سارسەنبى, 25 مامىر 2022
46 - ءسوز 2429 6 پىكىر 17 قاڭتار, 2022 ساعات 14:02

نەنى، كىمدى قورعاۋداسىڭ باۋىرىم؟!

جالاۋىن ۇستاعان، ازاماتتىق قۇقىقتارىن قورعاۋعا شىققان، ءتۇتىن ىشىندە، گازبەن ۋلانعان، تالتىرەگەن جالعىز قازاق . قۇلاۋعا دايىن، بىراق كوك بايراعىن قولىنان شىعارماي بىردەڭەنى قورعاۋدا.
نەنى، كىمدى قورعاۋداسىڭ باۋىرىم؟!

ايتشى بىزگە، الاڭعا بارماي، ديۆاندا قالعاندارعا. جان تىنىشتىعىمىزدى قالاپ، ۇيدەن شىقپاعاندارعا، سەنىڭ ولەرىڭدى بىلمەي، قازىر وققا ۇشقانداردى مىنا كوزىمىز شىققىر كوزبەن كورىپ، قينالعاندارعا، ايتشى كوكەم، ايتشى جالعىزىم؟ ءار قازاعىم جالعىزىم دەۋشى مە ەدىك ؟...

ءيا، كوكە، ءوزىمنىڭ دە سەنىڭ دە ءتىلىڭنىڭ تاپتالعانى ءۇشىن، ادىلدىكتى كۇتىپ ناتيجە الاماعانىم ءۇشىن، كەدەيلىكتەن شىعا الاماعانىم ءۇشىن، ۋادەنى عانا تاراتاتىن ساياساتتان شارشاعانىم ءۇشىن، جەر استى-ءۇستى بايلىقتاردان ۇلەسىمدى الاماعانىم ءۇشىن، بوستاندىقتارعا جەتە الماعانىم ءۇشىن... شىقتىم مەن الاڭعا.

تاعى ، تاعى، تاعىسى. ايتا بەرسەڭ بىتپەس سەبەپتەردىڭ جارىسى. وتىز جىلدا جەتپەدى بيلىكتىڭ ماعان كوزى، قالدىم شارشاپ كۇيكى تىرشىلىكتىڭ كۇيبەڭىنەن، ءبىر ەركىن تىنىس الار كەز كەلگەن شىعار دەگەن ۇمىتپەنەن، شىقتىم مەن سول كوپتىڭ بارعان الاڭىنا. قارۋىم مەنىڭ بولدى مەملەكەتتىك ۇرانىم، جەلبىرەتكەن كوك تۋىم، بيلىككە ايتار ءسوز-نازىم! قايران ەلىم، قوش بول ساعان ايتارىم!
تىڭدار ادام بولمادى الماتىنىڭ تورىندە ورىن العان بيلىكتەن، ءبىر اۋىز سابىرعا شاقىرعان سوزدەرىن دە ەستي المادىق. جارامادى اكىمىمىز، ساليقالى ۇلكەندەرىمىز ، كەۋدەدەن تەپتى بىزدەردى. ساپىرىلىسقان حالىقتىڭ الدىن جاپتى اسكەرمەنەن. اشۋ قىستى بىزدىدە، كوكە، كىنا تاعا الارسىڭ سەن بىزگەدە، كەتتىك وزەن بولىپ، جاعىپ- جانشىپ بارىندە. مەنىڭ ءوزىم، جيىرما جىلعى بازارداعى ارباكەش، كىسىگە تىك قاراۋعا باتا المايتىن، بولىپ كەتتىم ءبىر ساتتە، مىڭگىزبەيتىن، جۇگەن سالعىزبايتىن ءبىر اساۋ ...

قاپ، كەلمەدىڭ-اۋ سول ساتتە، اقىل ايتىپ سەن بىزگە. كوكەلەر مەن اعالارىم، ساليقالى ادامدارىم، قايدا بولدىڭ سول كەزدە، ساۋعا سۇرار ءبىز ءۇشىن، پوليتسيا مەنەن اسكەردەن.

وققا ۇشتىم، ماڭدايىمدا تەسىك بار. جاتىرمىن مەن كوپپەن بىرگە مورگتا. قىلدىڭىز مەنى تەرروريست، ادام جانىن الۋشى. كىناسىزبىن مەن ، كۇناسىزبىن شىنىمەن. ەشكىمگە دە قولىم مەنىڭ تيمەدى. كوپپەن كورگەن ۇلى توي، كەتتى جانىم سونىڭ ىشىندە. كىنالاما مەنى، كوكەتاي. كىنام مەنىڭ كوپپەن بىرگە شىققان مايدانىم، سەن ءۇشىن دە ءوزىم ءۇشىن دە، بوستاندىق پەن حاق سۇراپ، ەركىن جاساعان ءبىر كۇنىم.

جاتقان جەرىڭ جايلى، يمان سەرىگىڭ بولسىن، باۋىرىم.
قازاق ەلى،بولاشاق ۇرپاق،بوستاندىقتار مەن دەموكراتيا ءۇشىن.

بەيبىت قۇلماعامبەتوۆ

Abai.kz

6 پىكىر