توكيو وليمپياداسىنىڭ قولا جۇلدەگەرلەرى اۋىر اتلەتشىلەر يگور سون مەن زۋلفيا چينشانلو ەلگە ورالدى. ولاردى الماتى اۋەجايىنان تۋىستارى، جانكۇيەرلەر مەن سپورتشىلار كۇتىپ الدى.

ەل ماقتانىشتارىن الماتىلىقتار اۋەجايدان قۇرمەت-قوشەمەتپەن قارسى الدى. جۇلدەگەرلەرگە قۇتتىقتاۋلارىن جاۋدىرتىپ، گۇل شوقتارىن سىيلادى. وليمپيادا جۇلدەگەرلەرى ءوز كەزەگىندە جارىستان العان اسەرلەرىمەن جانە جوسپارلارىمەن ءبولىستى.

يگور سون، توكيو وليمپياداسىنىڭ قولا جۇلدەگەرى:

- الدىمەن ءبىزدىڭ وسىنداي جەتىستىككە جەتۋىمىزگە قولداۋ كورسەتكەن مەملەكەت باسشىسىنا راقمەت ايتقىم كەلەدى. مەن مۇنىمەن توقتاپ قالمايمىن. دايىندىق ارى قاراي جالعاسادى. ماقسات – التىنعا جەتۋ. قالعانىن ۋاقىت كورسەتەدى.

زۋلفيا چينشانلو، توكيو وليمپياداسىنىڭ قولا جۇلدەگەرى:

- الدىمەن بارلىق وتانداستارىما العىس ايتقىم كەلەدى. ويىن بارىسىندا ولاردىڭ قولداۋى ماعان كۇش بەردى. العا قويعان ماقسات، جوسپار كوپ. بوساڭسۋعا بولمايدى. بىردەن كەلەر جىلى وتەتىن ازيا ويىندارىنا دايىندىقتى باستايمىن.

جالپى ەلىمىزدىڭ اۋىر اتلەتتەرى وسى وليميپادادا وزدەرىنە ارتىلعان ەل سەنىمىن 100 پايىز اقتادى. ءزىل تەمىر كوتەرۋگە بارعان ەكى ساڭىلاقتا قولادان مەدال تاعىپ قايتتى. جەتىسۋلىق يگور سون قوسسايىستىڭ قورىتىندىسى بويىنشا 294 كەلىنى باعىندىرسا، 55 كەلىدە باق سىناعىن زۋلفيا چينشانلو 213 كەلى زىلتەمىردى ەڭسەردى.

Abai.kz