قازاقستاندا سوڭعى ەكى اپتادا كوروناۆيرۋس ينفەكتسياسىنىڭ تارالۋى 35%-عا تومەندەدى. بۇل تۋرالى  دەنساۋلىق ساقتاۋ ءمينيسترى الەكسەي تسوي ۇكىمەت وتىرىسىندا مالىمدەدى. 

"سوڭعى اپتادا قازاقستاندا اۋرۋشاڭدىق دەڭگەيى 14%-عا تومەندەدى، بۇل اپتاسىنا 31-دەن 25 مىڭ جاعدايعا دەيىن ءتۇستى دەگەن ءسوز. ددۇ مالىمەتى بويىنشا، قازاقستاندا سوڭعى ءتورت اپتادا رەپرودۋكتيۆتى سان بىرەۋدەن تومەن بولدى، بۇل پاندەميانىڭ باقىلاۋدا ەكەنىن جانە اۋرۋدىڭ تۇراقتى تومەندەۋىن كورسەتەدى", - دەپ مالىمدەدى دەنساۋلىق ساقتاۋ مينيسترلىگىنىڭ باسشىسى.

ءمينيستردىڭ ايتۋىنشا اۋرۋدىڭ وڭ ديناميكاسى ەپيدەميولوگيالىق جاعدايدى باعالاۋ ماتريتساسىندا كورىنىس تاپتى. سوڭعى ەكى اپتادا رەسپۋبليكانىڭ بەس وبلىسى «قىزىلدان» «سارى» ايماققا كوشتى، بۇل: شىعىس قازاقستان، جامبىل، قىزىلوردا، باتىس قازاقستان جانە سولتۇستىك قازاقستان وبلىستارى. «جاسىل» ايماقتا تەك تۇركىستان وبلىسى بار. قالعان 11 ايماق «قىزىل» ايماقتا تۇر.

Abai.kz