استانا. 28 مامىر. قازاقپارات - ءالى دە  ۇيالى بايلانىستىڭ قۇنى  مەن قىزمەت كورسەتۋ ساپاسى ەشقانداي سىن كوتەرمەيدى.

بۇل تۋرالى بۇگىن پارلامەنت ماجىلىسىندە اقپاراتتىق كوممۋنيكاتسيا تەحنولوگيالارى سالاسىن دامىتۋ قورىتىندىلارى تاقىرىبىندا وتكەن ۇكىمەت ساعاتىندا ەكونوميكالىق رەفورما جانە وڭىرلىك دامۋ كوميتەتىنىڭ توراعاسى سەيىتسۇلتان ايىمبەتوۆ ءمالىم ەتتى.

دەپۋتاتتىڭ ايتۋىنشا، تەلەكوممۋنيكاتسيا سالاسىنىڭ دامۋىنداعى نىسانالى ينديكاتورلار سوڭعى ەكى جىلدا تاريفتەر باعاسىنىڭ ارزانداۋىمەن قاتار  بايلانىس قىزمەتىن كورسەتۋدىڭ دە ءوسىپ كەلە  جاتقانىن كورسەتەدى. «بۇل رەتتە ستاتيستيكالىق دەرەكتەرگە  جۇگىنبەي-اق، ءبىز  حالىقتىڭ 100 پايىزىنان استامى ۇيالى بايلانىسپەن قامتىلعانىن  ماقتانىشپەن ايتا الامىز. ارينە،  بۇل زور جەتىستىك.  الايدا،  الىدە دە ۇيالى بايلانىستىڭ قۇنى  مەن قىزمەت كورسەتۋ ساپاسى ەشقانداي سىن كوتەرمەيدى. ماسەلەن، حالىقارالىق ۆاليۋتا قورىنىڭ 2010 جىلعى دەرەكتەرى بويىنشا تمد ەلدەرى نارىقتارىندا ۇيالى بايلانىستىڭ ءبىر مينۋتتىق قۇنى  قازاقستاندا  18,35 تەڭگەنى قۇراسا، ول قىرعىزستاندا - 3,2,  وزبەكستاندا - 4,47, گرۋزيادا - 7,49, ۋكراينادا - 9,86 تەڭگەنى قۇراعان. بۇل ورايدا، بىزدە وسى قىزمەت باعاسىنىڭ ءوسىپ كەلە جاتقانى بايقالادى. ماسەلەن، 2010 جىلى  باعانىڭ ورتاشا  ءوسىمى 2008 جىلمەن سالىستىرعاندا  7,6 پايىزدى قۇرادى»، - دەيدى دەپۋتات.

استانا. 28 مامىر. قازاقپارات - ءالى دە  ۇيالى بايلانىستىڭ قۇنى  مەن قىزمەت كورسەتۋ ساپاسى ەشقانداي سىن كوتەرمەيدى.

بۇل تۋرالى بۇگىن پارلامەنت ماجىلىسىندە اقپاراتتىق كوممۋنيكاتسيا تەحنولوگيالارى سالاسىن دامىتۋ قورىتىندىلارى تاقىرىبىندا وتكەن ۇكىمەت ساعاتىندا ەكونوميكالىق رەفورما جانە وڭىرلىك دامۋ كوميتەتىنىڭ توراعاسى سەيىتسۇلتان ايىمبەتوۆ ءمالىم ەتتى.

دەپۋتاتتىڭ ايتۋىنشا، تەلەكوممۋنيكاتسيا سالاسىنىڭ دامۋىنداعى نىسانالى ينديكاتورلار سوڭعى ەكى جىلدا تاريفتەر باعاسىنىڭ ارزانداۋىمەن قاتار  بايلانىس قىزمەتىن كورسەتۋدىڭ دە ءوسىپ كەلە  جاتقانىن كورسەتەدى. «بۇل رەتتە ستاتيستيكالىق دەرەكتەرگە  جۇگىنبەي-اق، ءبىز  حالىقتىڭ 100 پايىزىنان استامى ۇيالى بايلانىسپەن قامتىلعانىن  ماقتانىشپەن ايتا الامىز. ارينە،  بۇل زور جەتىستىك.  الايدا،  الىدە دە ۇيالى بايلانىستىڭ قۇنى  مەن قىزمەت كورسەتۋ ساپاسى ەشقانداي سىن كوتەرمەيدى. ماسەلەن، حالىقارالىق ۆاليۋتا قورىنىڭ 2010 جىلعى دەرەكتەرى بويىنشا تمد ەلدەرى نارىقتارىندا ۇيالى بايلانىستىڭ ءبىر مينۋتتىق قۇنى  قازاقستاندا  18,35 تەڭگەنى قۇراسا، ول قىرعىزستاندا - 3,2,  وزبەكستاندا - 4,47, گرۋزيادا - 7,49, ۋكراينادا - 9,86 تەڭگەنى قۇراعان. بۇل ورايدا، بىزدە وسى قىزمەت باعاسىنىڭ ءوسىپ كەلە جاتقانى بايقالادى. ماسەلەن، 2010 جىلى  باعانىڭ ورتاشا  ءوسىمى 2008 جىلمەن سالىستىرعاندا  7,6 پايىزدى قۇرادى»، - دەيدى دەپۋتات.

بۇل رەتتە سەيىتسۇلتان ايىمبەتوۆ  بايلانىس وپەراتورلارىنىڭ باسقا جەلىلەرگە قوڭىراۋ شالۋعا ارنالعان «ۇستەمە تاريفتەرى» حالىققا سالماق سالىپ، ولار ابونەنتتىڭ تولەمىن ەكى ەسە كوبەيتىپ وتىرعانىن العا تارتادى.

«ەگەر 2011 جىلى «جەلى ىشىندە» قوڭىراۋ شالۋعا ءبىز ورتاشا 13 تەڭگە  تولەسەك، «باسقا جەلىلەرگە» 28 تەڭگە تولەپ كەلدىك.  بۇل، ايىرماشىلىق ارينە بىردەن سەزىلەدى. ءبىز، قازاقستاننىڭ بارلىق ۇيالى بالانىس  وپەراتورلارىنىڭ 4 جانە ودان دا كوپ «سيم-كارتاسىن» نەمەسە ۇيالى تەلەفونىن بىردەي پايدالانىپ جۇرگەن ابونەنتتەردى ازىرشە بىلمەيمىز. مۇمكىن ولار بار دا شىعار. بىراق مۇنداي مۇمكىندىك قاراپايىم ادامداردىڭ كوپشىلىگىندە بولا بەرمەيدى. ستاتيستيكالىق دەرەكتەر قازاقستاندىق وپەراتورلاردىڭ  تابىسىنىڭ  جىل سايىن ءوسىپ  كەلە جاتقانىن كورسەتەدى.  2010 جىلى مۇنداي تابىس 261 ملرد.  تەڭگە بولىپ، 2009 جىلمەن سالىستىرعاندا 8,5 پايىزعا وسكەن. سوندىقتان،  بارلىق ۇيالى بايلانىس وپەراتورلارىنىڭ باسقا جەلىلەرگە  قوڭىراۋ شالۋعا ارنالعان ۇستەمە-تاريفتەردى الىپ تاستايتىن ۋاقىتى جەتتى دەپ ويلايمىز. ويتكەنى بۇل وپەراتور-كومپانيالار وسى جەلىلەردى (ينفراقۇرىلىم، وفيس جانە ت.ب.) دامىتۋعا سالعان ءوز كۇردەلى  قارجىسىن باياعىدا  وتەپ العان»، - دەيدى دەپۋتات.