بەيسەنبى, 28 ناۋرىز 2024
بيلىك 3855 1 پىكىر 15 ماۋسىم, 2021 ساعات 13:35

باس سانيتار دارىگەر قازاقستان حالقىنا ۇندەۋ جاسادى

قازاقستاننىڭ باس مەملەكەتتىك سانيتاريا دارىگەرى ەرلان قياسوۆ قازاقستان حالقىنا ۇندەۋ جاساپ، كوروناۆيرۋس ىندەتىنىڭ ءۇشىنشى تولقىنى باستالاتىنىن ەسكەرتتى. قياسوۆتىڭ سوزدەرى ۇكىمەت جانىنداعى COVID-19 تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ (ۆاك) Telegram-ارناسىندا جاريالاندى.

«الەم ەلدەرىن ىندەتتىڭ قايتا تارالۋى الاڭداتىپ وتىر. COVID-19 ۆيرۋسىنىڭ ءۇشىنشى تولقىنى بولادى دەگەن قاۋىپ تۋىندادى. اسىرەسە، ۆاكتسيناتسيا دەڭگەيى باياۋ ەلدەردە ۆيرۋستى جۇقتىرۋ كورسەتكىشى كۇرت ارتتى. جەر جۇزىندە 176 ميلليوننان استام ادام ۆيرۋس جۇقتىردى، كۇن سايىن 290 مىڭنان اسا جاڭا دەرەك تىركەلىپ وتىر. 3,8 ميلليوننان استام ادام كوز جۇمدى. قازاقستانمەن شەكارالاس ايماقتاردا قالىپتاسقان قاۋىپتى جاعداي ءبىزدى الاڭداتىپ وتىر. رەسەي مەن قىرعىزستاندا اۋرۋ تارالۋ كورسەتكىشى وتكەن جىلدان دا اسىپ ءتۇستى»، - دەلىنگەن قياسوۆتىڭ مالىمدەمەسىندە.

سونداي-اق:

«الايدا، جاز ايلارىندا ءبىزدىڭ كوپتەگەن وتانداسىمىز الىس-جاقىنداعى شەت مەملەكەتتەرگە بارىپ دەمالۋعا اعىلادى. سونىڭ ىشىندە، سOVID-19-دىڭ تارالۋى بويىنشا ەپيدەميولوگيالىق احاۋلى الاڭداتارلىق ەلدەر دە بار. مۇنى ەسكەرمەۋگە بولمايدى. شەتەلدە دەمالۋعا نيەتتى ازاماتتاردى ءوزىنىڭ جانە جاقىندارىنىڭ قاۋىپسىزدىگىن قامتاماسىز ەتۋگە شاقىرامىن.

ۆاكتسيناتسيا ءسىزدىڭ اعزاڭىزدىڭ ۆيرۋسقا قارسى قورعانىشىن قامتاماسىز ەتىپ، ساياحاتتى قاۋىپسىز وتكىزۋگە مۇمكىندىك بەرەدى. جازعى دەمالىستى الاڭداماي، ويداعىداي وتكىزۋ ءۇشىن COVID-19-عا قارسى ەكپە الىڭىز. ۆاكتسيناتسيا سىزگە اۋەجايلاردا ەش قيىندىقسىز ەلگە ورالۋىڭىزعا، ءارى ءوزىڭىز بەن جاقىندارىڭىزدى قاۋىپسىز سەزىنۋىڭىزگە مۇمكىندىك بەرەدى»، - دەدى ەرلان قياسوۆ.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3525