سەنبى, 23 قاراشا 2024
الاڭ 3638 7 پىكىر 4 قاڭتار, 2022 ساعات 00:10

جاڭاوزەن حالقى الاڭدا: نوعاەۆ نە دەيدى؟

نۇرلان نوعاەۆ سۇيىتىلعان گاز باعاسىنىڭ كوتەرىلۋىنە نارازى اۆتوكولىك يەلەرىمەن كەزدەستى.

بۇگىن، 3 قاڭتاردا ماڭعىستاۋ وبلىسىنىڭ اكىمى نۇرلان نوعاەۆ سۇيىتىلعان مۇناي گازىنىڭ باعاسىن تومەندەتۋدى تالاپ ەتكەن اقتاۋ قالاسىنىڭ اۆتوكولىك يەلەرىمەن كەزدەستى، دەپ حابارلايدى ماڭعىستاۋ وبلىسى اكىمىنىڭ ءباسپاسوز قىزمەتى.

نۇرلان نوعاەۆ جينالعاندارعا مەملەكەت باسشىسى قاسىم-جومارت توقاەۆتىڭ تاپسىرماسى بويىنشا سۇيىتىلعان مۇناي گاز باعاسىن تومەندەتۋگە قاتىستى ۇكىمەت قابىلداعان شارالاردى ءتۇسىندىردى.

وبلىستىڭ اگقس يەلەرى بيزنەستىڭ الەۋمەتتىك جاۋاپكەرشىلىگى اياسىندا باستاماشىلىق تارتىپپەن گاز قۇنىن 120 تەڭگەدەن 85-90 تەڭگەگە دەيىن تومەندەتۋ تۋرالى شەشىم قابىلدادى.

نۇرلان نوعاەۆ باسەكەلەستىكتى قورعاۋ جانە دامىتۋ اگەنتتىگى اگقس يەلەرىنە قاتىستى باعالىق ءسوز بايلاسۋ بويىنشا تەرگەۋ باستاعانىن ايتتى.

اۆتوكولىك يەلەرىمەن كەزدەسۋ بارىسىندا نۇرلان نوعاەۆ جينالعانداردى قوعامدىق ءتارتىپتى ساقتاۋعا، حالىقتىڭ ءومىرى مەن دەنساۋلىعىنا قاۋىپ تونۋىنە جول بەرمەۋگە شاقىردى.

وبلىس اكىمى كەز-كەلگەن ماسەلەنى تەك سىندارلى ديالوگ ارقىلى شەشۋگە بولاتىنىن اتاپ ءوتتى.

كەزدەسۋگە ۇكىمەتتىڭ تاپسىرماسى بويىنشا قۇرىلعان كوميسسيا قۇرامىنا كىرەتىن ەنەرگەتيكا مينيسترلىگى مەن باسەكەلەستىكتى قورعاۋ جانە دامىتۋ اگەنتتىگىنىڭ وكىلدەرى دە قاتىستى.

Abai.kz

7 پىكىر

ۇزدىك ماتەريالدار

سىني-ەسسە

«تالاسبەك سىيلىعى»: تالقاندالعان تالعام...

اباي ماۋقاراۇلى 1465
بىلگەنگە مارجان

«شىعىس تۇركىستان مەملەكەتى بەيبىت تۇردە جوعالدى»

ءالىمجان ءاشىمۇلى 3238
ءبىرتۋار

شوقاننىڭ ءازىل-سىقاقتارى

باعدات اقىلبەكوۆ 5377