3 جەلتوقساندا جاريالانعان جارتتى ساعاتتىق ۆيدەو-زەرتتەۋ اۆتورلارىنىڭ ايتۋىنشا، كۋرمانبەك باكيەۆتىڭ ۇلى ماكسيم باكيەۆتىڭ ايەلى ايجان كەنەنباەۆا لۋكاشەنكوعا پارا بەرگەندەر تىزىمىندە ەكىنشى ورىندا تۇر.
زەرتتەۋدە ايتىلعانداي، بىشكەكتىڭ ەكستراديتسيا تۋرالى تالابىنان رەسمي تۇردە باس تارتۋ ءۇشىن لۋكاشەنكوعا قىمبات كولىك جانە موتوتسيكل ايجان كەنەنباەۆا ارقىلى بەرىلگەن.
كولىك جانە ۇشاقتاردى جيناۋدى جاقسى كورەتىن لۋكاشەنكوعا كەنەنباەۆا ارقىلى 1,4 ملن ەۋرولىق Mercedes-Maybach S600 Pullman Guard كولىگى جانە 26,5 مىڭ دوللارلىق Harley-Davidson موتوتسيكلى تارتۋ ەتىلگەن. بۇدان بولەك دە باعالى سىيلىقتار بەرىلگەن بولۋى مۇمكىندىگى ايتىلعان.
BYPOL 2020 جىلدىڭ قازان ايىندا قۇرىلعان. ونىڭ قۇرامىنا بەلارۋستا زاڭدىلىقتى جانە ءتارتىپتى قالپىنا كەلتىرۋگە ۇمتىلعان كۇش قىزمەتكەرلەرى كىرگەن. بيىل قاراشا ايىندا بەلارۋس بيلىگى بۇل ۇيىمدى "ەكسترەميستىك ۇيىم" دەپ جاريالاپ، مۇشەلەرىنە قارسى تەرگەۋ باستاعان.
2010 جىلدىڭ 7 ساۋىرىندە قىرعىزستاندا 87 ادامنىڭ ءومىرى قيىلعان حالىق تولقۋىنان كەيىن قۇرمانبەك باكيەۆ بيلىگى قۇلاتىلدى. ول جاقىندارىمەن شەتەلگە قاشىپ، ءوزى وتباسىمەن بەلارۋستا تۇرىپ جاتىر. باس پروكۋراتۋرا مالىمەتى بويىنشا، باكيەۆكە قارسى ونشاقتى فاكت بويىنشا قىلمىستىق ءىس قوزعالىپ، سىرتىنان 30 جىلعا باس بوستاندىعىنان ايىرىلعان.
Abai.kz
