قۇرمەتتى قانات الدابەرگەنۇلى!

جاڭا قىزمەتىڭىز قۇتتى بولسىن! ەل ءۇشىن ەڭبەك ەتە بەرۋىڭىزگە تىلەكتەسپىز. سىزگە ۇلكەن ءۇمىت ارتا وتىرىپ، نيەتتەس، تىلەكتەس پانفيلوۆ اۋدانىنىڭ ءبىر توپ ازاماتتارى تومەندەگى قوردالانعان ماسەلەلەردى وزىڭىزگە جەتكىزۋدى ءجون دەپ تاپتىق.

1. پانفيلوۆ اۋدانىنىڭ اتىن اۋىستىرۋ تۋرالى ماسەلە كوتەرىلگەنىنە، مىنە، تابانى كۇرەكتەي 20 جىل بولدى. الايدا ءتۇرلى سىلتاۋلارمەن كەيىنگە ىسىرىلىپ كەلەدى. قازاقستان مەن قىتايدىڭ قورعاستاعى شەكاراسىنان بەرى وتكەندە الدىدان پانفيلوۆ اۋدانى شىعادى. كەلگەن-كەتكەن جولاۋشى بۇعان ءبىر تاڭ قالسا، پانفيلوۆتان كەيىن ۇيعىر اۋدانىنا تاپ كەلىپ، ەكى تاڭعالۋى مۇمكىن. مەملەكەتتىڭ اتى قازاقستان بولعاننان كەيىن شەكارا تۇبىندەگى ەلدىمەكەندەردىڭ ات-اتاۋىدا قازاقى بولۋى كەرەك. قازاقستاندا گەنەرال پانفيلوۆ اتىنداعى ەلدى-مەكەندەر جەتىپ ارتىلادى. تاۋەلسىزدىك العانىمىزعا 30 جىل تولدى. پانفيلوۆتى بىلمەيتىن جاستار جەتەرلىك. سوندىقتان ءوزىمىزدىڭ مەنتاليتەتىمىزگە جاقىن اتاۋلاردى قويعانىمىز دۇرىس.

2. پانفيلوۆ اۋدانىنا سوڭعى التى-جەتى جىلدا بەس اكىم كەلىپ، بەس اكىم كەتتى. اۋدانىمىزدىڭ 70%-ى قازاقتار، قالعانىن وزگە ۇلت وكىلدەرى قۇرايدى. ءوزىمىزدىڭ ەلدىڭ، جەردىڭ جاعدايىن بىلەتىن ازاماتتار نەگە اكىمدىككە تاعايىندالمايدى؟ اۋدانىمىزدا بىلىكتى، ءبىلىمدى جاستار جەتەرلىك. سوندىقتان ءوز جەرىمىزدىڭ، ەلىمىزدىڭ جاعدايىن بىلەتىن جاستاردان اكىمدىككە سايلاساق، ۇتپاساق ۇتىلمايمىز. سىرتتان كەلگەن اكىمدەر ەل جاعدايىن بىلمەگەندىكتەن اۋداندا ۇلتارالىق قاقتىعىستار، باتىرلارعا قويىلعان ەسكەرتكىشتەردى قورعاۋ، اقىن-جازۋشىلاردىڭ مەرەيتويلارىن تويلاۋ جۇمىستارى ءوز دارەجەسىندە جۇرگىزىلمەۋدە. اۋداندا يدەولوگيا جۇمىسى تۇرالاپ، قۇلاعالى تۇر.

3. اۋداندا جەر-سۋ اتتارىن وزگەرتۋ جۇمىستارى وتە باياۋ اتقارىلۋدا. اتاپ ايتقاندا، لەسنوۆكا، تۇرپان، سادىر، شەجىن، نادەك، ءسۇپتاي، پەنجىم، اۆات، روزىباكيەۆ اتىنداعى ورتا مەكتەپ، اۆات ورتا مەكتەبى، پەنجىم ورتا مەكتەبى، كرۋپسكايا اتىنداعى ورتا مەكتەپ، اقجازىق اۋىلىنداعى جامبىل اتىنداعى ورتا مەكتەپ (اۋداندا جامبىل اتىندا 2 مەكتەپ بار) ءالى كۇنگە دەيىن وزگەرتىلمەي كەلەدى.

لەسنوۆكا، پەنجىم، اۆات، تۇرپان، اۋىلدىڭ اتاۋلارىن وزگەرتۋگە اۋىل تۇرعىندارى كەلىسىم بەرىپ وتىر.  وسى مەكەن-جايلاردىڭ اتىن اۋىستىرۋعا ىقپال ەتۋىڭىزدى سۇرايمىز.

قۇرمەتپەن:

س.ءداۋىت - فيلولوگيا عىلىمدارىنىڭ دوكتورى، پروفەسسور، اقىن، پانفيلوۆ اۋدانىنىڭ قۇرمەتتى ازاماتى;

گ. قاستەەۆا - زاڭگەر، اتاقتى سۋرەتشى ءا. قاستەەۆتىڭ قىزى;

ە. سارسەبەكوۆ - مەديتسينا عىلىمدارىنىڭ دوكتورى، ەكى دۇركىن مەملەكەتتىك سىيلىقتىڭ لاۋرەاتى، پانفيلوۆ اۋدانىنىڭ قۇرمەتتى ازاماتى;

ج.قورعاسبەك - جازۋشى، تاۋەلسىز تارلان - ءۇمىت سىيلىعىنىڭ يەگەرى، «الاش» ادەبي سىيلىعىنىڭ لاۋرەاتى، پانفيلوۆ اۋدانىنىڭ قۇرمەتتى ازاماتى;

ن.بايساقالوۆا - قازاقستاننىڭ قۇرمەتتى ءجۋرناليسى، پانفيلوۆ اۋدانىنىڭ قۇرمەتتى ازاماتى;

ا. قارمىسوۆ - قازاقستان رەسپۋبليكاسىنىڭ مادەنيەت قايراتكەرى، قر كاسىپوداققا ەڭبەگى سىڭگەن قايراتكەر، امىرە قاشاۋباەۆ اتىنداعى رەسپۋبليكالىق بايقاۋدىڭ لاۋرەاتى;

ي. ۇركىمبايۇلى - اقىن، قازاقستان جازۋشىلار، جۋرناليستەر وداعىنىڭ مۇشەسى، پانفيلوۆ اۋدانىنىڭ قۇرمەتتى ازاماتى;

ءا.كارىبجانوۆ - پانفيلوۆ اۋدانىنىڭ قۇرمەتتى ازاماتى;

ب.قوجاحمەت - پانفيلوۆ اۋدانىنىڭ قۇرمەتتى ازاماتى;

د.نايمانتاەۆ - پانفيلوۆ اۋدانىنىڭ قۇرمەتتى ازاماتى;

ا.بۇلعاقوۆ - ايتىسكەر اقىن، پانفيلوۆ اۋدانىنىڭ قۇرمەتتى ازاماتى;

ب. كوبەنباەۆ - ەڭبەك ارداگەرى، پانفيلوۆ اۋدانىنىڭ قۇرمەتتى ازاماتى;

ءا. ىبىرايىموۆ - ەڭبەك ارداگەرى، پانفيلوۆ اۋدانىنىڭ قۇرمەتتى ازاماتى;

م. جارلىعاپوۆ - ەڭبەك جانە تىل ارداگەرى، پانفيلوۆ اۋدانىنىڭ قۇرمەتتى ازاماتى;

ك. سەراليەۆ - ەڭبەك ارداگەرى، پانفيلوۆ اۋدانىنىڭ قۇرمەتتى ازاماتى;

ا.كودەكوۆ - كاسىپكەر;

د.ءالىمجانوۆ -  جاركەنت قالالىق مۇگەدەكتەر قوعامىنىڭ توراعاسى;

ا.ءالىمجان - جەلتوقسانشى;

ر. قاراەۆا - اقىن، قازاقستان جۋرناليستار وداعىنىڭ مۇشەسى،  «الماتى اقشامى» گازەتىنىڭ جاۋاپتى حاتشىسى;

ا.يسابەكوۆا - جاركەنت پەداگوگيكالىق كوللەدجىنىڭ وقىتۋشىسى;

ر.ىستاي - قازاقستان جۋرناليستەر وداعىنىڭ مۇشەسى;

ت.توقاباەۆ - پانفيلوۆ اۋداندىق ىشكى ىستەر ورگانىنىڭ، پانفيلوۆ اۋدانىنىڭ قۇرمەتتى ازاماتى;

ە. ءجۇمادىلوۆ - ەڭبەك ارداگەرى;

س. ءجۇمادىلوۆ - پانفيلوۆ اۋدانىنىڭ قۇرمەتتى ازاماتى;

ج.تاشتاحمەتوۆا - قازاقستان جۋرناليستەر وداعىنىڭ مۇشەسى;

ن.ابدىعانيۇلى، Abai.kz پورتالىنىڭ باس رەداكتورى، قر اقپارات سالاسىنىڭ ۇزدىگى، حالىقارالىق تۇركسوي سىيلىعىنىڭ يەگەرى;

بۇدان باسقا  20 ادام قول قويدى.

Abai.kz