سەنبى, 23 قاراشا 2024
ساڭلاق 3344 0 پىكىر 23 ماۋسىم, 2021 ساعات 17:47

وليمپيادانى ءوز كوزىمەن 10 مىڭ ادام كورەدى

بيىل شىلدە جانە تامىز ايلارىندا توكيودا وتەتىن وليمپيادا ويىندارىنا كورەرمەن قاتىستىرىلادى، بىراق ولاردىڭ سانى شەكتەلەدى. جاپونيا بيلىگى مەن حالىقارالىق وليمپيادا كوميتەتى وسىنداي شەشىم قابىلدادى. بۇل تۋرالى centralasian.orgقا سىلتەمە جاساپ Abai.kz حابارلايدى.

تاراپتار ورتاق كەلىسىمگە كەلدى. بۇنىڭ الدىندا ويىندار كورەرمەنسىز ءوتۋى مۇمكىن ەكەنى ايتىلعان.

جارىستىڭ ءاربىر تۇرىنە ون مىڭ عانا كورەرمەن جىبەرىلەدى. تريبۋنالار جارتىلاي عانا تولادى. جارىستاردى تاماشالايتىن جانكۇيەرلەر الەۋمەتتىك اراقاشىقتىق ساقتاۋى ءتيىس.

ويىندارعا جاپونيادا تۇراتىن ازاماتتار عانا كىرە الادى. شەتەل جانكۇيەرلەرىنە ەلگە كەلۋگە تىيىم سالىنعان. سپورت دەلەگاتسيالارىنىڭ سانى شەكتەلگەن.

حوك باسشىسى توماس باحتىڭ مالىمدەۋىنشە، سپورتشىلار مەن وليمپيادا قالاشىعىندا تۇراتىن رەسمي وكىلدەردىڭ 80 پايىزىنا ۆاكتسينا ەگىلگەن.

وليمپيادا-2020 كوروناۆيرۋس پاندەمياسىنا بايلانىستى بىلتىر وتپەي قالدى. ويىندى ۇيىمداستىرۋ كەزىندە جاپپاي نارازىلىق اكتسيالارى ءوتتى. ولار وليمپيادادان باس تارتۋدى تالاپ ەتتى.

جاپونيا بيلىگى كوروناۆيرۋستىڭ تارالۋ دەڭگەيى وسسە، توكيودا توتەنشە جاعداي ەنگىزىلىپ، ويىندار كورەرمەنسىز ءوتۋى مۇمكىن ەكەنىن ەسكەرتتى. تۇپكىلىكتى شەشىم 12 شىلدەدەن سوڭ قابىلدانادى.

Abai.kz

0 پىكىر

ۇزدىك ماتەريالدار

سىني-ەسسە

«تالاسبەك سىيلىعى»: تالقاندالعان تالعام...

اباي ماۋقاراۇلى 1468
بىلگەنگە مارجان

«شىعىس تۇركىستان مەملەكەتى بەيبىت تۇردە جوعالدى»

ءالىمجان ءاشىمۇلى 3241
ءبىرتۋار

شوقاننىڭ ءازىل-سىقاقتارى

باعدات اقىلبەكوۆ 5391