جۇما, 12 تامىز 2022
46 - ءسوز 6173 7 پىكىر 27 جەلتوقسان, 2021 ساعات 16:21

ۆاشينگتون جانجالدىڭ سوعىسسىز بىتپەيتىنىن تۇسىنۋدە

رەسەي 250 مىڭعا جۋىق اسكەرىن، اسكەري تەحنيكاسىن، ءتىپتى ارتيللەرياسىن ۋكراين شەكاراسىنا تاقاپ قويىپتى.
بۇنىڭ ارتى اقىرى ۇلكەن سوعىسسىز بىتپەيتىن بولدى.
ۋكراينا دا بۇعان ءوز بەتىمەن دايىندالىپ جاتىر.

بۇگىن اقش تا "ۆاشينگتوننىڭ ورىس باسقىنشىلىعىنا قارسى شىققان ۋكراين حالقىنا دا قارۋ تاراتىپ ولارعا جاردەم بەرەتىندىگى" تۋرالى سىبىس شىقتى.
كرەملدىڭ "ناتو شەگىنسىن" دەگەن تالابى "ماعان ايدى اپەر، سوسىن كۇندى اپەر" دەيتىن ءتالپىش قىزداردىڭ اڭگىمەسى سياقتى دۇنيە بولسا كەرەك، ونى ەشكىم قىستىرعان دا جوق.

ماسكەۋدى سوعىسقا ماجبۇرلەپ وتىرعان ماڭىزدى ەكى نارسە بار.
ونىڭ بىرەۋى - قىرىمدا بۇگىن سۋ جوق. 2014 جىلى ۋكراين پرەمەر - ءمينيسترى ياتسەنيۋك ۋكراينادان سۋ اكەلەتىن قىرىم كانالىن بوگەپ تاستاعان بولاتىن. قىرىم قازىر سۋسىز قۋارىپ قاڭسىپ وتىر.

ەگەر كانالدان سۋ كەلمەسە ەندى ءبىر ون جىلدان سوڭ ول جەردە ەكولوگيالىق اپات بولىپ، تۇبەكتە قىرىمدى يەمدەنىپ "كرىمناش" دەپ تەك تۇيەلەر مەن كەسىرتكەلەر عانا قۇتىراتىن كۇن تۋادى. قىرىم - ساحارا بولادى.
بۇل ءبىر جاعىنان ءپۋتيننىڭ "قىرىم داڭقىن" ارزانداتىپ جوققا شىعارادى.
سۋ - تىرشىلىك كوزى. ال سۋسىز قىرىم — قىرىم ەمەس. رەسەي قىرىمداعى سۋ ماسەلەسىن ۋكراين سۋ كانالىسىز شەشە المايتىنىن ءتۇسىندى.
كرەملدى باسقىنشىلىققا يتەرمەلەپ وتىرعان ماڭىزدى ءبىر فاكتور وسى.
"سيلا ەست، ۋما نە نادو" دەگەن دە وسى ورەكەڭنىڭ ماتەلى.

ەكىنشىسى - ول قازىر كوپتەگەن ساراپشىلار ءمان بەرمەي وتىرعان ۋكراينانىڭ جىل سايىن، اي سايىن ءوسىپ بارا جاتقان اسكەري الەۋەتى.
مەنىڭشە، قازىرگى ەكسپەرتتەردىڭ كوبى بۇل جانجالدا "پۋتين باسقىنشى، وزبىر، انداي مىنداي" دەگەن اڭگىمەدەن اسا الماي بۇعان اسا ءمان بەرمەيتىن سياقتى.
جالپى، ۋكراينا اسكەري سالاسى قازىر كۇرت دامۋ ۇستىندە، ولار سوڭعى 7 جىلدا وتاندىق ءوز قارۋ جاراعىن شىعارىپ ءتىپتى سىرتقا ساۋدالاي باستادى.
ۋكراينانىڭ قازىر ءوز اسكەري ءونىمى - راكەتا كەشەنى بار، تانكىگە قارسى قولداناتىن ستۋگنا - كورسارى بار، مىقتى تانكىلەرى بار، ساپالى ۆينتوۆكالارى بار.

وعان ولاردىڭ سىرتتان الىپ جاتقان قارۋىن قوسىڭىز، "جاۆەلين", " "بايراكتار", تاعىسىن تاعى..

جالپى، اقش تا بيلىككە بايدەن كەلگەلى، ۋكراينانىڭ اسكەري سالاسىنا ميلليونداعان قارجى ءبولىنىپ، تىكۇشاقتار، تەحنيكالار اعىلۋدا.

ال ۋكراينالىقتارعا ولاردىڭ ءتىلىن ۇيرەتىپ ناتو اسكەريلەرى جەتەكتەپ ءجۇر.
شاماسى بۇل جاعداي كرەملدى قاتتى الاڭداتىپ وتىر. ونى مىنادان كورۋگە بولادى:
ەردوعان سوڭعى رەت سوچيگە كەلگەندە پۋتين وعان ۋكرايناعا بپلا بەرمەۋىن قاتتى ءوتىنىپ سۇراسا كەرەك، بىراق ونى مەنىڭشە ەردوعان پىسقىرمادى. ول "بۇل كوممەرتسيالىق جوبا، بۇعان ساياساتتىڭ قاتىسى جوق" دەپ قولىن سەرمەگەن بولار.

ايتەۋىر ۋكرايناعا قازىر جاسىرىن تۇردە "بايراقتاردىڭ" ءبىرازى جەتتى.
ياعني، ماسكەۋ ۋكراينانىڭ قارۋلانۋىن وتە اۋىر قابىلداپ وتىر.
جىعىلعانعا جۇدىرىق دەمەكشى، بۇرىن ۋكرايناعا قارۋ بەرۋ مۇمكىندىگىن بۇعاتتاپ وتىرعان ءپۋتيننىڭ اپاسى - كانتسلەر ا. مەركەل ورنىنان كەتكەسىن ناتو ۇيىمى كەلەشەكتە ۋكرايناعا قارۋدىڭ ءتۇر ءتۇرىن جاۋدىرۋى مۇمكىن. بۇل دا بار.

دەمەك، ۋكراينا قازىر قۇجات جۇزىندە ناتو بولماسا دا، ءىس جۇزىندە ناتو نىڭ جارتى الەۋەتى بولىپ قالدى. بۇنداي قارقىنمەن ءۇش - ءتورت جىلدان سوڭ "ۋكراينا - رەسەي سوعىسىندا" ورىسقا قارسى ورتاڭقول ناتو ەلى سوعىسۋى مۇمكىن.

ال ناتو مەن رەسەيدىڭ كىشىگىرىم سوعىسىن كورگىڭىز كەلسە — بىلتىرعى ءازىربايجان مەن ارمەنيا سوعىسىن قاراڭىز.
مەنىڭ ويىمشا، وسىنى سەزىپ ءپۋتيندى سوعىستى ءدال قازىر باستاۋعا ۇگىتتەپ، اسىقتىرىپ وتىرعان رەسەيلىك گەن شتابتاعى ورىس اسكەري گەنەرالدارى بولۋ كەرەك. ويتكەنى سالدەن سوڭ ۋكراينا، ءوز اسكەري الەۋەتى جاعىنان رەسەيگە بوي بەرمەي كەتۋى مۇمكىن.
ال ول دەگەنىمىز - رەسەيدىڭ اسكەري دەرجاۆا رەتىندەگى ءداۋىرى اياقتالىپ، ءپۋتيننىڭ بيلىگىنە - "پۋتين كاپۋت" دەگەن ءسوز.
سەبەبى، پۋتين رەسەيدە 21 جىل بيلىكتە وتىرسا سونىڭ 8 جىلىن ۋكرايناعا ارناعان ەكەن.

ءپۋتيندى الدارقاتىپ بايدەن دە ۋاقىت سوزىپ ءبىر كەلىسسوزدەن ەكىنشى كەلىسسوزگە سۇيرەۋدە، مەنىڭشە بۇ جەردە ۆاشينگتون كرەملدى ديپلوماتيالىق ارناعا تارتقانسىپ، ۋاقىت ۇتىپ ۋكراين اسكەرىنىڭ جەدەل قالىپتاسۋىنا شەكسىز ۇلەس قوسۋدا جانە اقش ەكىنشى قولىمەن ۋكرايناعا قارۋ جاراعىن توگىپ جاتىر.
ويتكەنى ۆاشينگتون بۇل جانجالدىڭ سوعىسسىز بىتپەيتىنىن ىشتەي باياعىدا تۇسىنگەن بولۋ كەرەك.

ولجاس ءابىل

Abai.kz

7 پىكىر

ۇزدىك ماتەريالدار

الاشوردا

الاش-ارمان

بەيبىت قويشىباەۆ  2089
بىلگەنگە مارجان

حيلدا حۋكحەم جانە ۇلى قولباسشىلار

بەيسەنعازى ۇلىقبەك 2024
ادەبيەت

ءتۇس

ەرعالي باقاش 1710
انە، كوردىڭ بە؟

ارحيمەد كىمدى قورعاشتايدى؟

جايبەرگەن بولاتوۆ 2743