عاني قاسىموۆ، سەناتور:
- مەن بۇل ماسەلەگە بايلانىستى كەپىلدىك بولاتىنىنا سەنبەيمىن. ءبىزدىڭ عارىش سالاسىنداعى جوسپارلارىمىز تەك قانا رەسەيمەن بايلانىستى. كورشى ەلگە سەنىپ تاپسىرعان جۇمىسىمىز ءۇشىن 60 ملن دوللاردان استام قارجىنىڭ جەلگە ۇشقانى بارىمىزگە ءمالىم. مۇنداي مولشەردەگى اقشانى ەشقانداي ەل قۇربان ەتپەس ەدى. بىراق قاتەلىكتەر كەتتى ەكەن دەپ عارىش سالاسىنداعى جۇمىستاردى توقتاتۋعا استە بولمايدى. سەبەبى عارىشتا ءبىر تىرەگىمىز بولماسا، كوممۋنيكاتسيامىزدى دۇرىس جولعا قويا المايمىز. ال كوممۋنيكاتسياسىز ادامداردىڭ بۇگىنگى تىرشىلىگىن ەلەستەتۋ مۇمكىن ەمەس. الايدا «اۋزى كۇيگەن ۇرلەپ ىشەدى» دەمەكشى، ەكىنشى مارتە مۇنداي قادامعا بارماس ءۇشىن بۇرىنعى قاتەلىكتەردى ەلەپ-ەكشەپ بارىپ قانا جۇمىستى ءارى قاراي جالعاستىرۋ قاجەت دەپ ويلايمىن. «نەگە ءبىز رەسەيلىكتەرگە بايلانىپ قالدىق» دەگەن سۇراق تۋادى. بىزگە سونىمەن قاتار فرانتسيا، اقش، ءۇندىستان سياقتى عارىشتىق دەرجاۆالارمەن دە تىزە قوسىپ جۇمىس ىستەۋىمىزگە بولادى عوي. تاڭداۋ كوپ بولعان كەزدە عانا ساپا بولادى. قوماقتى قارجى سالىپ وتىرعاننان كەيىن، ءبىز شەكەسىنەن شەرتىپ ءجۇرىپ الۋىمىز كەرەك. مەن «قازسات-2»-ءنىڭ جۇمىستارىنىڭ باستالعانىنا قارسى ەمەسپىن، بىزگە ءتىپتى «قازسات-3»، «قازسات-4» تە قاجەت. بىراق ۇلتتىق عارىشىمىزعا كەرەك دۇنيەنى جاساپ جاتقاننان كەيىن، ۇلكەن جاۋاپكەرشىلىك تە بولۋى كەرەك.

عاني قاسىموۆ، سەناتور:
- مەن بۇل ماسەلەگە بايلانىستى كەپىلدىك بولاتىنىنا سەنبەيمىن. ءبىزدىڭ عارىش سالاسىنداعى جوسپارلارىمىز تەك قانا رەسەيمەن بايلانىستى. كورشى ەلگە سەنىپ تاپسىرعان جۇمىسىمىز ءۇشىن 60 ملن دوللاردان استام قارجىنىڭ جەلگە ۇشقانى بارىمىزگە ءمالىم. مۇنداي مولشەردەگى اقشانى ەشقانداي ەل قۇربان ەتپەس ەدى. بىراق قاتەلىكتەر كەتتى ەكەن دەپ عارىش سالاسىنداعى جۇمىستاردى توقتاتۋعا استە بولمايدى. سەبەبى عارىشتا ءبىر تىرەگىمىز بولماسا، كوممۋنيكاتسيامىزدى دۇرىس جولعا قويا المايمىز. ال كوممۋنيكاتسياسىز ادامداردىڭ بۇگىنگى تىرشىلىگىن ەلەستەتۋ مۇمكىن ەمەس. الايدا «اۋزى كۇيگەن ۇرلەپ ىشەدى» دەمەكشى، ەكىنشى مارتە مۇنداي قادامعا بارماس ءۇشىن بۇرىنعى قاتەلىكتەردى ەلەپ-ەكشەپ بارىپ قانا جۇمىستى ءارى قاراي جالعاستىرۋ قاجەت دەپ ويلايمىن. «نەگە ءبىز رەسەيلىكتەرگە بايلانىپ قالدىق» دەگەن سۇراق تۋادى. بىزگە سونىمەن قاتار فرانتسيا، اقش، ءۇندىستان سياقتى عارىشتىق دەرجاۆالارمەن دە تىزە قوسىپ جۇمىس ىستەۋىمىزگە بولادى عوي. تاڭداۋ كوپ بولعان كەزدە عانا ساپا بولادى. قوماقتى قارجى سالىپ وتىرعاننان كەيىن، ءبىز شەكەسىنەن شەرتىپ ءجۇرىپ الۋىمىز كەرەك. مەن «قازسات-2»-ءنىڭ جۇمىستارىنىڭ باستالعانىنا قارسى ەمەسپىن، بىزگە ءتىپتى «قازسات-3»، «قازسات-4» تە قاجەت. بىراق ۇلتتىق عارىشىمىزعا كەرەك دۇنيەنى جاساپ جاتقاننان كەيىن، ۇلكەن جاۋاپكەرشىلىك تە بولۋى كەرەك.

ءۋاليحان قاليجان، ءماجىلىس دەپۋتاتى:
- «قازسات» - بۇل وتە كۇردەلى ماسەلە. سەبەبى العاشقى جەر سەرىگىمىزدىڭ جوعالۋىنا بايلانىستى «حالىقتىڭ قارجىسى دالاعا كەتتى» دەپ ءبىراز شۋىلداسقانىمىزبەن، ەشتەڭە شىقپادى. ال ەندى جاسالىپ جاتقان «قازسات-2»-ءنىڭ قۇنى، ءبىرىنشى جەر سەرىگىمەن سالىستىرعاندا، الدەقايدا جوعارى جانە ءدال سول رەسەيلىك ورتالىقتا ىسكە اسىپ جاتىر. «بۇل جەر سەرىگى جوعالىپ كەتپەيدى، بۇرىنعى قاتەلىكتەردى جىبەرمەۋگە تىرىسامىز» دەپ جاتىر. بىراق كىم بىلەدى؟ بۇعان مەنىڭ كوزىم انىق جەتكەن جوق. ويتكەنى ونىڭ ەشقانداي عىلىمي ساراپتاماسى جوق، عىلىمي ورتالىقتاردا ول تۋرالى تالقىلاۋلار جۇرگىزىلمەگەن. مەنىڭ ويىمشا، قازىرگىدەي قارجى داعدارىسى كەزىندە ۇكىمەت كوزدى جۇمىپ الا سالمايتىن شىعار دەپ ۇمىتتەنەمىن. «سۋدىڭ دا سۇراۋى بار» دەمەكشى، حالىقتىڭ قارجىسىنا جاسالىپ جاتقانىن ءتۇسىنۋ كەرەك. ەندىگى كەزەكتە اتىنا عانا ەمەس، زاتىنا دا تەرەڭ ءمان بەرەتىن شىعار دەپ ويلايمىن. جوعالىپ كەتكەن جەر سەرىگى بويىنشا دەپۋتاتتىق ساۋال جولداعانىمىزدا، ۇلتتىق عارىش اگەنتتىگىنىڭ توراعاسى: «مەن باسشىلىققا كەلمەي تۇرعان كەزدە شەشىلىپ قويعان ماسەلە»، - دەپ جاۋاپ قايتارعان ەدى. ەندى «قازسات-2»-گە كەپىلدىكتەر بار ما، جوق پا - ونى كۇزدە اگەنتتىك توراعاسىن شاقىرتىپ سۇرايتىن بولامىز.

ايدوس سارىم، ساياساتتانۋشى:
- ۇلتتىق عارىش اگەنتتىگىنىڭ رەسەيدىڭ اسكەري-تەحنيكالىق كەشەندەرىمەن عانا جۇمىس ىستەۋى كۇمان تۋعىزادى. مەنىڭ ويىمشا، بۇل سالا بويىنشا الەمدىك دەڭگەيدە تەندەر وتكىزسە دە، ارتىق ەتپەيدى. عارىشتىق سالادا، شىن مانىندە، دەرجاۆا بولىپ وتىرعان اقش، يران، جاپونيا، برازيليا سياقتى ەلدەر قانشاما؟ نەگە وسى مەملەكەتتەردىڭ عىلىمي ورتالىقتارىمەن بىرگە جۇمىس ىستەمەسكە؟ «رەسەيگە عانا بايلانىپ قالۋىمىزدىڭ ارتىندا جەمقورلىق جاتقان جوق پا» دەگەن كۇماندى سۇراقتىڭ ۇشى شىعادى. جەر سەرىگىن ۇشىرماستان بۇرىن «ول تەلەارنا تاراتۋ ءۇشىن بە، الدە تەلەفون، ينتەرنەتكە قاتىستى ما» دەگەندەي، الدىمەن ماقساتتى ايقىنداپ الۋ قاجەت. سودان كەيىن بارىپ «ءبىز مىناداي ماقساتتا جەر سەرىگىن ۇشىرماقپىز، وسىعان قاجەتتى پارامەترلەرمەن كىم بىزگە ساپالى قىزمەت كورسەتە الادى» دەپ تەندەر وتكىزۋىمىز كەرەك. «كەپىلدىك بار ما» دەگەن سۇراعىڭىزعا بايلانىستى ايتار بولسام، «قازسات-1-ءدى» دە ۇشىراتىن كەزدە ۋادەلەر مەن كەپىلدەمەلەر ءۇيىلىپ-توگىلىپ بەرىلگەن. وكىنىشكە قاراي، ەشكىم جاۋاپ بەرمەدى، ەشكىم جاۋاپقا تارتىلمادى. سوندىقتان كەپىلدىك بار دەپ ايتا المايمىن.

ازىرلەگەن جارقىن تۇسىپبەكۇلى
"الاش ايناسى" گازەتى 3 شىلدە 2009 جىل