قازاقستاندىق ارالاس جەكپە-جەكتىڭ بالۋانى قۋات حاميتوۆ Instagram پاراقشاسى ارقىلى مەملەكەت باسشىسىنا مالىمدەمە جولدادى. قۋات بۇل جولى مالىمدەمەنى ورىس تىلىندە ءبىلدىردى.

"مەنىڭ ويىمشا، حالىق اراسىندا تەرروريستەر جوق. وسى كۇندەرى "قاڭتار وقيعاسىن" زەرتتەۋ ءۇشىن قۇقىق قورعاۋ ورگاندارىنا ەركىندىك بەردى جانە ولار قازىر ناعىز زاڭسىزدىقپەن اينالىسىپ جاتىر. ميتينگتەرگە قاتىسپاعان ادامداردى الىپ كەتىپ، ولاردى ۇرىپ-سوعىپ، جاساماعان قىلمىسىن موينىنا الۋعا ماجبۇرلەۋدە. پوليتسيا بولىمشەسىندەگىلەر قالاسىن-قالاماسىن ۇستاعانداردىڭ موينىنا بارلىق قىلمىستى ءىلىپ جاتىر", - دەدى قۋات.

وسى ورايدا سپورتشى مەملەكەت باسشىسى قاسىم-جومارت توقاەۆتان مۇنى توقتاتۋدى سۇرادى. "ادامدار ءۇش كۇن بويى قالانى توناپ، تەرروريست اتاندى. ال ءبىزدى 30 جىل بويى توناپ، ولتىرگەندەردى قالاي اتايمىز؟" - دەدى سپورتشى.

Abai.kz