قر پارلامەنتى ءماجىلىسىنىڭ دەپۋتاتتارى "قازاقستان رەسپۋبليكاسى تاۋەلسىزدىگىنىڭ 30 جىلدىعىنا بايلانىستى راقىمشىلىق جاساۋ تۋرالى" زاڭ جوباسىن قاراۋدى باستادى. 

قاراستىرىلىپ وتىرعان قۇجاتتا "الەۋمەتتىك وسال سانات" ۇعىمى العاش رەت ەنگىزىلدى. زاڭ جوباسى زيان كەلتىرۋگە اكەپ سوقپاعان نەمەسە ازاماتتار مەن مەملەكەتتىڭ قاۋىپسىزدىگىنە قاتەر توندىرمەيتىن قىلمىستىق قۇقىق بۇزۋشىلىقتى جانە اۋىرلىعى ورتاشا قىلمىستى جاساعان سوتتالعانداردى جازادان بوساتۋدى ۇسىنادى. سونداي-اق، زاڭ جوباسىندا كوزدەلگەن ادامدار ءۇشىن نەگىزگى جازانىڭ مەرزىمى مەن مولشەرى قىسقارتىلادى.

قازاقستان رەسپۋبليكاسى تاۋەلسىزدىگىنىڭ 30 جىلدىعىنا ارنالعان امنيستيا كامەلەتكە تولماعاندارعا جىنىستىق زورلىق كورسەتكەندەرگە، جەمقورلارعا، كىسى ولتىرۋشىلەر مەن ەكسترەميستەرگە، قىلمىستىق توپتاردىڭ بۇرىنعى مۇشەلەرىنە قولدانىلمايدى.

قازاقستاندا 30 جىلدان استام ۋاقىت ىشىندە 8 مارتە راقىمشىلىق جاريالاندى، ونىڭ سوڭعى 4-ءى قازاقستان رەسپۋبليكاسىنىڭ تاۋەلسىزدىك العان كۇندەرىنە سايكەس كەلگەن.

Abai.kz