جەكسەنبى, 5 جەلتوقسان 2021
بيلىك 532 2 پىكىر 20 قازان, 2021 ساعات 12:10

ەسىرتكىمەن كۇرەس قارقىندى جالعاسۋدا

سوڭعى جىلدارى “قارا نارىقتاعى” جاعداي وزگەرگەن. بۇرىنعى ەسىرتكىنىڭ ورنىن بۇگىندە سينتەتيكالىق زاتتار ىعىستىرىپتى. قوعامدى الاڭداتارلىق بۇل ماسەلە اسىرەسە، جاسوسپىرىمدەر مەن جاستار ءۇشىن قاۋىپتى بولىپ وتىر.

ەلىمىزدىڭ ىشكى ىستەر مينيسترلىگىنىڭ دەرەگىنشە، قازاقستاندا جىل باسىنان بەرى 12 توننادان استام ەسىرتكى تاركىلەنىپ، 11 زەرتحانا جابىلعان. ينتەرنەتتە قىز-قىز قايناعان ەسىرتكى ساۋداسىنا پوليتسەيلەر توسقاۋىل قويعان. ناتيجەسىندە بيىل 810 پورتال بۇعاتتالىپتى. سايتتار ارقىلى ەسىرتكى نە سينتەتيكالىق زاتتار بولسىن ساۋدالاۋ وڭاي بولعاندىقتان، ءتارتىپ ساقشىلارى اتا-انالاردى اباي بولۋعا شاقىرادى.

نۇر-سۇلتان قالاسىندا ەسىرتكىمەن كۇرەس قارقىندى. پوليتسيا دەپارتامەنتى قىلمىستىڭ الدىن-الۋ بويىنشا جاستار، جاسوسپىرىمدەرمەن ۇزدىكسىز جۇمىس ىستەپ، ءتۇسىردىرۋ جۇمىستارىن جۇرگىزىپ كەلەدى.

حالىقارالىق ەسىرتكىمەن كۇرەس كۇنى اياسىندا پوليتسەيلەر بىرقاتار ءىس-شارانى ۇيىمداستىرىپ ءجۇر. بۇل ىستەن قوعامدىق ۇيىمدار دا قالىس قالمايدى. جىل سايىن “ناشاقورلىقپەن كۇرەس” ۇيىمى، ۆولونتەرلار، تاعى دا باسقا بىرلەستىكتەر “ەسىرتكىسىز بولاشاق” تاقىرىبىندا قوعامعا وي سالارلىق ىستەردى اتقارادى. پروفيلاكتيكالىق جۇمىستاردىڭ ماقساتى - جاستاردى ەسىرتكىگە اۋەستەنبەي، الشاق بولۋعا ۇندەۋ، جارقىن بولاشاعىنىڭ قالىپتاسۋىنا قادام جاساۋ.

ەسىرتكىمەن كۇرەس - ءبىر عانا وتباسىنىڭ ەمەس، بۇكىل قوعامنىڭ قايعىسى. ناشاقورلىققا بىرگە جوق دەيىك!

Abai.kz

2 پىكىر