ازامات، قازاق جانە ساياساتكەر رەتىندە بۇگىن، 11 قازاندا الماتىداعى المالى اۋداندىق سوتىنىڭ "تىيىم سالىنعان ۇيىمدى قۇردى" جانە "ونىڭ ىسىنە ارالاستى" دەپ ايىپتالعان ءبىر ەمەس، 13 ازاماتقا شىعارىلعان ۇكىمىنە قاتىستى نارازىلىعىمدى بىلدىرەمىن!

ءتورت ازامات 5 جىلعا باس بوستاندىعىنان ايىرىلدى، قالعان توعىز بەلسەندىنىڭ ەركىندىگى 1 جىلدان 2 جىلعا دەيىن شەكتەلدى.
بيلىكتىڭ ابىليازوۆقا دەگەن كوزقاراسىن بىلەمىز. جەك كورسە، سونىمەن كۇرەسسىن. بىراق ەل ىشىندە ءجۇرىپ، بيلىككە قاتىستى سىني پىكىر ۇستانعان ادامداردىڭ نە جازىعى بار؟

ەگەر دە ولار شىن مانىندە كونستيتۋتسيالىق تالاپتاردى بۇزىپ، ەل تاۋەلسىزدىگىنە، جەر تۇتاستىعىنا نۇقسان كەلتىرەتىن قيمىل-ارەكەتكە بارسا، ونى سوت اشىق تۇردە دالەلدەسىن! ونداي دالەلدى كورىپ وتىرعان جوقپىن.
ال XXI عاسىردا وپپوزيتسيالىق وي-پىكىر بىلدىرگەنى ءۇشىن تۇرمەگە جابۋ نە ەركىندىگىن شەكتەۋ - كەشەگى قىلىشىنان قان تامعان سوۆەت ءداۋىرىنىڭ ءاتاۆيزمى، اۆتوريتاريزم دا ەمەس، ناعىز ءتوتاليتاريزمنىڭ "جارقىن" كورىنىسى! مۇنداي، ادام قۇقى مەن دەموكراتيا پرينتسيپتەرىن اياق استى ەتكەن سولاقاي سوت ۇكىمدەرىمەن قازاقستان وركەنيەتتى ەلدەر ورتاسىنان شەتتەتىلۋى دە ابدەن مۇمكىن!

قازىر بيلىككە نارازى، ونىڭ ساياساتىنا قارسى ادام 13 ەمەس، ميلليونداپ سانالادى. ونىڭ ءبارى بەلگىلى سەبەپتەرمەن ءوز پىكىرىن اشىق ايتا الماي، ىشتەن تىنىپ ءجۇر. ولاردىڭ ءبارىن تۇرمەگە جابا المايسىڭدار!

ءامىرجان قوسانوۆ

Abai.kz