نۇر-سۇلتان قالاسىنىڭ اكىمدىگى پرەزيدەنت توقاەۆتىڭ پورترەتتەرىن 493,5 مىڭ تەڭگەگە ساتىپ العان. بۇل تۋرالى protenge تەلەگرام كانالى حابارلادى.

تەلەگرام مالىمەتىنشە، نۇر-سۇلتان اكىمدىگىندەگى توقاەۆتىڭ پورترەتتەرى جاڭارتىلاتىن بولادى. ءسويتىپ، قالانىڭ ەكونوميكالىق اكىمشىلىك ءبولىمى 15 پورترەتتى 493,5 مىڭ تەڭگەگە ساتىپ العان.

پورترەتتىڭ ولشەمىنە قاراي ءبىر داناسى 12-دەن 75 مىڭ تەڭگە ارالىعىندا باعالانىپتى.

ايتپاقشى، مەملەكەتتىك تاپسىرىس بويىنشا قازىرگى پرەزيدەنتتىڭ پورترەتتەرى ءبىرىنشى پرەزيدەنتتىڭ پورترەتتەرىنە قاراعاندا ءسال از جانە ەكس-پرەزيدەنتتىڭ سۋرەتى ءالى كۇنگە دەيىن سۇرانىسقا يە ەكەن.

Abai.kz