىندا اۋقىمدى دوڭگەلەك ۇستەل وتكىزدى. بۇگىن تانىستىرىلعان ەڭبەكتى سول ءىس-شارانىڭ ناتيجەسى جانە سەناتتىڭ اشارشىلىقتى زەرتتەۋگە قوسقان ناقتى ۇلەسى دەپ ايتۋعا بولادى.

وسى رەتتە، بار بولعانى ءۇش-اق ايدىڭ ىشىندە مىڭنان استام ارحيۆ قۇجاتتارىن جيناپ، قۇندى دۇنيە دايىنداعان اۆتورلاردىڭ ەڭبەگىن ەرەكشە اتاپ وتكىم كەلەدى. ەلدىك مۇددە جولىندا ايانباي جۇمىس ىستەگەن بەريك ابدىگاليۋلى باستاعان ۇجىمعا، رەداكتسيا القاسىنا جانە قولداۋ كورسەتكەن بارشا ازاماتتارعا العىسىمىزدى بىلدىرەمىز.

ارينە، بۇل ىستە ءبىر كىتاپپەن شەكتەلىپ قالۋعا بولمايتىنى تۇسىنىكتى. قۇجاتتار مەن دەرەكتەردى ءارى قاراي دا جيناقتاۋ قاجەت. سونىمەن بىرگە جاريالانعان مالىمەتتەردىڭ نەگىزىندە جان-جاقتى عىلىمي زەرتتەۋلەر جۇرگىزۋ دە ماڭىزدى ماقساتتاردىڭ ءبىرى. ول ءۇشىن مەملەكەتتىك ورگاندار تاراپىنان ءتيىستى قولداۋ كورسەتىلە بەرەدى. سوندىقتان الداعى ۋاقىتتا بۇل سالادا كەشەندى جانە جۇيەلى جۇمىستار جالعاسادى دەپ سەنەمىز.

كوپشىلىككە جول تارتقان جاڭا ەڭبەكتىڭ تاريحىمىزدىڭ اقتاڭداق بەتتەرىن اشۋعا، تاۋەلسىزدىگىمىزدى نىعايتۋعا جانە ۇلت ساناسىن جاڭعىرتۋعا قوسار ۇلەسى مول بولسىن!" دەپ جازدى ول.

Abai.kz

4 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3509