جۋىردا اقوردادا وتكەن جيىندا نەگiزگi اڭگiمە مەملەكەتتiك رامiزدەرگە بايلانىستى ءوربiدi. جيىنعا مەملەكەتتiك حاتشى مۇحتار قۇل-مۇحاممەدتiڭ توراعالىق ەتۋiمەن پرەزيدەنت جانىنداعى مەملەكەتتiك رامiزدەر جونiندەگi رەسپۋبليكالىق كوميسسيا مۇشەلەرi جينالعان ەدi. بۇل اتالمىش رەسپۋبليكالىق كوميسسيانىڭ بيىلعى جىلعى العاشقى باس قوسۋى. ەلباسى ن.نازارباەۆتىڭ 15 ناۋرىزداعى جارلىعىنا سايكەس، بيىلعى جىلى كوميسسيا قۇرامىنا دا بiرقاتار وزگەرiستەر ەنiپتi.

جيىنداعى كۇن تارتىبىندە بىرنەشە ماسەلەلەر قارالدى. ولاردىڭ قاتارىندا، سپورت جانە دەنەشىنىقتىرۋ ىستەرى اگەنتتىگىنىڭ مەملەكەتتىك رامىزدەردى پايدالانۋ جانە ناسيحاتتاۋ سالاسىنداعى جۇمىستارى دا بار. «بۇل ماسەلە باس­پاسوزدە كوپ ايتىلىپ، كوپ جا­زىل­دى، - دەپ باستادى ءسوز تىزگىنىن قولىنا العان مەملەكەتتىك حاتشى. - ال بۇگىن ول ماسەلەلەر بويىنشا تولىق ماعلۇمات الاتىن بولامىز». مەملەكەتتىك حاتشىنىڭ بۇعان باسا نازار اۋداراتىن دا ءجونى بار. ويتكەنى ەلىمىزدىڭ ءانۇرانىنا بايلانىستى قانداي ماسقاراشىلىق بولعانىن ءباسپاسوز بەتتەرىندە ءجيى جازىلعان ەدى.
وسىعان وراي، مەملەكەتتىك ءانۇراننىڭ ورىندالۋى جانە مەملەكەتتىك تۋدىڭ كوتەرىلۋى ءتارتىبىن بەكىتەتىن «سپورتتىق جارىستاردى وتكىزۋ كەزىندە قازاقستان رەسپۋبليكاسىنىڭ مەملەكەتتىك رامىزدەرىن قولدانۋ قاعيدا­لارىن بەكىتۋ تۋرالى» بۇيرىق جوباسىن ازىرلەگەنىن ايتادى سپورت جانە دەنە شىنىقتىرۋ ىستەرى اگەنتتىگىنىڭ توراعاسى تالعات ەرمەگياەۆ.
سونىمەن بىرگە، كوميسسيا مۇشەلەرىن تولعاندىرعان ماسە­لەنىڭ ءبىرى - ءبىلىم بەرۋ جۇيەسىندەگى جاستاردى مەملەكەتتىك رامىزدەردى قۇرمەتتەۋگە باۋلۋ جانە قازاق­ستاندىق پا­ت­ريو­تيزمدى ودان ءارى نى­­عايتۋ باعى­تىنداعى جۇمىستار ءتوڭى­رەگىندە بولدى. وسىعان وراي، مۇحتار ابرارۇلى: «شىندىعىندا، مەملەكەتتىك رامىزدەرگە قۇرمەتتى تاربيەلەۋدى ءبىز بالاباقشاداعى ءبۇل­دىرشىندەردەن، باس­تاۋىش مەكتەپ­تەردەگى وقۋشىلاردان باستاۋىمىز كەرەك» دەگەندى ايتادى. ءبىلىم بەرۋ جۇيەسىندەگى جاستار اراسىندا پاتريو­تيز­مگە تاربيەلەۋ باعىتىندا قانداي جۇمىستاردىڭ اتقارىلىپ جاتقاندىعى تۋرالى ءبىلىم جانە عىلىم ءمينيسترى با­قىتجان جۇماعۇلوۆ بايانداما جاسادى. بۇدان سوڭ كوميسسيا مۇشەلەرى اۋىل شارۋاشىلىعى مينيسترلىگىنىڭ مەملەكەتتىك رامىزدەردى قولدانۋ سالاسىنداعى جۇمىستارى تۋرالى دا ءمينيستردىڭ ەسەبى تىڭدالدى.
مەملەكەتتىك رامىزدەر سالاسىن­داعى جۇمىستاردى ۇيلەستىرۋ ماسەلەسى مادەنيەت جانە اقپارات مينيسترلىگىنە جۇكتەلگەنى بەلگىلى. وسى ورايدا، مادەنيەت جانە اقپارات ءمينيسترى دارحان مىڭباي سوڭعى كەزدەرى اتقارىلىپ جاتقان جۇمىستار تۋرالى بايانداپ بەردى. «مەملەكەتتىك رامىزدەر ەلىمىز­دىڭ ەڭ قاسيەتتى سيمۆولدارى!» - دەپ ناقتىلاعان مۇحتار قۇل-مۇحاممەد. ءارى قاراي مەملەكەتتىك حاتشى ەلباسىنىڭ «ءبىز تاۋەل­سىزدىگىمىزدىڭ نىشاندارىن كوزدىڭ قاراشىعىنداي ساقتاۋىمىز كەرەك. ەلىمىزدىڭ ءاربىر ازاماتى قازاقستاننىڭ تۋىن، ەلتاڭباسىن، ءانۇرانىن ەرەكشە قۇرمەتتەۋگە مىندەتتى. ويتكەنى ولار - حالقىمىزدىڭ ماقتانىشى، ءبىزدىڭ ەڭ كيەلى قۇندىلىقتارىمىز» دەگەن ءسوزىن تىلگە تيەك ەتتى. بيىل ەلىمىزدىڭ مەملەكەتتىك ءرامىز­دەرىنىڭ قابىلدانعانىنا دا جيىرما جىل تولىپ وتىر. وسى ورايدا، بۇل ايتۋلى كۇندى لايىقتى دەڭگەيدە اتاپ ءوتۋ ماسەلەسى دە نازاردان تىس قالمادى. بۇگىندە وسىعان وراي، رەسپۋبليكامىزدىڭ بۇكىل ايماقتارىندا دايىندىق جۇمىستارى قىزۋ جۇرگىزىلۋدە. جيىن كەزىندە مۇحتار ابرارۇلى مەملەكەتتىك رامىزدەردىڭ قابىل­دانۋىنىڭ 20 جىلدىعى مەرەيتويىن وتكىزۋ بويىنشا تۇتاس شارالار كەشەنى ازىرلەنىپ، بەكىتىلگەنىن دە ايتا كەتتى. شىندىعىندا دا، مەملەكەتتىك رامىزدەردىڭ 20 جىلدىعى ءار­بىر قازاقستان­دىق ءۇشىن پاتريو­تيزم مەن ەلىمىزگە دەگەن ماق­تانىشتىڭ مەرەكەسىنە اينالۋى قاجەت. ول ءۇشىن ءاربىر قازاق­ستاندىق مەملەكەتتىك ءرامىز­دەرىن قۇرمەتتەۋگە، قۇرمەت تۇتۋعا تي­ىستى.
كەلەلى جيىندا مەملەكەتتىك رامىزدەرگە قاتىستى ۇلتتىق زاڭ­نا­مانى جەتىلدىرۋ باعىتىندا دا بىرقاتار شارالاردىڭ اتقا­رىلىپ جاتقانى ءسوز بولدى. بۇگىندە مەملەكەتتىك رامىزدەر تۋرالى كونس­­­تيتۋتسيالىق زاڭعا وزگەرىستەر مەن تو­لىق­تىرۋلار ەنگىزۋ ماسەلەسى جوسپارلانۋدا. اتالمىش زاڭنىڭ جوباسىن ءماجىلىس دەپۋتاتتارى جازعى دەمالىستارىنان كۇزگى ماۋ­سىمدا باستالاتىن جاڭا سەسسياسىندا قارايتىن بولادى

گۇلزينا بەكتاسوۆا

«تۇركىستان» گازەتى