جۇما, 29 ناۋرىز 2024
اپات 5620 6 پىكىر 14 قىركۇيەك, 2021 ساعات 16:39

ماڭعىستاۋدا ءتىرى مال قالسىن دەسەڭدەر...

قازاقستان رەسپۋبليكاسىنىڭ پرەمەر-ءمينيسترى اسقار-ءماميننىڭ،
قر اۋىل شارۋاشىلىعى مينيسترلىگى ەربول قاراشۇكەەۆتىڭ،
ماڭعىستاۋ وبلىسىنىڭ اكىمى نۇرلان نوعاەۆتىڭ،
قازاقستانداعى بارلىق مۇناي كومپانيالارى، ولاردىڭ قوجايىندارىنىڭ
نازارىنا!

ۇسىنىس

ەگەر دە جاقىن كۇندەرى ماڭعىستاۋدا جاۋىن جاۋىپ اللانىڭ امىرىمەن جەر كوكتەپ، مال قوڭ جيناماسا، كوكتەمگە دەيىن ماڭعىستاۋدا تىگەرگە تۇياق قالمايدى.

«قىس كەلەدى قىرىننان، قامىڭدى جاسا بۇرىننان» دەگەن، قازىر قارەكەت جاساماساق ەرتەڭ كەش قالامىز.

«قاراشا مەن قاۋىس كارى قۇرتاڭدى تاۋىس» دەگەن ماقال بار. قازان مەن قاراشا ايىنا دەيىن بارلىق ارىق، كوتەرەم مالداردى ازايتۋ كەرەك.

ول ءۇشىن:

1. مەملەكەتتەن بولىنگەن قارجىعا ءار اۋدان ورتالىعىنان مال بورداقىلاپ، سەمىرتەتىن ورىندار اشۋ قاجەت.

حالىقتىڭ قولىنداعى ارىق مالداردى ساتىپ الىپ، سەمىرتىپ ەتىن وندىرىستىك مەكەمەلەرگە تاپسىرۋ كەرەك. سوندا مال يەلەرى قولىنداعى ارىق مالدارىن ساتىپ، سول اقشاعا جەم-ءشوپ الىپ، قالعان مالىن امان ساقتاپ قالۋعا مۇمكىندىك بولادى. ەگەر دە بۇل شارا جاسالماسا، حالىقتىڭ جۇزدەگەن مىڭ مالى بوستان-بوسقا قىرىلىپ قالادى.

قازىردىڭ وزىندە حالىقتىڭ قولىندا ارزان جەم-ءشوپ ساتىپ الاتىن اقشا قالعان جوق. ساتايىن دەسەڭ مال ارىق، وتپەيدى، ساتپايىن دەسەڭ قولىڭداعى اقشا ەشتەڭەگە جەتپەيدى.

2. حالىقتىڭ قولىنداعى قالعان مالىن ارنايى ساقتاندىرۋ قورلارى ارقىلى ساقتاندىرۋ قاجەت. ساقتاندىرۋدىڭ جارتى اقشاسىن مەملەكەت تولەگەنى ءجون.

3. ۇلتتىق قوردان اقشا اۋدارىلاتىن بولسا دا ماڭعىستاۋعا جەم-ءشوپ تاسۋ ءۇشىن ۆاگون جالداۋعا كوكتەمگە دەيىن ۇكىمەت جەڭىلدىك جاساعان ءجون.

4. قازاقستانداعى بارلىق مۇناي كومپانيالارى، ولاردىڭ قوجايىندارى!

مالى اشتان قىرىلىپ جاتقان حالىققا قارجىلاي كومەك بەرىڭدەر! سىزدەر مۇنايدىڭ باعاسى 25 دوللار كەزىندە مەكەمەنى تاراتپاي ۇستادىڭىزدار. ال قازىر مۇنايدىڭ 1 باررەلى 75 دوللار بولدى. تابىستارىڭىز 3 ەسە ءوستى.  سىزدەر جەر استىنداعى سۋلاردى سورىپ ازايتىپ، جەر بەتىندەگى شوپتەردى كولىكتەرىڭىزبەن تاپتاپ جاتىرسىڭدار.  ەندى سونىڭ ورنىن تولتىراتىن كەزدەرىڭ كەلدى.

5. ۇكىمەت ماڭعىستاۋداعى مالدىڭ جۇتىن مويىنداپ، ارنايى توتەنشە جاعداي جاريالاۋ كەرەك.

«زاڭ بويىنشا بولمايدى» دەپ جەر شۇقىپ وتىرماڭدار! زاڭعا وزگەرىس ەنگىزۋ ءوز قولدارىڭدا. ەرتەڭ مال جاپپاي قىرىلعاندا توتەنشە جاعدايدى امالسىز جاريالايسىڭدار، بىراق ول كەزدە تىم كەش بولادى...

جءانىبەك قوجىق

Abai.kz

6 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2257
عيبىرات

قايسار رۋحتى عازيز جان

مۇحتار قۇل-مۇحاممەد 3536