قازاقستان الەمدىك دەموكراتيا يندەكسىندە 167 مەملەكەتتىڭ ىشىندە 128 - ورىنعا يە بولدى. بۇل تۋرالى ۇلىبريتانيالىق The Economist جۋرنالى مالىمدەگەن.  

جاھاندىق دەموكراتيا كورسەتكىشىندە قازاقستان كونگونىڭ الدىنا شىعىپ، (129-شى) زيمبابۆەدەن (127 -ءشى) ارتتا قالىپتى. بۇل رەتتە قازاقستاننىڭ جالپى رەيتينگى 3,14 بالل بولعان. وندا قازاقستان - «سايلاۋ پروتسەسى جانە پليۋراليزم» ساناتىندا - 0,5 بالل، «مەملەكەتتىك قىزمەت» ساناتىندا - 3,21, «ساياسي قاتىسۋ» - 5, «ساياسي مادەنيەت» - 3,75, «ازاماتتىق بوستاندىق» كاتەگورياسىندا - 3,24 بالل كورسەتكەن.

2006 جىلى قازاقستان دەموكراتيا رەيتينگىندە 3,62 بالل جيناعان. ال 2008 جىلى - 3,45, 2010 جىلى - 3,30, 2018 جانە 2019 جىلدارى - 2,94 ۇپاي جيناپ، ەڭ ناشار ناتيجە كورسەتكەن.

ايتا كەتەيىك، بۇرىنعى كسرو ەلدەرىنىڭ ىشىندە لاتۆيا - 38-ءشى ورىندا، ليتۆا - 42, ۋكراينا - 79, مولدوۆا - 80, ارمەنيا - 89, گرۋزيا - 91, قىرعىزستان - 107, رەسەي - 124, ءازىربايجان - 146, بەلارۋس - 148, وزبەكستان - 155, تاجىكستان - 159, تۇرىكمەنستان - 162 ورىندا تۇر.

بۇل رەيتينگتە ۋكراينا، مولدوۆا، ارمەنيا، گرۋزيا مەن قىرعىزستان گيبريدتى رەجيمدەگى ەلدەرگە، ال رەسەي، قازاقستان، ءازىربايجان، بەلارۋس، وزبەكستان، تاجىكستان مەن تۇرىكمەنستان اۆتوريتارلىق رەجيمدەگى ەلدەر تىزىمىنە قوسىلعان.

نۇربيكە بەكسۇلتانقىزى

Abai.kz