قىرعىزستاننىڭ بۇرىنعى پرەزيدەنتى المازبەك اتامباەۆ قازىرگى مەملەكەت باسشىسى سادىر جاپاروۆتى سىنعا الدى.

قازىرگى ۋاقىتتا قاماۋدا وتىرعان المازبەك اتامباەۆ قىرعىزستان تاۋەلسىزدىگىنىڭ 30 جىلدىعىنا ارناپ حات جازدى. حاتتىڭ باسىم بولىگى - سادىر جاپاروۆقا ۇندەۋ.

ەكس-پرەزيدەنت ءوز حاتىنىڭ كىرىسپە بولىگىندە ەلدىڭ 30 جىل بويى باسىنان كەشىرگەن قيىندىقتارى تۋرالى ايتقان. ول وسى جىلدار ىشىندە كوپتەگەن باسقا باسشىلار مەن ءوز تاراپىنان قاتەلىكتەر جىبەرىلگەنىن مويىندايدى.

"مەن ءوز ۋاقىتىندا كوپتەگەن قاتەلىكتەر جىبەردىم، ولار ءۇشىن شىن وكىنەمىن. بىراق بارلىق حالىق سايلاعان پرەزيدەنتتەردىڭ ىشىندە مەن عانا بيلىكتى بەيبىت تاپسىرىپ، تىنىش كەتتىم. ادامدار مەنىڭ ارتىمنان تاس لاقتىرىپ، ايعايلاپ، اق ءۇيدى باسىپ المادى. ولاردىڭ كوبى مەنىڭ كەتكەنىمە وكىندى.

مەنىڭ ويىمشا بيلىك ەلگە ون اي عانا باسشىلىق ەتكەنىنە قاراماستان، كوپتەگەن ادامدار جاقسى جاققا وزگەرۋدەن ءۇمىتىن توقتاتقانىن، ءتىپتى ەلدىڭ بولاشاعى بار ەكەنىنە سەنبەيتىنىن ويلانۋ كەرەك دەپ ويلايمىن" دەيدى ول حاتىنىڭ ءبىر بولىگىندە.

Abai,kz