21 ءساۋىر كۇنى استانادا دۇنيە سالعان حاقان (احان) وتىنشىعا ارنالىپ 13 مامىردا ىستامبۇلدا اس بەرىلدى. ىستامبۇل گۇنەشلى قازاقكەنت اۋىلىندا قوجا احمەت ياسساۋي ءدىني قورىندا بەرىلگەن استا ساۋابى حاقاننىڭ ارۋاعىنا باعىشتالىپ قۇراندار وقىلىپ، دۇعالار ىستەلدى. مارقۇمنىڭ بارعان جەرى ۇجماق، جاتقان جەرى تورقا بولعاي!

بەلگىلى بولعانداي، لوندوندا تۇراتىن ەلەكتورنيكا سالاسىنىڭ مامانى، عىلىم دوكتورى حاقان وتكەن جىلى قىركۇيەك ايىنان بەرى استاناداعى نازارباەۆ تەحنيكالىق ۋنيۆەرسيتەتىندە ساباق بەرىپ جۇرگەن ەدى. 21 ءساۋىر كۇنى ستۋدەنت جانە مۇعالىمدەرمەن تابيعات اياسىنا سەرۋەنگە شىعىپ جۇرگەندە كەنەت جۇرەگى ۇستاپ دۇنيە سالدى.

ءسويتىپ، «ەلىمە قىزمەت ەتەم، ەۋروپا ەلدەرىندە جيناعان ءبىلىم مەن عىلىمدى جاستارىنا بەرەم» دەپ بارعان حاقان وتىنشى وتاننىڭ وركەندەۋى جولىندا جانىن پيدا قىلعان عىلىم ءشايىتى ەكەنىنە كۇمەن جوق.

21 ءساۋىر كۇنى استانادا دۇنيە سالعان حاقان (احان) وتىنشىعا ارنالىپ 13 مامىردا ىستامبۇلدا اس بەرىلدى. ىستامبۇل گۇنەشلى قازاقكەنت اۋىلىندا قوجا احمەت ياسساۋي ءدىني قورىندا بەرىلگەن استا ساۋابى حاقاننىڭ ارۋاعىنا باعىشتالىپ قۇراندار وقىلىپ، دۇعالار ىستەلدى. مارقۇمنىڭ بارعان جەرى ۇجماق، جاتقان جەرى تورقا بولعاي!

بەلگىلى بولعانداي، لوندوندا تۇراتىن ەلەكتورنيكا سالاسىنىڭ مامانى، عىلىم دوكتورى حاقان وتكەن جىلى قىركۇيەك ايىنان بەرى استاناداعى نازارباەۆ تەحنيكالىق ۋنيۆەرسيتەتىندە ساباق بەرىپ جۇرگەن ەدى. 21 ءساۋىر كۇنى ستۋدەنت جانە مۇعالىمدەرمەن تابيعات اياسىنا سەرۋەنگە شىعىپ جۇرگەندە كەنەت جۇرەگى ۇستاپ دۇنيە سالدى.

ءسويتىپ، «ەلىمە قىزمەت ەتەم، ەۋروپا ەلدەرىندە جيناعان ءبىلىم مەن عىلىمدى جاستارىنا بەرەم» دەپ بارعان حاقان وتىنشى وتاننىڭ وركەندەۋى جولىندا جانىن پيدا قىلعان عىلىم ءشايىتى ەكەنىنە كۇمەن جوق.

ونىڭ قايعىلى قازاسى تۋرالى حابار ىستامبۇلعا جەتكەن ۋاقىتتا اتا-اناسىنىڭ قابىرعاسى قاتتى قايىستى. ءتىپتى بۇكىل ەۋروپا ەلدەرى مەن تۇركياداعى قازاقتار جاس ازاماتتىڭ قازاسىنا ازا تۇتتى. بىراق، اللانىڭ جازعانى سول بولعاننان كەيىن نە ىستەي الاسىز؟ ەندىگى قولدان كەلەتىنى مارقۇمنىڭ سۇيەگىن ىستامبۇلعا اكەلىپ جەرلەۋ ەدى. اتا-اناسى دا وسى ويدا ەدى. بىراق استاناداعا نازارباەۆ ۋنيۆەرسيتەتى باسشىلىعى حاقان وتىنشىنى ىستامبۇلعا الىپ كەتپەي وسىندا جەرلەۋ تۋرالى ۇسىنىس جاساعان ەكەن. بىراق حاقاننىڭ اكەسى عاني اعامىز: «ىستامبۇلعا جەرلەيىك، كوپتەن كورمەگەن ۇلىمدى تىم بولماسا ءوز قولىممەن جونەلتەيىن» دەدى. ءسويتىپ، حاقاننىڭ سۇيەگىن قاي ەلدە جەرلەۋ كەرەك دەگەن ماسەلە ۇيگە قازا ءۇشىن كوڭىل ايتۋعا كەلگەندەر اراسىندا ءسوز بولا باستادى.

كوپشىلىك حاقان وتىنشى وتانى ءۇشىن ءشايىت بولعان ازامات. ءشايىتتىڭ سۇيەگى سول جەردە جەرلەنەدى. ەكىنشىدەن، قازاقستان بوتەن ەل ەمەس، تۋعان وتانى جانە مۇسىلمان ەلى دەستى. اقىرى، كوپشىلىك مارقۇمدى استاناعا جەرلەۋدىڭ دۇرىستىعى تۋرالى كەڭەس بەردى.

جۇرەگى قان جىلاعان حاقاننىڭ اكەسى كوپشىلىكتىڭ بۇل ۋاجىنە مويىنسۇندى. سونىمەن، ول كىسى جۇبايى جانە ءۇش پەرزەنتىمەن جانازا ءۇشىن استاناعا اتتاندى. لوندوننان حاقاننىڭ بالا-شاعاسى دا استاناعا كەلدى.

وتكەن اپتا عاني اعامىز استانادان كەلدى دەگەن سوڭ، ۇيىنە بارىپ قايتا كوڭىل ايتتىق. حاقاننىڭ ارۋاعىنا قۇران وقىدىق. حاقاننىڭ اكەسى دە، اناسى دا قازاقستانعا ريزا ەكەندىكتەرىن ايتىپ وتىردى. اسىرەسە نازارباەۆ ۋنيۆەرسيتەتىنىڭ باسشىلىعى، مۇعالىمدەر، ستۋدەنتتەردىڭ بالالارىنا كورسەتكەن قۇرمەتىنە قاتتى ريزا بولعاندارىن ايتتى. "استانادا بولعان ءبىر اپتادا ولار اياعىمىزدى جەرگە تيگىزبەدى. ۇلىمنىڭ جەتىسىن دە بەردى. استاناعا تۇركيادان بارعان موللا باۋرىمىز ابدوللا گەزەر جانازاسىن وقىدى، ۇيىنە شاقىردى. بارلىعىنا ريزامىز. قازاقستان مەملەكەتىمىزدىڭ ىرگەسى بەرىك، شاڭىراعى بيىك بولسىن، كوك بايراعى مانگىلىك اسپاندا جەلبىرەپ تۇرسىن" دەپ ريزاشىلىقتارىن ءبىلدىرىپ جاتتى.

حاقان باۋرىمىزدى اللا الدىنان جارىلقاسىن، يمانى جولداس بولسىن! ارتىندا قالعان بالا شاعاسىنا قايىرىن بەرسىن.

ابدىۋاقاپ قارا

ىستامبۇل قالاسى

«اباي-اقپارات»