قامشى.كz
تاقىرىپتىق نوميناتسيا: جاڭالىقتار، دويىر، بيزنەس، قامشىگەر، عىلىم، ونەر;
رەسۋرستىق ءتىلى: قازاق;
اشىلعان ۋاقىتى: 2012 جىل;
«قامشىنى» قالاي قولعا الدىق؟
بۇگىنگى كۇننىڭ قامشىسى - عىلىم-تەحنيكا مەن ونەر-ءبىلىم، ءسىڭىرى مىقتى ەكونوميكا. بۇلاردى دەر شاعىندا قولعا الىپ، كادەگە جاراتساڭىز، ۇلتتىڭ ۇلى بولاسىز دا، قاپى قالىپ جاتساڭىز، وزگەنىڭ قۇلى بولاسىز. شىندىعى وسى. قامشىنىڭ قاسيەتى - ۇل بولساڭ قولىڭدا وينايدى، قۇل بولساڭ توبەڭدە وينايدى دەگەنىمىز سول.
قازاق تارىداي شاشىلعان دەپ تاۋسىلا بەرۋگە بولمايدى. قازاق قاي جەردە بولسا دا قازاق. ونىڭ ءبىلىم-بىلىگى، ونەرى قازاقتىكى. تەك سونى التى الاشتىڭ جالعىز وتانى - قازاقستاننىڭ دامىپ-وركەندەۋىنە پايدالانا ءبىلۋ - ۇتقاندىق. قازاقتىڭ مۇنداي مۇمكىندىگى دۇنيەدەگى كەز-كەلگەن حالىقتا بار دەپ ايتا المايمىز. ەڭ وكىنىشتىسى - شەكارانىڭ ارعى جاعىندا جاتقان قازاق عالىمىنىڭ ءبىلىمى تۇگىل الدەقاشان ەلگە ورالعان بىلىكتىلەردى دە ءوز ورنىنا قويا المادىق. شىندىعىندا، ءبىز ولاردىڭ ءتيىستى مامان بولۋىنا ءبىر تيىن قاراجات جۇمساعان جوقپىز. قۇدايدىڭ بەرە سالعان باعى.
تاقىرىپتىق نوميناتسيا: جاڭالىقتار، دويىر، بيزنەس، قامشىگەر، عىلىم، ونەر;
رەسۋرستىق ءتىلى: قازاق;
اشىلعان ۋاقىتى: 2012 جىل;
«قامشىنى» قالاي قولعا الدىق؟
بۇگىنگى كۇننىڭ قامشىسى - عىلىم-تەحنيكا مەن ونەر-ءبىلىم، ءسىڭىرى مىقتى ەكونوميكا. بۇلاردى دەر شاعىندا قولعا الىپ، كادەگە جاراتساڭىز، ۇلتتىڭ ۇلى بولاسىز دا، قاپى قالىپ جاتساڭىز، وزگەنىڭ قۇلى بولاسىز. شىندىعى وسى. قامشىنىڭ قاسيەتى - ۇل بولساڭ قولىڭدا وينايدى، قۇل بولساڭ توبەڭدە وينايدى دەگەنىمىز سول.
قازاق تارىداي شاشىلعان دەپ تاۋسىلا بەرۋگە بولمايدى. قازاق قاي جەردە بولسا دا قازاق. ونىڭ ءبىلىم-بىلىگى، ونەرى قازاقتىكى. تەك سونى التى الاشتىڭ جالعىز وتانى - قازاقستاننىڭ دامىپ-وركەندەۋىنە پايدالانا ءبىلۋ - ۇتقاندىق. قازاقتىڭ مۇنداي مۇمكىندىگى دۇنيەدەگى كەز-كەلگەن حالىقتا بار دەپ ايتا المايمىز. ەڭ وكىنىشتىسى - شەكارانىڭ ارعى جاعىندا جاتقان قازاق عالىمىنىڭ ءبىلىمى تۇگىل الدەقاشان ەلگە ورالعان بىلىكتىلەردى دە ءوز ورنىنا قويا المادىق. شىندىعىندا، ءبىز ولاردىڭ ءتيىستى مامان بولۋىنا ءبىر تيىن قاراجات جۇمساعان جوقپىز. قۇدايدىڭ بەرە سالعان باعى.
تاجىريبە بولسىن دەپ، الىپ كورشىمىز قىتايدىڭ تاريحىن قارادىق. جەر شارىنىڭ بەستەن ءبىر حالقىن عىلىم مەن ءبىلىمنىڭ ارقاسىندا اسىراپ وتىرىپتى. سان عاسىر قۇلدىقتىڭ بۇعاۋىندا بولعان جۇرتتا قايداعى ءبىلىم دەپ ويلادىق. سويتسەك ءاۋ باستا ءار سالانىڭ باسىنا شەتەلدىڭ ەڭ وزىق تەحنيكاسىن مەڭگەرگەن كادىمگى «ورالمان» حانزۋلاردى وتىرعىزىپتى. «ميلليارد حالىقپىز، ءوز ىشىمىزدە دە ىعايلار مەن سىعايلار كوپ» دەپ كۇپىرلىك ەتپەگەن ەكەن. ەندەشە 10 ميلليون قازاقتىڭ ون ورالماندى كوپسىنۋىنىڭ سىرى نەدە؟
«قامشى» ورالمانداردىڭ سايتى ەمەس، بار قازاقتىڭ مۇمكىندىگىن ءبىر وتاننىڭ گۇلدەنۋىنە قىزمەت ەتتىرەتىن سايت. ءۇش جازۋدا ۇكىلەۋىمىز دە سوندىقتان. شەتەلدەگى 5 ميلليون قازاق اتاجۇرتتاعى اعايىننىڭ ىقىلاس-پەيىلىن ءبىلسىن، قالام قۋاتىن تانىسىن دەگەندە نيەتىمىز بار. ونى ۋاقىت كورسەتەر. قازىرگە بىرەن-ساران شىن جاناشىر ارىپتەستەرىمىز بوتاسىن بەرمەسە دە، باتاسىن بەرىپ قولداۋ ءبىلدىرىپ وتىر. وعان دا شۇكىر!
ەلىمىز تاۋەلسىزدىك الا سالا قازاق كوشى كوك تۋعا قاراپ بوي تۇزەدى. مۇنداي «ۇلى كوشتىڭ» باستالۋىنا مۇرىندىق بولعانى ءۇشىن ەلباسى نۇرسۇلتان ءابىشۇلىنا شەتەلدەگى 5 ميلليون قازاقتىڭ ىقىلاسى ايرىقشا بولعانىن ايتا كەتكەنىمىز ءجون. ەگەر وسى كوشتىڭ اينالاسىندا ازدى-كوپتى قيتۇرقىلىقتار بولىپ جاتسا دا، قانداستارىمىز ونى مىسىقتىلەۋلەردىڭ ءىسى دەپ بىلەدى. قازاقشا ايتساق، ەلباسىنا «شاڭ جۋىتپايدى». ەندەشە ولاردىڭ ارمان-تىلەگىن، ماقسات-مۇراتىن «كوشباسشىنىڭ» نازارىنا ىلىكتىرۋ - سايتتىڭ باستى ماقساتتارىنىڭ ءبىرى.
ال شەتەلدەگى ۇلتتىق ونەردى دامىتقان قازاق كاسىپكەرلەرى تۋرالى مالىمەتتەردى كورسەڭىز، بۇل ءبىزدىڭ سايتتىڭ ولاردى قولداۋى دەپ ءبىلىڭىز. اتالمىش كاسىپكەرلەردەن جارتى جارماق الماعانىمىزدى دا ەسكەرتەمىز.
«ول - قازاق»، «كوزايىم» ايدارلارى ارقىلى جۇرەگىمىزدىڭ جارتىسىنداي بولىپ جات جۇرتتا قالعان ەر مەن جەردى تانىستىرۋدى ماقسات ەتتىك.
«داۋا قامشى» - «قامشى» سايتىنىڭ العاشقى قوسىمشاسى. باستى نازاردا - الەمدەگى وزىق مەديتسينانىڭ يەسى قىتاي شيپاگەرلىگىن الاشتىڭ امان-ساۋلىعى ءۇشىن پايدالانۋ. قالا بەردى ەلىمىزدەگى كەز-كەلگەن ەمدەۋ ورتالىقتارىمەن تىعىز بايلانىس ورناتىپ، وزىعى مەن توزىعىن وقىرمان تارازىسىنا سالۋ.
قازاق كوبەيسە عانا قازاق ماسەلەسى وزدىگىنەن شەشىلەدى. بۇل - بۇلجىماس شىندىق. ەندەشە قازاق كوشىنە، نامىسىنا، عىلىمى مەن بىلىمىنە، ونەر مەن ورەسىنە قامشى باسايىق اعايىن!
كوشتى توقتاتپايىق، كوشتەن قالمايىق!
