جۇما, 29 ناۋرىز 2024
دەي سالدىم-اۋ 7202 15 پىكىر 26 تامىز, 2021 ساعات 13:01

بوجكو: قازاقستاندا ورىس ءتىلى كونستيتۋتسيالىق ستاتۋسقا يە

كۇنى كەشە عانا Abai.kz اقپاراتتىق پورتالىندا «رەسەيدىڭ «جاۋى» تالىبتەر ەمەس، قازاق ۇلتشىلدارى بوپ تۇر» اتتى ماقالا شىققان ەدى. وندا «رەسەي وفيتسەرلەرى» قوعامدىق ۇيىمىنىڭ باسشىلارى قازاقستان پرەزيدەنتىنە ۇندەۋ جولداپ، قازاقستانداعى ورىس تىلدىلەرگە «شابۋىل جاساۋشىلاردى» جاۋاپكەرشىلىككە تارتۋدى سۇراعانى جازىلعان.

ال، بۇگىن قازاقستانداعى ورىس، سلاۆيان جانە كازاكتارى اسسوتسياسى ۇيىمىنىڭ توراعاسى ۆلاديمير بوجكو ليپوۆتىڭ «قازاقستاندا ورىستىلدىلەر قىسىمعا ۇشىراپ جاتىر»،  دەگەن مالەمدەمەسىنە قاتىستى ۇندەۋ جاريالاپ، «قازاقستاندا تىلدىك ديسكريميناتسيا جوق»، - دەپ مالىمدەپتى. ءبىز بۇرىنعى مينيستر ءھام بۇرىنعى دەپۋتات ۆلاديمير بوجكونىڭ مالىمدەمەسىن Abai.kz وقىرماندارىنىڭ تالقىسىنا ۇسىنعاندى ءجون كوردىك.

قازاقستاندا ورىس ءتىلى كونستيتۋتسيالىق ستاتۋسقا يە

ۆلاديمير بوجكو:

- قازاقستاننىڭ بيلىك ورگاندارىنا «رەسەيدىڭ وفيتسەرلەر وداعى» قوعامدىق بىرلەستىگى ۇيىمىنىڭ توراعاسى س.ا. ليپوۆوي اتى-ءجونى بەلگىسىز كۋاگەرلەردىڭ سوزىنە سۇيەنىپ، «ۇلتتىق جانە ءدىني بەلگىسىنە بايلانىستى ءورىستىلدى قازاقستان ازاماتتارىن قوقان-لوقى كورسەتىپ، كۇش كورسەتۋىنە بايلانىستى» ارىزدانىپ، ءۇن قاتقانىن ەستىدىك.

وسى رەتتە قازاقستانداعى ورىس، سلاۆيان جانە كازاكتارى اسسوتسياسى ۇيىمىنىڭ جەتەكشىسى رەتىندە قازاقستاندا ۇلتتىق جانە ءدىني بەلگىسىنە بايلانىستى ءورىستىلدى ازاماتتاردى الالاۋ، كۇش كورسەتۋ جانە ۇرىپ-سوعۋ فاكتىسى مۇلدە جوق ەكەنىن ايتقىم كەلەدى!

«رەسەيدىڭ وفيتسەرلەر وداعى» قوعامدىق بىرلەستىگى ۇيىمىنىڭ اۋىزشا ايتقان مالىمدەمەسى شىندىققا مۇلدە سايكەسپەيدى. مۇنداي دالەلسىز اڭگىمەلەر قازاقستان مەن رەسەي اراسىنداعى دوستىق پەن ستاراتەگيالىق ارىپتەستىككە كەسىرىن تيگىزەتىنى انىق.

وسى رەتتە وتانداستارىمنىڭ اتىنان ءبىزدىڭ ەلىمىزدە تىلدىك جاعدايعا بايلانىستى كەمسىتۋشىلىك جوق. كەيبىر ادامداردىڭ تىلدىك ماسەلەگە بايلانىستى ايتىپ جۇرگەن ارانداتۋشىلىق باعىتتاعى وي-پىكىرلەرى قازاقستانداعى ءورىستىلدى ازاماتتارىدىڭ ويىمەن مۇلدە سايكەس كەلمەيدى.

بۇگىندە قازاق ءتىلىن بىلۋگە قاتىستى ايتىلىپ جۇرگەن اڭگىمەلەردىڭ زاڭ شەڭبەرىندەگى مەملەكەتتىك باقالاۋ ىسىنە ەشقانداي قاتىسى جوق. مۇنداي اڭگىمەلەرگە ءتيىستى ورگاندار مەن ەلىمىزدىڭ باسشىلارى زاڭدىق تۇرعىدان ءوز باعاسىن بەرىپ جۇرگەنى بەلگىلى. 

قازىرگى تاڭدا قازاقستاندا ورىس ءتىلى كونستيتۋتسيالىق ستاتۋسى يە، ۇلتارالىق قاتىناس ءتىلى رەتىندە مەملەكەتتىك قۇرىلىمداردا، جەرگىلىكتى بيلىك ورىندارىندا، تەلەارنالاردا، كۇندەلىكتى ومىردە كەڭىنەن قولدانىلادى.

ءبىزدىڭ ەلىمىزدە رەسپۋبيلكالىق جانە جەرگىلىكتى ايماقتاردا گازەت-جۋرنالدار شىعادى. بۇدان باسقا رەسەيدىڭ مەملەكەتتىك كانالدارى ءوز حابارلارىنا ەركىن تاراتۋدا.

قازاقستان رەسپۋبليكاسىنداعى بارلىق مەكتەپتەردە بالالارعا قازاق، ورىس جانە اعىلشىن تىلدەرى وقىتىلادى. بۇدان باسقا ورىس تىلىندە ساباق بەرەتىن كوپتەگەن مەكتەپتەر جۇمىس ىستەيدى. وسىلايشا قازاق قوعامىندا كوپتىلدى باعىت بىرتىندەپ دامىپ كەلەدى.

سلاۆيان جاستارى مەن وزگە دە ۇلتتاردى جاستار قازاق ءتىلىن مەڭگەرىپ، جەرگىلىكتى ۇلتقا ءوز قۇرمەتتەرىن كورسەتىپ كەلەدى. مىنە، بۇل قازىرگى قازاقستانداعى شىنايى جاعداي. قازاقستانداعى بارلىق ۇلتتاردىڭ قۇقىعى زاڭمەن قورعالعان. مەملەكەتتىڭ قامقورلىعىن سەزىنىپ، الاڭسىز ءومىر ءسۇرىپ، دامۋىنا بارلىق جاعداي جاسالعان.

كەز كەلگەن ازاماتتىڭ جەكە ومىرگە قول سۇعۋشىلىق، ەل ازاماتتارىنىڭ ورىس ءتىلىن پايدالانعا، ءدىني سەنىمىن ساقتاۋعا، ءداستۇرى مەن ۇلتتىق سالت-ءداستۇرىن ساقتاۋعا قاتىستى قاندايدا ءبىر قۇقى بۇزىلسا، كونستيتۋتتسيا مەن زاڭدارعا سايكەس زاڭدى تۇردە شارالار قاراستىرىلادى.

مەن ءسىزدى بار ءومىرىن حالىق پەن مەملەكەتتىڭ دامۋىنا ارناعان ادام رەتىندە قازاقستاننىڭ اتىنا جاريا تۇردە ايتىلعان دالەلسىز مالىمدەمەڭىزدىڭ جاۋاپكەرشىلىگى قانشالىقتى اۋىر تۇسىنەدى دەپ ەسەپتەيمىن.

قازاقستان ۇلاتارلىق كەلىسىمدى ءسىزدى «ارالاستىرماي-اق» ءوز بەتىنشە شەشىپ كەلەدى.  

مۇنداي وي-پىكىرىڭىزدى قازاقستان مەن رەسەيدىڭ اراسىنداعى بەرىك دوستىق قارىم-قاتىناستى كورە المايتىندار ءوز ماقساتىنا پايدالاناتىنىن ۇمىتپاڭىز.

Abai.kz
15 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3601